Mar 142015
 

4

சுடும் வெயிலில் சுருங்கிய கண்களுடன்

கொதிக்கும் ரத்தம் அனல் குடிக்க

உடலெங்கும் காய்ந்த குருதி நரம்பாக

சிதறிய உடல் எல்லாம் படிக்கட்டாக

வீரக்கடமை எனும் இருள் மறைக்க

மரண ஓலத்தின் மர்ம ரசிகனாக

எல்லாம் இழந்தும் எதையோ சாதிக்க

தாய் நாடே

வந்தால் வருவேன்

இல்லை

எதிரியின் படிக்கட்டாவேன்

– கவிஞர்.ஞ

 

 

இரவுக் கடமை

கதவோட்டை வழி குழந்தை போல் தவழ்ந்து வந்தது ஒளி

கருவிழி கதிரொளிக்கு சலனப்பட்டு ஓவென்று அழுதது

மனித கூப்பாட்டின் வேறு வடிவம் கதிரொளி

ஒரே நாளில் பிறந்து ஒரே நாளில் இறந்த பதபதைப்பு

பாதி உலகம் பிறந்தும் பாதி உலகம் இறந்தும்

சூரிய சேட்டைக்கு உலகம் ஓடுகிறது உயிர்ப்பெற்று

இரவு வேலைகாரன் நான்

தனிமை பேய் நான்

இறந்த உலகில் உயிர்ப்பெற்று நடப்பேன்

உலகம் விழித்தெழ பிணமாய் கிடப்பேன்

– கவிஞர்.ஞ

 

Likes(2)Dislikes(0)
Share
 Posted by at 12:29 am

 Leave a Reply

(required)

(required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Share
Share