Jun 142014
 

 

“சார், நம்ம நடிகர் விவேக் தனி ஆளா 20  லட்சத்துக்கு மேல் மரக்கன்று நட்டு இருக்கார். அவரோட இலக்கு கோடிக் கணக்கில் நடனுமாம், பெரிய விஷயம்ல” என்றபடி பேச்சைத் தொடங்கினார் என்னுடன் பணிபுரியும் அன்பர்.

“பெரிய விஷயம், சார். ரொம்ப நல்ல காரியம்” என்றேன் நான்.

“ரொம்ப பெரிய விஷயம் சார். நான் கூட இது மாதிரி பண்ணனும். இதுக்கு எல்லாம் எவ்வளோ செலவு ஆகும் சார்?” என்றார்.

இன்னொரு அன்பர் அதற்குள் “சார், அவரு ஒரு நடிகர் மக்களுக்கு நல்ல அறிமுகம் ஆனவரு அவரு போய் 100 கோடி மரம் நடணும் காசு கொடுங்கனு கேட்டா எல்லாம் கொடுப்பாங்க நீங்களும் நானும் கேட்டா யாரு கொடுப்பா?” என்றார்.

நாங்கள் அனைவரும் இதனை ஆமோதிக்கும் போது, எங்களுள் கொஞ்சம் அதிகம் அனுபவம் உள்ள மற்றொரு அன்பர், “உங்களில் யாருக்காவது  அஸ்ஸாமில் உள்ள மோளைக் (Molai) காடு பற்றியும், ஜாதவ் “மோளை” பாயெங்க் [Jadav Molai Payeng] பற்றியும் தெரியுமா?” என்றார்.

“மூலகடை, ஜாவா, c++, தவிர உலகத்துல வேற எதுவும் எங்களுக்குத் தெரியாது” என்றோம்.

அதன் பிறகு எங்கள் சீனியர் சொன்ன விஷயம் தான் இந்த பதிவு.

ஜாதவ் மோளை பாயெங்க் என்பவர் அஸ்ஸாமில் உள்ள மிஷிங் (Mishing) என்னும் பழங்குடி இனத்தை சேர்ந்தவர். சுமார் 30 வருடங்களுக்கு முன்னர் அஸ்ஸாமில் ஏற்பட்ட பெரும் வெள்ளம் காரணமாக அவர் தங்கி இருந்த இடத்தின் அருகில் இருந்த மரங்கள் பல வெள்ளத்தில் அடித்து செல்லப் பட்டது. அதனால் அங்கு வாழ்ந்த பறவைகள் மற்றும் சில வன விலங்குகள் குறையத் தொடங்கின.

ஜாதவிற்கு அப்போது 16-17  வயது இருக்கும். அப்போது அவருக்கு ஏற்பட்ட கவலை ‘இப்படி மரங்கள் அழிவாதானால் அதனை சார்ந்துள்ள எல்லா உயிரினங்களும் அழிகின்றனவே அப்படியானால் ஒருநாள் நாமும் அழிஞ்சிடுவோமே. அதை எப்படி தடுக்கிறது?’.

அதற்கு ஜாதவின் நண்பர்களும் பெரியவர்களும் சொன்ன அறிவுரை – “நீயே ஒரு காட்டை வளார்க்க வேண்டியது தான்”.

இந்த வாக்கியத்தை எடுத்துகிட்டு அவர் தங்கி இருந்த இடத்திற்கு அருகில் ப்ரஹ்மபுத்திரா நதியின் கரை அருகில் உள்ள சிறு தீவு போன்ற நீல பரப்பை தேர்ந்தெடுத்து அங்கு மரக்கன்றுகளை நட்டார். ஒன்றல்ல இரண்டல்ல நூற்றுகணக்கில். மரக்கன்றுகள் வளர வளர அதற்கு நீர் பாய்ச்சுவது பிரச்சினை ஆனது. மூங்கில் மரங்கள் கொண்டு சொட்டு நீர் பாசனம் செய்தார்.

படிப்படியாக மரங்கள் வளர்ந்தன அடர்த்தியான காடாக அந்த நிலப்பரப்பு மாறியது. இப்பொழுது புலிகளில் வங்களா புலி (Bengal Tiger) என்ற இனம், காண்டாமிருகம், நூற்றுக்கணக்கான மான்கள், அரியவகைக் குரங்குகள், மற்றும் பல வகையான பறவைகளின் இருப்பிடமாக அந்த இடம் இப்போது இருக்கிறது.

“அப்போ அது அவருடய சொந்த நிலமா சார்?” என்றோம்.

“இல்லை. அது அரசாங்கத்திற்கு சொந்தமான நிலம். பழங்குடி இனத்தவரான இவர், வனத்துறையில் தோட்டக்கராராக வேலை செய்கிறார். இப்பவும் அவருடய சொத்து மனைவி இரண்டு குழந்தைகள், சில எருமை மாடுகள், மற்றும் ஒரு குடிசை”.

இப்படி எங்கள் சீனியர் சொன்ன உடன், “சார், அது எவ்வளவு பெரிய காடு?” என்றார் ஒரு அன்பர்.

“1360 ஏக்கர் பரப்பளவு கொண்டது” என்றார்.

1360 ஏக்கர் பரப்பளவு கொண்ட காடு, ஒரு தனி மனிதன் செய்ததா என்ற பிரம்மை இன்னும் அகலவில்லை.

indian-man-forest

–          D. சரவணன்

Likes(2)Dislikes(0)
Share

  4 Responses to “மோளைக் காடு”

  1. Inspiring incident. Send it schools and let them share, motivate children to do it in their respective area

    Likes(1)Dislikes(0)
  2. Thanks Mr.Karthik. Article corrected accordingly. Readers, we apologize for the error.

    Likes(0)Dislikes(0)
  3. Vivek planted only 21.5 lakhs trees till now ( source Coffee with DD- Vivek show 30.03.14). Abdul kalam planted the 10th Lakh tree and gave a new target of 1 crore.

    Likes(0)Dislikes(0)
  4. அப்பா ஜாதவ் மொளை. நீ வாழ்க. விட்டால் நீவிர் சென்னையையும் பெங்களூரையும் காடாக மாற்றி
    விடுவீர்கள். மனிதர்கள் எல்லாம் காட்டுக்குள் இருக்கவேண்டியதுதான். மிகவும் சிறந்த படைப்பு.. விமல் தியாகராஜனுக்கும் குழுவினருக்கும் வாழ்த்துக்கள். பணி தொடரட்டும்.

    Likes(0)Dislikes(0)

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)

Share
Share