Nov 302016
 

broc

ஊட்டச்சத்து நிறைந்த பிராக்கோலியின் பயன்பாடு தற்போது தமிழகத்தில் சற்றே அதிகரிக்க ஆரம்பித்துள்ளது. இது நீரிழிவு, புற்றுநோய், இதயநோய், எலும்பு சம்பந்தப்பட்ட நோய்கள் மற்றும் ரத்த அழுத்தம் போன்றவற்றை வர விடாமல் தடுப்பதில் முக்கிய பங்களிக்கிறது என்பது தெரியுமா!

பிராக்கோலி… என்னது பிராய்லர் கோழியா என்று கேட்காதீர்கள். இது பிராக்கோலிங்க… வெளிநாட்டு வரவான இந்த காய் பற்றி நம்மவர்கள் அறிந்தது என்னவோ கொஞ்சம்தான். இதன் பயன்பாடு மக்களிடம் இன்னும் அதிகரிக்கவில்லை. நம்ம ஊரு காலிபிளவர் மாதிரியே இருக்கும் காய்தான் இது.

நம்மூருக்கு இந்த பிராக்கோலி வந்து ஆண்டுகள் பல ஆனாலும் இது காஸ்ட்லி காயாகத்தான் நம்மவர்களால் பார்க்கப்படுகிறது. இதன் பயன்பாடு இன்னும் பரவலாகவில்லை. காரணம் நட்சத்திர ஓட்டல்களில் மட்டுமே சமைத்துப் பரிமாறப்படும் காஸ்ட்லியான காய் என்ற எண்ணம் நம் மக்கள் மனதில் இருப்பதுதான். ஆனால் தற்போது பல காய்கறி கடைகளில் பிராக்கோலி விற்பனைக்கு வந்துள்ளது. மக்களும் கொஞ்சம் கொஞ்சமாக இதை உணவில் சேர்க்க ஆரம்பித்து விடுகின்றனர். பார்வைக்கு நம்மூரு காலிபிளவர் மாதிரிதான். அது வெள்ளை என்றால் இது பச்சை நிறம் அவ்வளவுதான் மாறுபாடு.

சமீப காலங்களில் பிராக்கோலியின் பயன்பாடு சாமானிய மக்களுக்கும் தெரிய ஆரம்பித்திருக்கிறது. பிராக்கோலி என்பது ஒரு வகை காய் என்ற அளவில் மட்டுமே நிற்கிறதே தவிர, அதை எப்படி சமைப்பது என்கிற தகவல்கள் பலருக்கும் புரியாத புதிர்தான்!

‘‘பிராக்கோலி இத்தாலி நாட்டை சேர்ந்த காய். இது முதலில் அந்த நாட்டில்தான் பயன்படுத்தப்பட்டது. இந்தக் காயைப் பற்றி அவ்வளவாக யாருக்கும் தெரியாது. அறிமுகம் இல்லாத  இந்தக் காயில்  நிறைய ஆரோக்கிய சத்துக்கள் அடங்கி இருக்கிறது என்பது தெரியுமா?

இது ஊட்டச்சத்துகள் நிறைந்த காய். வைட்டமின் சி, நார்ச்சத்து, இரும்புச்சத்து, வைட்டமின் ஏ, பொட்டாசியம், கால்சியம், மக்னீசியம், கரோடின் மற்றும் பி வைட்டமின்கள் நிறைந்தது. இது நீரிழிவு, புற்றுநோய், இதயநோய், எலும்பு சம்பந்தப்பட்ட நோய்கள் மற்றும் ரத்த அழுத்தம் போன்றவற்றை வர விடாமல் தடுப்பதில் முக்கிய பங்கு வகிக்கிறது என்பதை தெரிஞ்சுக்கோங்க…

பிராக்கோலியை வேகவைத்தோ அல்லது பச்சையாகவோ சாப்பிடலாம் என்பது தெரியுமா. சாம்பாரில் போடலாம். பொரியலாகவோ செய்யலாம. சூப், சாலட் ஆகியவற்றில் சேர்த்து உண்ணலாம். இது ருசியும், சுவையும் மொறுமொறுப்புத் தன்மையும் கொண்டது.

எலும்பு சம்பந்தப்பட்ட நோய்களை தடுக்க பிராக்கோலியில் Sulforaphane என்ற ஒரு கலவை உள்ளது. மேலும் கால்சியம் மற்றும் வைட்டமின் கே  அளவு பிராக்கோலியில் அதிகளவில் உள்ளது. இதனால் உடலுக்கு கிடைக்கும் நன்மைகள் பல… பல…

இந்த இரண்டு ஊட்டச்சத்துகளும் எலும்பின் ஆரோக்கியத்திற்கு முக்கியமானது. இது ஆஸ்டியோபொரோசிஸ் என்னும் நோய் வராமல் தடுக்க உதவுகிறது என்று விளக்கமாக சொல்கிறார் திருச்சியை சேர்ந்த டாக்டர் ராமகிருஷ்ணன்.

அவர் மேலும் கூறியதாவது: பிராக்கோலி வைட்டமின் டி  குறைப்பாட்டை தீர்க்கிறது. அதிகளவில்  உள்ள வைட்டமின் ஏ  மற்றும் வைட்டமின் கே, வைட்டமின் டியின் வளர்சிதையை சமநிலையில் வைக்க உதவுகிறது. வைட்டமின் டி மாத்திரை எடுத்துக்கொள்பவர்களுக்கு பிராக்கோலி சரியான மாற்று என்பதுதான் உண்மையிலும் உண்மை.

அதுமட்டுமா? புற்று நோயைத் தடுக்கும் சக்தி இதில் அதிகம் உள்ளது. புற்றுநோய்க்கு மட்டும் உதவாமல், கல்லீரல் செயல் திறனை அதிகரிக்கவும் உதவுகிறது. இது போன்ற பண்புகள் உள்ளதால் இது ஒரு தனித்தன்மை வாய்ந்த காய். இப்போது இதன் பயன்பாடு சற்றே அதிகரிக்க ஆரம்பித்துள்ளது என்றார்.

பிராக்கோலியில் நார்ச்சத்து நிறைந்ததாம். அது ரத்தத்தில் உள்ள கொழுப்பை குறைக்கும் திறன் கொண்டது. பிராக்கோலியை வேக வைத்து உண்டால் உடலுக்கு மிகவும் நல்லது. பிராக்கோலியை ஆவியில் சமைத்தால் அதில் உள்ள நார்ச்சத்து செரிமான பித்த அமிலங்கள் இணைகின்றன.

இந்த இணைப்பினால் பித்த அமிலங்கள் வெளியேற்றப்பட்டு, கொழுப்பைக் குறைக்க உதவுகிறது.

N.நாகராஜன்

Likes(1)Dislikes(0)
Share
Nov 302016
 

domi

வியாபாரத்தை பெருக்க… மான் மூலம் டெலிவரி…. யோசிப்பு எப்படி போகுது…

ஜப்பான்:
எப்படி எல்லாம் யோசிக்கிறாங்க… மக்களை கவர்ந்து வியாபாரத்தை பெருக்கி கொள்ள… என்ன விஷயம் தெரியுங்களா?

ஜப்பானில் கிறிஸ்துமஸ் கொண்டாட்டத்தின் போது வாடிக்கையாளர்களுக்கு மான்கள் மூலம் பீட்சா வினியோகம் செய்ய போறாங்களாம்… இது எப்படி இருக்கு?

ஜப்பானில் இந்த ஆண்டு கடும் குளிர் நிலவுகிறது. கிறிஸ்துமஸ் பண்டிகையின்போது பனிப்பொழிவு அதிகளவில் இருக்கும் என வானிலை ஆய்வு மையம் அறிவித்துள்ளது.

இதனால் வாடிக்கையாளர்களுக்கு பீட்சா வினிநோயகம் செய்ய முடியாத நிலை ஏற்பட்டுள்ளது. இதை தவிர்க்க பிரபல நிறுவனமான டோமினோஸ் பீட்சா நிறுவனம் பனிச்சறுக்கு வண்டியை இழுக்கும் பெரியகொம்புகள் கொண்ட கலைமான்கள் மூலம் பீட்சா வினியோகிக்க திட்டம் போட்டு இருக்காம். இதற்காக மான்களுக்கு பயிற்சி அளிக்கிறாங்களாம்… மிருக பயிற்றுனர்கள்….

கானாவில் கலக்கல்… கண்பார்வையற்ற பெண்களுக்கு பேஷன் ஷோ

கானா:
மனதில் உறுதி வேண்டும்… அது இருந்தால் போதும்… என்பது போல் கானாவில் கண்பார்வையற்ற பெண் மாற்றுத்திறனாளிகளுக்காக பேஷன் ஷோ நடந்தது.

உடற்குறைபாடுகளைவிட மாற்றுத்திறனாளிகளுக்கு எதிரான மனப் போக்கே அவர்களின் எண்ணத்திற்கு எதிரான முக்கிய தடையாக சில நேரங்களில் அமையலாம். அதை மாற்ற வேண்டும் என்ற நோக்கத்தில் தான் கானாவில் கண்பார்வையற்ற பெண்களை ஊக்குவிக்க சிறப்பு பேஷன் ஷோவை வடிவமைப்பாளர்கள் நடத்தி உள்ளனர்.

இப்போட்டிக்கு மக்களிடையே பெரும் ஆதரவு கிடைத்துள்ளது என்பதுதான் மிகப்பெரிய வெற்றியாகும்.

அவருக்கு ஓய்வு… இப்போ… இவருக்கு பதவி…

பாகிஸ்தான்:
இப்போ… இவரு… இவருதான் என்று பாகிஸ்தான் அரசு இவரை நியமனம் செய்திருக்குங்க…

பாகிஸ்தானின் புதிய தலைமை ராணுவதளபதியாக கமர் ஜாவித் பாஜ்வா பொறுப்பேற்றுக் கொண்டார்.

இதற்கு முன்பு இந்த பதவியில் இருந்த ரஹீல் ஷெரிப் ஓய்வு பெற்றதை அடுத்து ஜாவித் பாஜிவா தலைமை ராணுவ தளபதியாக பொறுப்பேற்றுக் கொண்டார். இதையடுத்து அவரிடம் பாரம்பரிய கோலினை ரஹீல் ஷெரிப் வழங்கினார்.

பாகிஸ்தானின் தலைமை ராணுவ தளபதியாக பணியாற்ற தயார் செய்யப்பட்ட 5 பெயர்கள் அடங்கிய சிறுபட்டியலில் இருந்து இப்பதவிக்கு பாகிஸ்தான் பிரதமர் நவாஸ் ஷெரிப், பாஜ்வாவைத் தேர்ந்தெடுத்துள்ளார் என்பது குறிப்பிடத்தக்கது.

அவங்க எல்லாரும் பின்னாடி… பிரதமர் மோடிதான் முன்னாடி 

நியூயார்க்:
அவங்க எல்லாரும் பின்னாடி… இந்திய பிரதமர் மோடிதான் முன்னாடி என்று தகவல்கள் வெளியாகி உள்ளது. என்ன விஷயம் என்று கேட்கிறீர்களா?

2016ம் ஆண்டின் செல்வாக்கான நபர் பட்டியலில் இந்திய பிரதர் மோடி, அனைவரையும் பின்னுக்கு தள்ளிவிட்டு முன்னிலையில் இருக்கிறார்.

அமெரிக்காவிலிருந்து வெளிவரும் பிரபலமான டைம் பத்திரிக்கை, இந்த கருத்துக்கணிப்பை நடத்தி உள்ளது. இணையதளம் வழியாக ஏராளமானோர் இதில் கலந்து கொண்டு வாக்களித்துள்னர்.

அதில் 21 சதவீத பேரின்  ஆதரவை பெற்று பிரதமர் மோடி முதலிடத்தில் உள்ளார். விக்கிலீக்ஸ் நிறுவனர் ஜீலியன் அசாஞ்ஜே 10 சதவீத வாக்குகள் பெற்று 2ம் இடத்திலும்,  7 சதவீத வாக்குகளைப் பெற்று, அமெரிக்க அதிபர் பராக் ஒபாமா 3ம் இடத்திலும் உள்ளனர்.

6 சதவீத வாக்குகள் பெற்று அமெரிக்காவின் புதிய பிரதமராக தேர்வு செய்யப்பட்ட டிரம்ப் மற்றும் ரஷ்ய அதிபர் புதின் ஆகியோர் 4ம் இடத்திலும் உள்ளனர்.

இந்த கருத்துக்கணிப்பின் இறுதி முடிவு, டிசம்பர் 4ம் தேதிதான் வெளியாகுமாம். அதுவரை மோடி முன்னிலையில் இருப்பாரா என்பது அன்றுதான் தெரியும்.

நாய் அரவணைப்பில் வளரும் புலிக்குட்டிகள்… வைரலாகும் வீடியோ…

ஜெர்மனி:
தாய்மை… தாய்மைக்கு ஏது வேற்றுமை என்றுதான் சொல்ல வேண்டும். எதற்காக இந்த பில்டப் என்கிறீர்களா? இது பில்டப் இல்லீங்க. மேட்டரை பாருங்க…

இரண்டு புலிக்குட்டிகளை ஒரு நாய், தாய் போல் பாதுகாத்து வளர்த்து வரும் வீடியோதான் தற்போது இணையத்தில் வைரலாக பரவி பார்ப்பவர்களை நெகிழ்ச்சி அடைய செய்கிறது.

ஜெர்மனியில் உள்ள ஒரு உயிரியல் பூங்காவில் சமீபத்தில் ஒரு வெள்ளை பெண் புலி 2 குட்டிகளை ஈன்றது. ஆனால், அந்த குட்டிகளை அது கை விட்டு விட, நான் இருக்கேன் என்ற என்ட்ரி கொடுத்துள்ளது நாய் ஒன்று.

பூங்கா பணியாளர் இந்த புலிக்குட்டிகளை தன் வீட்டுக்கு எடுத்துச் சென்று வளர்க்க முடிவு செய்ய அவரது வீட்டில் வளரும் ஒரு நாய், அந்த புலிக்குட்டிகளை அரவணைத்துக் கொண்டுள்ளது. இந்த நாய், புலிக்குட்டிகளுன் விளையாடும் வீடியோ இணையத்தில் வைரலாக பரவி வருகிறது.

ஊடுருவிய தீவிரவாதிகள் தாக்குதல்… 5 ராணுவத்தினர் பலியான சோகம்

பநீநகர்:
தீவிரவாதிகள் நடத்திய தாக்குதலில் 5 பேர் பலியான சம்பவம் பெரும் அதிர்ச்சியை ஏற்படுத்தி உள்ளது. இந்த தாக்குதல் எங்கு தெரியுங்களா?

நக்ரோடா ராணுவ அதிகாரிகள் ஓய்வு விடுதியில் உள்ள மெஸ் வளாகத்தில்தான் தீவிரவாதிகள் புகுந்து தாக்குதல் நடத்தினர். இதில்  2 ராணுவ அதிகாரிகள் மற்றும் 5 வீரர்கள் பலியாகி உள்ளனர்.

காஷ்மீரில் பாதுகாப்பு படையினரின் தீவிர கண்காணிப்பு காரணமாக எல்லை வழியாக பாகிஸ்தான் தீவிரவாதிகளின் ஊடுருவல் கட்டுப்படுத்தப்பட்டு உள்ளது. இருப்பினும் அவ்வப்போது ஊடுருவலில் ஈடுபடும் தீவிரவாதிகள் தாக்குதல் சம்பவங்களில் ஈடுபட்டு வருகின்றனர்.

அதுபோல்தான் இந்த சம்பவமும் நடந்துள்ளது. ஜம்மு- உதம்பூர் தேசிய நெடுஞ்சாலையில் நக்ரோடா என்ற இடத்தில் உள்ள ராணுவ முகாம் பகுதியில் ஊடுருவிய தீவிரவாதிகள் திடீர் தாக்குதல் நடத்தினர்.

இங்கு ராணுவ அதிகாரிகளுக்கான ஓய்வு விடுதி உள்ளது. அங்கு பாதுகாப்பு படை வீரர்கள் காவலுக்கு நின்றிருந்தனர். அவர்களை நோக்கி தீவிரவாதிகள் துப்பாக்கியால் சுட்டனர். இதில் 2 வீரர்கள் காயம் அடைந்தனர். உடன் அங்கு கூடுதல் வீரர்கள் விரைந்தனர்.

தப்பி ஓடிய தீவிரவாதிகள் அந்த இடத்திலேயே பதுங்கி இருந்ததால் பாதுகாப்பு படையினர் அந்த இடத்தை சுற்றி வளைத்து தேடுதல் வேட்டையில் ஈடுபட்டனர். அப்போது இருதரப்புக்கும் இடையே கடும் துப்பாக்கி சண்டை நடந்தது. இதில் 2 ராணுவ அதிகாரிகள் உட்பட 5 வீரர்கள் பலியாகி உள்ளனனர் என்று பாதுகாப்பு செய்தி தொடர்பாளர் மணீஷ் மேத்தா தெரிவித்துள்ளார்.

பாதுகாப்பு படையினர் நடத்திய எதிர் தாக்குதலில் தீவிரவாதிகள் 3 பேர் கொல்லப்பட்டுள்ளனர்.

சோகத்தில் ஒரு ஆறுதல்… விமான விபத்தில் 5 பேர் தப்பினர்

பொகோடா:
சோகத்திலும் ஒரு ஆறுதல் என்பது போல் கொலம்பியா அருகே நொறுங்கி விழுந்த விமானத்தில் இருந்த 5 பேர் அதிர்ஷ்டவசமாக காயங்களுடன் உயிர் தப்பி உள்ளனர்.

தென் அமெரிக்காவில் உள்ள பொலிவியாவில் இருந்து கொலம்பியாவுக்கு 81 பயணிகளுடன் விமானம் ஒன்று புறப்பட்டு சென்றது.

இந்த விமானத்தில் பிரேசிலின் சர்பிசியோன்ஸ் ரியல் கால்பந்து அணியை சேர்ந்த வீரர்களும் பயணம் செய்தனர்.
இந்த விமானம் கொலம்பியாவின் மெடலின் அருகே வந்த போது அங்குள்ள மலைப்பகுதியில் விழுந்து நொறுங்கியது.

இந்நிலையில் விமானத்தில் பயணம் செய்த கால்பந்து வீரர்கள் உட்பட 76 பயணிகள் இறந்து விட்டனர் என்று தகவல்கள் வெளியானது.

மீட்புபணிகளின் போது 3 கால்பந்து வீரர்கள் உட்பட 5 பேர் காயத்துடன் அதிர்ஷ்டவசமாக உயிருடன் இருப்பது கண்டுபிடிக்கப்பட்டு அவர்கள் உடனடியாக மருத்துவமனையில் சேர்க்கப்பட்டுள்ளனர்.

மனம் இருந்தால் இருந்தால் மார்க்கம் உண்டு… விமானியின் சாமர்த்தியம்

மெல்போர்ன்:
மனம் இருந்தால் மார்க்கம் உண்டு என்று சொல்வது போல் அச்சப்படாமல் ஒற்றை சக்கரத்துடன் ஹெலிகாப்டரை தரையில் இறக்கி அசத்தி உள்ளார் ஒரு பயிற்சி விமானி.

ஆஸ்திரேலியாவின் குவீன்ஸ்லாந்து மாநிலத்தின் பிரிஸ்பேன் நகரில் விமானிகளுக்கு பயிற்சி அளிப்பதற்கான ‘பஸைர்‘ என்ற நிறுவனம் உள்ளது.

இந்த நிறுவனத்துக்கு சொந்தமான ‘பைப்பர் வாரியர்’ ரக ஹெலிகாப்டரில் வழக்கம்போல் பிரிஸ்பேன் விமான நிலையை ஓடுதளத்தில் இருந்து புறப்பட்ட ஒரு பயிற்சி விமானி, வானத்தில் பறந்து கொண்டிருந்தார். இந்நிலையில்தான் ஒரு அதிர்ச்சி சம்பவம் கண்டுபிடிக்கப்பட்டது. என்ன தெரியுங்களா?

ஓடுதளத்தில் இருந்து உயர கிளம்பிய பின்னர் அந்த ஹெலிகாப்டரின் இடதுப்புற சக்கரம் காணாமல் போயிருந்ததை கட்டுப்பாட்டு அறை அதிகாரிகள் கண்டு பிடித்தனர். இதனால் அங்கு பெரும் அதிர்ச்சி உருவானது.

தொடர்ந்து வானில் பறந்து கொண்டிருந்து பயிற்சி விமானிக்கும் தகவல் அளிக்கப்பட்டது. ஹெலிகாப்டரில் உள்ள எரிபொருள் தீரும்வரை வானத்தில் வட்டமடித்து கொண்டிருந்த அந்த பயிற்சி விமானி, ஹெலிகாப்டரை இரண்டே சக்கரத்தின் உதவியுடன் சாதுர்யமாகவும், பத்திரமாகவும் தரை இறக்கினார். அந்த பயிற்சி விமானிக்கு அதிகாரிகள் பாராட்டுக்கள் தெரிவித்தனர்.

N.நாகராஜன்

Likes(1)Dislikes(0)
Share
Nov 292016
 

hackers

வரவு எட்டணா… செலவு ஆகுதே பத்தணா… நொந்து போய் உள்ள ஜப்பான்…

ஜப்பான்:
வரவு எட்டணா… செலவு ஆகுதே பத்தணா… என்று நொந்து போய் உள்ளது ஜப்பான்… எதற்காக தெரியுங்களா?

புக்குஷிமாவில் இருக்கும் கதிரியக்கப் பொருட்களை அகற்றுவது, சேதமடைந்த இந்த அணு உலைக்கு அருகில் வாழ்ந்த பாதிக்கப்பட்டோருக்கு இழப்பீடு வழங்குவது ஆகியவற்றிற்கு ஆகும் செலவு இரண்டு மடங்குக்கு மேலாக அதிகரித்திருப்பதாக ஜப்பானிய அதிகாரிகள் மதிப்பிட்டு நொந்து போய் உள்ளனர்.

சுனாமியால் சேதமடைந்த அணு உலையை சுற்றியிருக்கும் நகரங்களையும், கிராமங்களையும் சுத்தம் செய்ய, 180 பில்லியன் டாலருக்கு மேலாக செலவாகும் என்பதால்தான் இந்த மலைப்பாம்…

சுத்தப்படுத்தும் நடவடிக்கைகளுக்கு ஆகும் செலவில் பெரும்பான்மையை அதிக மின் கட்டணம் மூலம் ஜப்பானின் பொது மக்கள்தான் தாங்க வேண்டும் என்று தெரவித்துள்ளதால் மக்களும் அதிர்ந்து போய் உள்ளனராம்.

பிடல் காஸ்ட்ரோ… அஸ்திக்கு ஆயிரக்கணக்கானவர்கள் அஞ்சலி

கியூபா:
அஸ்திக்கு ஆயிரக்கணக்கானவர்கள் இறுதி அஞ்சலி செய்ததை கண்டு உலக நாடுகளே வியந்து தான் போய் உள்ளது.

கியூபாவின் புரட்சித்தலைவராக விளங்கிய பிடல் காஸ்ட்ரோவின் அஸ்தி கலசத்திற்கு தலைநகர் ஹவானாவில் ஆயிரக்கணக்கான கியூபா மக்கள் திரண்டு இறுதி அஞ்சலி செலுத்தினர்.

21 குண்டுகள் முழுங்க ராணுவ மரியாதையுடன் ஹவானா மற்றும் சான்டியாகோவில் இந்த இறுதி அஞ்சலி தொடங்கியது.

வரும் புதன்கிழமை முதல், போர்களில் காஸ்ட்ரோவின் புரட்சியாளர்கள் பயணித்த பாதை வழியாக காஸ்ட்ரோவின் அஸ்தி எடுத்து செல்லப்பட உள்ளது. ஆயிரக்கணக்கில் மக்கள் திரண்டு வந்து அஞ்சலி செலுத்துவதை உலக நாடுகளே வியந்து போய் பார்க்கிறது.

இப்பவேவா… என்னப்பா இது… டிரம்பின் அதிரடியால் டென்ஷன்

நியூயார்க்:
இப்பவேவா… என்னப்பா இது… என்று அமெரிக்கர்கள் நொந்து போய் உள்ளனர். எதற்காக தெரியுங்களா?

வரும் ஜனவரி மாதம் அமெரிக்காவின் அதிபராக பொறுப்பேற்கும் போது, அமெரிக்கா – கியூபா இடையேயான உறவை சீரமைக்கும் பராக் ஒபாமாவின் கொள்கைகளை திரும்பப்பெறப்போவதாக டொனால்ட் டிரம்ப் விடுத்துள்ள எச்சரிக்கைக்கு ரியாக்சன் தான் அது.

அமெரிக்காவுக்கும், அமெரிக்கா வாழ் கியூபர்களுக்கும், கியூப மக்களுக்கும் ஏதுவான சிறந்த திட்டத்துடன் கம்யூனிஸ்ட் அரசாங்கமான கியூபா தயாராக இருப்பதை சார்ந்தே கியுபாவுடனான உறவுகள் மீண்டும் கட்டமைக்கப்படும் என்று டிரம்ப் தெரிவித்துள்ளார். அட போங்கப்பா… ஆரம்பிக்கும் போதே ஆர்ப்பாட்டத்தை கிளப்புவார் போலிருக்கே…

யாருய்யா… அது யாரு… அந்த ஹேக்கர்கள் யாரு… ஜெர்மனி கவலை

ஜெர்மனி:
யாருய்யா… அது யாரு… அந்த ஹேக்கர்கள் யாரு என்று ஜெர்மனியின் டோயிட்ச்சே டெலிகாம் நொந்து போய் கிடக்கிறது. என்ன விஷயம்ன்னா…

ஜெர்மனியில் ஒரு மில்லியன் வாடிக்கையாளர்களின்  இணைய தொடர்புகளை ஹேக்கர்கள் துண்டித்திருக்கலாம் என்று ஜெர்மனியின் தொலைபேசி சேவை வழங்கும் நிறுவனமான டோயிட்ச்சே டெலிகாம் அதிர்ச்சியை கிளப்பி உள்ளது.

கடந்த ஞாயிற்றுக்கிழமை தொடங்கிய சேவையில் ஏற்பட்டிருக்கும் இந்த தடங்கல், வீடுகளுக்கு இணைய தொடர்புகளை வழங்கும் கருவிகளான ரவுட்டர்களை பாதித்துள்ளது. ஆனால் அரசு இதனால் பாதிக்கப்படவில்லையாம்…

கடந்த ஆண்டு நடத்தப்பட்ட இணையவெளி தாக்குதல்கள் ஜெர்மனி நாடாளுமன்றத்தை இலக்கு வைத்தது. அதற்கு ரஷ்யர்களை ஜெர்மனிய பாதுகாப்பு துறை குற்றஞ்சாட்டியது நினைவிருக்கலாம்.

சேலம் உருக்காலை பங்குகளை விற்க மத்திய அரசு கொள்கை முடிவு

புதுடில்லி:
சரி… சரி ஒத்துக்கொள்கிறோம் என்று கொள்கை முடிவு எடுத்துள்ளதாம் மத்திய அரசு. எதற்காக தெரியுங்களா?

5 ஆண்டுகளாக நஷ்டத்தில் இயங்கும் சேலம் இரும்பாலையின் பங்குகளை விற்பனை செய்ய மத்திய அரசு ஒப்புதல் அளித்து உள்ளது என்பதுதான் விஷயமே. இதற்கு பெரிய அளவில் எதிர்ப்பு உள்ளதும் குறிப்பிடத்தக்கது.

தமிழ்நாட்டின் சேலம் இரும்பாலையில் சுமார் 2,500 பேர் பணிபுரிந்து வருகின்றனர். கடந்த சில ஆண்டுகளாக இந்த ஆலை நஷ்டத்தை சந்தித்து வருகிறது. இதனால் இதன் பங்குகளை தனியாருக்கு விற்பனை செய்ய மத்திய அரசு திட்டமிட்டது.

தமிழக அரசியல் கட்சிகள் இதற்கு கடும் எதிர்ப்பு தெரிவித்துள்ளன. இந்நிலையில் சேலம் இரும்பாலையின் பங்குகளை விற்பனை செய்வதற்கு கொள்கை ரீதியாக மத்திய அரசு ஒப்புதல் அளித்து இருக்கிறது.

இதை பாராளுமன்றத்தில் நேற்று மத்திய உருக்குத் துறை இணையமைச்சர் விஷ்ணு தியோ சாய், உறுப்பினர் ஒருவரின் கேள்விக்கு எழுத்துப்பூர்வமாக அளித்த பதில் மூலம் தெரிவித்தார்.

வா… வான்னா… வரமாட்டியா… பிடி பிடிவாரண்டை… முஷாரப்புக்குதான் இது!

இஸ்லாமாபாத்:
ஒன்று மாற்றி… ஒன்று இப்படி போட்டு தாக்கறாங்களே… என்று நொந்து போய் உள்ளாராம் முஷாரப்… முற்கால வினை இக்காலத்திலேயே தாக்குதே!

பலுசிஸ்தானின் முக்கிய அரசியல் தலைவர் கொலை வழக்கில் நேரில் ஆஜராகாத பாக். முன்னாள் அதிபர் முஷாரப்பிற்கு ஐகோர்ட் பிடிவார்ண்ட் பிறப்பித்து அதிரடித்துள்ளதுதான் விஷயமே!

பாக். முன்னாள் அதிபர் முஷாரப் (73). கடந்த 2008-ம் ஆண்டு பதவி விலகியதுடன் தானாக நாட்டை விட்டு வெளியேறினார். இப்போது துபாயில் வசிக்கிறார். கடந்த 2006-ம் ஆண்டு அதிபராக இருந்த போது பாக். ஆக்கிரமி்ப்பில் உள்ள பலுசிஸ்தானின் பலுஜ் தேசிய கட்சி தலைவர் நவாப் அக்பர்கான் பக்டி, முஷாரப் உத்தரவின் பேரில் மேற்கொள்ளப்பட்ட ராணுவ நடவடிக்கையில் கொல்லப்பட்டார்.

இந்த வழக்கு பலுசிஸ்தான் ஐகோர்ட்டில் நடந்து வருகிறது. முஷாரப்பிற்கு பலமுறை சம்மன் அனுப்பியும் அவர் வரவில்லை. இதையடுத்து வழக்கை விசாரித்த நீதிபதிகள் ஜமால் மான்டோகலி, ஜாகிருல்லாதீன் ஆகியோர் அடங்கிய டிவிசன் பெஞ்ச் முஷாரப்பிற்கு பிடிவாரண்ட் பிறப்பித்து அதிரடித்துள்ளனர். இதனால் ஆடிப்போய் கிடக்கிறாராம் முஷாரப்.

N.நாகராஜன்

Likes(1)Dislikes(0)
Share
Nov 282016
 

athithi

2 பட்டம் பெற்று சாதனை… இந்திய வீராங்கனையின் அட்டகாசம்

ஐரோப்பா:
இந்தியாவின் புகழ் கொடியை உயரே பறக்க விட்டுள்ளார் கோல்ப் வீராங்கனை அதிதி அசோக். என்ன விஷயம் தெரியுங்களா? அடுத்தடுத்து இரண்டு பட்டங்கள் வென்று சாதனை படைத்ததுதான்.

இந்திய கோல்ப் வீராங்கனை அதிதி அசோக் மகளிருக்கான ஐரோப்பிய ஓபன் சாம்பியன் பட்டத்தை வென்றதன் மூலம் அடுத்தடுத்து இரண்டு பட்டங்கள் வென்ற சாதனையை நிகழ்த்தி அட்டகாசம் செய்துள்ளார். இதனால் இந்தியாவின் புகழ் கொடி உச்சத்தில் பறக்குது.

கதார் மகளிர் ஓபன் தொடரில் முதல் பட்டம், இப்போ… மகளிருக்கான ஐரோப்பிய ஓபனையும் வென்று அசத்தியுள்ளார். இதன் மூலம் மகளிருக்கான ஐரோப்பிய ஓபன் தொடரை வென்றை முதல் இந்திய வீராங்கனை என்ற வரலாற்றையும் பதிவு செய்துட்டாருங்க…

டொனால்ட் டிரம்ப் பதவி ஏற்க இருப்பதை அடுத்து உஷாராகிறது இந்திய மென்பொருள் நிறுவனங்கள் ..

இன்போஸில், விப்ரோ, tcs போன்ற இந்திய நிறுவனங்கள், H1-B விசாக்களின் மூலம்  2005 முதல் 2014 ஆண்டுகள் வரை சுமார் 86,000 இந்தியர்களை அமெரிக்காவிற்கு வேலை செல்ல அனுப்பியிருந்தது.

அனால் தற்போது டொனால்ட் டிரம்ப் பதவி ஏற்க இருப்பதை அடுத்த, இந்த H1-B விசாக்கள் குறைக்கப்படும் என்ற பேச்சு எழுந்துள்ளது. இதனால் உஷாரான நமது IT நிறுவனங்கள் அமெரிக்காவில் உள்ள கல்லூரிகளிலும், பல்கலைக்கழகங்களிலும்  பயிலும் மாணவர்களை பணியில் அமர்த்த திட்டமிட்டுள்ளன.

தனியா ரூம் போட்டு யோசிப்பாங்களோ! பேஸ்புக் கொடுக்குது புது வசதி

நியூயார்க்:
எப்படி எல்லாம் யோசிக்கிறாங்க… இதுக்காக தனியா ரூம் போட்டு யோசிப்பாங்களே…! என்கின்றனர் பொதுமக்கள்.

என்ன விஷயம் தெரியுங்களா? பேஸ்புக் நிறுவனம் Wifi சேவையை தன் பயனாளர்களுக்கு வழங்க செமத்தியா ஒரு திட்டம் தீட்டியுள்ளதாக சொல்றாங்க…

‘Express Wifi’ என்ற அந்த புதிய திட்டத்திற்கு தேவையான அனைத்து ஏற்பாகளையும் பேஸ்புக் நிறுவனம் செயல்படுத்திக்கிட்டு இருக்காம். இன்டர்நெட் வசதி இல்லாத பகுதிகளுக்கு இன்டர்நெட் சேவையைக் கொண்டு சேர்க்க வேண்டும் என்ற நோக்கில் இந்த முயற்சி எடுக்கப்படுதாம. இதுக்காக சிறிய லேசர் பறக்கும் விமானங்களை பயன்படுத்துவதற்கும் சோதனை நடத்துறாங்களாம்.

கம்ப்யூட்டரை முடக்கும் “லாக்கி” ஹேக்கர்களின் புதிய மிரட்டல்

நியூயார்க்:
டெக்னாலஜி… புது டெக்னாலஜி என்று பேஸ்புக் புகைப்படங்கள் மூலம் கம்ப்யூட்டரை முடக்கும் வைரஸ் ஒன்றை ஹேக்கர்கள் இன்டெர்நெட்டில் பரவ விட்டு அதிர்ச்சியை கிளப்பி உள்ளனர்.

பேஸ்புக் மற்றும் லிங்க்ட் இன் சமூக வலைத்தளத்தளங்களில் பதிவிடப்படும் புகைப்படங்களைக் கொண்டு கம்ப்யூட்டரை முடக்கும் லாக்கி (Locky) என்ற வைரஸ் மென்பொருட்களை ஹேக்கர்கள் இன்டர்நெட்டில் உலவ விட்டு அனைவருக்கும் பீதியை கிளப்பி உள்ளனர்.

இது பரவினால் கம்ப்யூட்டர் அப்புறம் வெறும் டப்பாதான். இதை சரிசெய்ய ஹேக்கர்களே வழியும் சொல்றாங்க… அவங்க கேட்கும் தொகையை கொடுத்த சரி செய்துடுவாங்களாம்… சரியான வைரஸ் மெயில் பண்ணுறாங்கப்பா…

வித்தைக்காட்டி செலவுக்கு பணம் சேர்த்த வெளிநாட்டு பயணிகள்

ஜெய்ப்பூர்:
நம்ம மக்கள் மட்டும் இல்ல… அவங்களும் திண்டாடிப்போய் தெருவுக்கு வந்துட்டாங்க… யாருன்னு கேட்கிறீங்களா?

500, 1000 ரூபாய் நோட்டுகள் செல்லாது என்ற அறிவிப்புக்குப் பிறகு இந்தியா வந்துள்ள வெளிநாட்டுப் பயணிகளும் இன்னல்களை அனுபவித்து வருகின்றனர்.

பணத்தேவையைச் சமாளிக்க ராஜஸ்தானில் வெளிநாட்டு சுற்றுலா பயணிகள் சிலர் தெருவில் வித்தை காட்டி மக்களிடம் பணம் திரட்டினர். ஒட்டக திருவிழாவைக் காண வந்த வெளிநாட்டு பயணிகளுக்குதான் இந்த நிலை…நம் மக்களும் அவர்களுக்கு தங்களால் ஆன உதவிகளை செய்துள்ளனர்.

நாங்க அங்கீகரிக்கிறோம்… திருநங்கைகள் மூன்றாம் பாலினமாக அங்கீகரிப்பு

புதுடில்லி:
அங்கீகரிக்கிறோம்… நாங்க அங்கீகரிக்கிறோம் என்று ரயில்வே அமைச்சகம் சொல்லியிருக்காங்க…

எதற்காக… யாருக்கு என்கிறீர்களா? ரயில்வே முன்பதிவின் போது திருநங்கைகளை மூன்றாவது பாலினமாக அங்கீகரிப்பதாக ரயில்வே அமைச்சகம் சொல்லியிருப்பதுதான் அவர்களுக்கு கிடைத்த வெற்றியாக கவனிக்கப்படுகிறது.

ரயில்வே முன்பதிவு விண்ணப்பத்தில் திருநங்கைகள் மூன்றாவது பாலினமாக சேர்க்கப்பட்டுள்ளனர். ஆண், பெண் பாலினங்களைப் போல திருநங்கைகளை மூன்றாம் பாலினத்தவராக குறிப்பிட விண்ணப்பத்தில் இடம் அளிக்கப்பட்டுள்ளதாக ரயில்வே அமைச்சகம் தெரிவித்துள்ளது. இதனால் திருநங்கைகள் மகிழ்ச்சி அடைந்துள்ளனர். அனைத்து இடங்களிலும் ஒதுக்கப்படும் அவர்களுக்கான சமூக அந்தஸ்து தற்போதுதான் கிடைத்து வருகிறது என்கின்றனர் நடுநிலையாளர்கள்.

N.நாகராஜன்

Likes(1)Dislikes(0)
Share
Nov 262016
 

fidel

அமெரிக்காவை ஆட்டம் காண வைத்த கியூபா சிங்கம்… இன்று மறைவு

ஹவானா:

யாருக்கும் தலைவணங்காத தன்மான தலைவனாக, தன் நாட்டு மக்களுக்காக தன் வாழ்வையே அர்ப்பணித்த பிடல் காஸ்ட்ரோ (90) இன்று மரணமடைந்தார்.

உலக வல்லரசில் முதல் இடத்தில் இருக்கும் அமெரிக்காவையே அலறடித்த கியூபா நாட்டின் புரட்சித் தலைவரும், முன்னாள் ஜனாதிபதியுமான பிடல் காஸ்ட்ரோ (90) இன்று மரணம் அடைந்தார் என்று அந்நாட்டு அரசு அறிவித்துள்ளது.

அமெரிக்கா தனது ஏகாதிபத்திய கொள்கையின் மூலம் கியூபாவிலும் தனது கொடியை நாட்டியிருந்தது. ஆனால் அமெரிக்காவால் அங்கு நிலைத்து நிற்க முடியவில்லை. அதற்கு காரணம் பிடல் காஸ்ட்ரோ என்ற தனி மனிதர்.

அமெரிக்கா தங்கள் நாட்டை சுரண்டுவதை கண்டு கொதித்தெழுந்த அவர் கியூபாவின் அரசிற்கு எதிராக போராட்ட களம் காண தேர்ந்தெடுத்த கொள்கை கம்யூனிசம்…

கல்லூரியில் படிக்கும்பொழுதே கம்யூனிச கட்சியில் இணைந்து பல போராட்டங்களில் ஈடுபட்டு சிறை சென்றார். இவரது தொடர் அதிரடி போராட்டங்கள் ஒரு நல்ல தீர்வை ஏற்படுத்தி தந்தன. 1959ம் ஆண்டு புல்ஜென்சியோ பாட்டிட்ஸ்டாவின் ஆட்சியை வீழ்த்தி தலைமை அமைச்சராக பொறுப்பேற்றார் பிடல்காஸ்ட்ரோ.

1959 ம் ஆண்டில் தொடர்ந்த இவரது மக்கள் பணி 2008ம் ஆண்டுவரை நீடித்தது. 1959ம் ஆண்டு முதல் 1976 வரை கியூபாவின் பிரதமராகவும் அசைக்க முடியாதவராக வலம் வந்தார். அதற்கு பிறகு 1976 முதல் 2008-ம் ஆண்டு வரை கியூபாவின் ஜனாதிபதியாகவும் பொறுப்பு வகித்தார்.

அமெரிக்காவிடம் நேரடி மோதலை ஏற்படுத்தியவர் என்றால் அது பிடல் காஸ்ட்ரோவின் துணிச்சலையே தெரிவிக்கும். காஸ்ட்ரோவை அமெரிக்கா தனது பக்கம் இழுக்க நினைத்த அனைத்து திட்டங்களும் புஸ்வாணம் ஆனது என்பதுதான் உண்மை.

கியூபாவின் வளங்கள் அனைத்தும் கியூபா மக்களுக்கே சொந்தம் என்று அறிவித்த காஸ்ட்ரோ அதை இறுதி வரை கடைப்பிடித்தார் என்றால் அவரது உறுதியான இரும்பு உள்ளம் பற்றி தெரிந்து கொள்ளலாம். கியூபாவில் உள்ள தொழிற்சாலைகள் அனைத்தையும் பொதுவுடைமையாக அறிவித்தார் காஸ்ட்ரோ.

இதனால் அமெரிக்கா வழக்கம் போல் கியூபாவின் மீது பொருளாதார தடை விதித்தது.  அப்போதுதான் பிடல் காஸ்ட்ரோவுக்கு கை கொடுத்தது ரஷியா. கியூபாவின் பொருட்களை ரஷியா இறக்குமதி செய்ய ஒப்புக்கொள்ள தங்கள் நாட்டிற்காக இன்னும் கடுமையான உழைப்பை காட்டினர் கியூபா மக்கள்.  இதனால் காஸ்ட்ரோவை கொலை செய்ய அமெரிக்காவின் சிஐஏ அமைப்பு தீவிரமாக களத்தில் இறங்கியது. எத்தனை முறை தெரியுங்களா 638 முறை பிடல் காஸ்ட்ரோவை கொலை செய்ய திட்டமிட்டு அமெரிக்கா தோல்வியை தழுவியது என்றால் பிடல் காஸ்ட்ரோவின் பாதுகாப்பு உணர்வு எந்தளவிற்கு இருந்து இருக்கும் என்று நினைத்து பார்க்க வேண்டும்.

இந்நிலையில்தான் அமெரிக்க அதிபரான ஒபாமா கியூபாவுடன் நட்பு பாராட்டுவது என்று முடிவு செய்து அதற்கான முயற்சிகளையும் செய்தார். 54 ஆண்டுகள் கழித்து அமெரிக்காவில் கியூபா நாட்டு தூதரகம் திறக்கப்பட்டது. இதேபோல் கியூபாவில் அமெரிக்க தூதரகம் திறக்கப்பட்டது.

கியூபாவின் முன்னாள் அதிபர் பிடல் காஸ்ட்ரோவின் தம்பியான தற்போதைய அதிபர் ரவுல் காஸ்ட்ரோவை, ஒபாமா சந்தித்தார். இந்த சந்திப்பின்போது இருநாட்டு நல்லுறவு குறித்து ஆலோசிக்கப்பட்டது.

N.நாகராஜன்

Likes(1)Dislikes(0)
Share
Nov 262016
 

somalia

நடத்துங்க…நடத்துங்க… விசாரணை நடத்துங்க…

புதுடில்லி:
நடத்துங்க… நடத்துங்க… விசாரணை நடத்துங்க என்று பச்சைக்கொடி காட்டி அதிரடித்துள்ளது மத்திய ஊழல் கண்காணிப்பு ஆணையம்.

விஷயம் என்னன்னா? நாடு முழுவதும், மத்திய மற்றும் மாநில அரசு துறைகளில் ஏற்பட்டுள்ள நிதி இழப்பு மற்றும் ஊழல் தொடர்பாக, மத்திய கணக்கு தணிக்கை துறை அறிக்கை கொடுத்துள்ளது.

ஆனால் இந்த ஊழல் புகார்கள் மீது விசாரணை ஏதும் நடக்கலை. இப்போ இதுகுறித்து விசாரணை நடத்த சம்பந்தப்பட்ட மத்திய, மாநில அரசு துறைகளுக்கு, மத்திய ஊழல் கண்காணிப்பு ஆணையம், அதிரடியாக உத்தரவு போட்டு இருக்கு.

சாரம் கவிழ்ந்து விழுந்த விபத்து… பலி எண்ணிக்கை 74 ஆனது

பீஜிங்:
சீனாவில் நடந்த சாரம் கவிழ்ந்து விழுந்த விபத்தில் பலியானவங்களோட எண்ணிக்கை 74 ஆக உயர்ந்துடுச்சு. இதனால் மக்கள் வெகுவாக சோகத்தில் உள்ளனர்.

சீனாவில் ஜியாங்சி மாகாணத்தில் பெங்சாங் நகரில் மின் உற்பத்தி நிலையத்தில் கட்டுமான பணிகளின் பிரம்மாண்ட கான்கிரீட் தளங்கள் பெயர்ந்து விழுந்த விபத்தில் 67 பேர் பலியான சம்பவம் மக்களை உலுக்கி எடுத்தது.

இந்நிலையில் மீட்புப்பணியின் போது மேலும் 7 பேரின் உடல்கள் மீட்கப்பட்டுள்ளதால் பலியானவர்களின் எண்ணிக்கை 74ஆக அதிகரித்துள்ளதுங்க… இதனால் மக்கள் வெகுவாக வேதனை அடைந்துள்ளனர்.

இவ்விபத்து தொடர்பாக கட்டுமான நிறுவனத்தை சேர்ந்த 17 பேர் கைது செய்யப்பட்டுள்ளனர்.

ஜின்ஜியாங் மக்களை மிரட்டிய நிலநடுக்கம்.. அச்சமோ… அச்சம்

பெய்ஜிங்:
ஜின்ஜியாங்கை ஒரு ஆட்டு ஆட்டி இருக்கிறது நிலநடுக்கம். இதனால் மக்கள் அச்சத்தின் உச்சத்தில் உள்ளனர்.

விஷயம் இதுதாங்க… சீனாவில் சக்திவாய்ந்த நிலநடுக்கம் ஏற்பட்டுரிக்டர் அளவில் 6.7 ஆக பதிவாகியுள்ளது. வடமேற்கு மாகாணமான ஜின்ஜியாங்கில்தானில் தான் இந்த நிலநடுக்கம் ஏற்பட்டுக்கு இருக்கு.

புவிக்கடியில் 10 கி.மீ., ஆழத்தில் உண்டான இந்த நிலநடுக்கம் ரிக்டர் அளவில் 6.7 என பதிவாக மக்கள் அச்சமடைந்துள்ளனர்.
இந்த தாக்கம் கிர்கிஸ்தான் மற்றும் தஜிகிஸ்தான் எல்லையிலும் உணரப்படடுள்ளது.

ஈரானில் ரயில்கள் மோதல்… 31 பேர் பலியான சோகம்

டெஹ்ரான்:
ஈரானில் இரண்டு ரயில்கள் மோதிக்கொள்ள இதில் 31 பயணிகள் பலியான சம்பவம் பெரும் சோகத்தை ஏற்படுத்தி இருக்குங்க…

இதுகுறித்து செம்னான் மாகாண கவர்னர் என்ன சொல்லியிருக்கார்ன்னா…

ஈரானின் செம்னான் மாகாணத்தில், நின்று கொண்டிருந்த இன்டர்சிட்டி எக்ஸ்பிரஸ் ரயில் மீது மற்றொரு ரயில் மோத இதில் 31 பேர் பலியாகிட்டாங்க. இறந்தவர்களின் உடல்கள் அடையாளம் காணப்பட்டுள்ளது. 70 பேர் காயமடைந்துள்ளனர். விபத்து தொடர்பாக விசாரணை நடந்து வருகிறது என்று சொல்லியிருக்காருங்க.

ஊழல்… ஊழல்… சோமாலியா தேர்தலில் ஊழலாம்…

சோமாலியா:
எல்லா இடத்திலும் தன் கரத்தை நீட்டி இருக்கும் போல ஊழல் என்றுதான் சொல்ல வேண்டியிருக்கு. எதற்காக என்கிறீர்களா?

நாடாளுமன்ற தேர்தலில் ஊழல் நடக்குது என்று குற்றம் சாட்டியிருக்கார் சோமாலியாவின் தலைமை கணக்கு தணிக்கையாளர் நுர் பாரா.  என்ன சொல்லியிருக்கார் தெரியுங்களா? மிகுந்த செல்வாக்கு வாய்ந்த 14 ஆயிரம் பேரிடம் மட்டுமே வாக்கெடுக்கும் வகையில் இந்த தேர்தல் நடத்தப்படுகிறது.

அரசின் இயந்திரங்கள் தவறாக பயன்படுத்தி ஊழல் நடக்கிறது என்று குற்றம் சாட்டியிருக்காருங்க…

ஜாக்கிரதை அகதிகளுக்கு எல்லைகளை திறந்து விட்டுடுவேன்…

துருக்கி:
ஜாக்கிரதை… அப்புறம் அகதிகளுக்கு எல்லைகளை திறந்து விட்டு விடுவேன் என்று எச்சரித்துள்ளார் அதிபர் ரெஜீப் தாயிப் எர்துவன். என்ன விஷயம்ன்னா…

ஐரோப்பிய ஒன்றியம் துருக்கிக்கு மிகவும் நெருக்கடி கொடுத்தால், ஐரோப்பாவுடனான துருக்கியின் எல்லைகளை பல்லாயிரக்கணக்கான அகதிகளுக்காக திறந்து விட்டு விடுவேன் என்று எச்சரித்துள்ளார்.

இந்த நாட்டில் நடந்த ஆட்சிக்கவிழ்ப்பு முயற்சியை தொடர்ந்து துருக்கியை ஐரோப்பிய ஒன்றியத்தில் உறுப்பினராக இணைக்கும் பேச்சுவார்த்தையை நிறுத்தி வைக்க ஐரோப்பிய பாராளுமன்றம் முடிவு செய்யவே இந்த எச்சரிக்கையை துருக்கி அதிபர் வெளியிட்டுள்ளார்.

பணவீக்கத்தால் தள்ளாடும் தெற்கு சூடான்…

தெற்கு சூடான்:
பணவீக்கத்தால் தெற்கு சூடான் தள்ளாடுகிறது என்று அந்நாட்டின் தேசிய புள்ளிவிவரத்துறை அறிக்கை வெளியிட்டுள்ளது.

இந்த பணவீக்கத்தால் உணவு மற்றும் மது அல்லாத பானங்களின் விலை 10 மடங்கு அதிகரித்துள்ளது. எண்ணெய் ஏற்றுமதியை பெரிதும் நம்பியுள்ள நிலையில் 3 ஆண்டுகளாக சண்டை காரணமாக உற்பத்தி குறிப்பிடத்தக்க அளவில் குறைந்துள்ளது என்று சொல்லியுள்ளது.

இதேபோல் 5 மில்லியன் மக்கள் போதுமான உணவின்றி தவித்து வருவதாக ஐ.நாவும் தெரிவித்துள்ளது குறிப்பிடத்தக்கது.

வீடுகளை விட்டு வெளியேறிய ஈராக் கிறிஸ்தவர்கள் மீண்டும் திரும்புகின்றனர்

ஈராக்:
தீவிரவாதிகள் பிடித்த பெரும் பகுதிகளில் இருக்கும் கிறிஸ்தவர்கள் தங்கள் வீடுகளை விட்டு வெளியேறினர். தற்போது மீண்டும் அங்கு திரும்புகின்றனர் என்று தெரிய வந்துள்ளது.

என்ன விஷயம் தெரியுங்களா? கடந்த 2014-ம் ஆண்டு ஈராக்கின் பெரும்பகுதிகளை இஸ்லாமிய அரசு என்று தம்மைக் கூறிக்கொள்ளும் ஐ.எஸ். தீவிரவாதிகள் கைப்பற்றினர்.

இதனால் தற்போது ஆயிரக்கணக்கான கிறிஸ்தவர்கள் தங்களின் வீடுகளை விட்டு வெளியேறி வேறிடங்களுக்குச் செல்லும் நிலைக்கு தள்ளப்பட்டனர்.

அப்படிச் செல்ல முடியாதவர்கள் முஸ்லிம்களாக மதம் மாற்றப்பட்டனர் என்று தகவல்கள் தெரிவிக்கின்றன. தற்போது வெளியேறிய கிறிஸ்தவர்களில் சிலர் அங்கு மீண்டும் திரும்பத் தொடங்கி உள்ளனராம்.

N.நாகராஜன்

Likes(1)Dislikes(0)
Share
Nov 252016
 

charge


சில விநாடியில் சார்ஜ் ஆகுமாம்… கண்டுபிடிச்சுட்டாங்க…

நியூயார்க்:
சில விநாடியில் ஸ்மார்ட்போனை சார்ஜ் செய்யலாமாம்… அட ஆமாங்க… இதுக்கான தொழில்நுட்பத்தை அமெரிக்க விஞ்ஞானிகள் கண்டுபிடிச்சுட்டாங்க…

இப்போ ஸ்மார்ட் போன் இல்லாதவங்களே இல்ல… ஆனால் பேட்டரி சார்ஜ் குறைந்து… எப்போதும் பேஷண்ட் போல சார்ஜ் ஏற்ற வேண்டும் நிலை. இந்த சார்ஜ் பிரச்னைக்கு இப்போ தீர்வு வந்திடுச்சாம்.

நானோ தொழில்நுட்பம் பயன்படுத்தப்பட்டு ‘பிளக்சிபிள் சூப்பர் கெப்பாசிட்டரால் சில வினாடிகளில் ஸ்மார்ட்போன்களை சார்ஜ் செய்து விடலாம் என்று அமெரிக்க விஞ்ஞானிகள் கண்டுபிடிச்சு இருக்காங்க… கோவ்… கோவ்… ஆனா உடனடியாக சந்தைக்கு வர வாய்ப்பில்லையாங்க…

நம்  நாடு பரவாயில்லைங்க.. பணமே இல்லாத நாடாகப் போகுதாம் ஸ்வீடன்!

பணப் புழக்கமே இல்லாமல், டிஜிட்டல் முறையிலேயே அனைத்து பணப் பரிவர்த்தனைகளையும் செய்யும் வகையில் டிஜிட்டல் கரன்சியை வெளியிட்டு உலகிலேயே முதல் நாடாக ஸ்வீடன் சாதனை படைக்க உள்ளது.

ஸ்வீடன் நாட்டின் பணத்தை எக்ரோன் என்று அழைப்பார்கள். தற்போது, ஸ்வீடன் நாட்டில் 80 சதவீத பணப் பரிவர்த்தனை இணையதளம் மூலமாகவும், செல்போன் ஆப்கள் மூலமாகவும் தான் நடக்கின்றன.

பாஸ்போர்ட்டை பறிக்கும் அதிகாரிகள்… எதிர்ப்பு கிளம்புது…

சீனா:
பொதுமக்களின் பாஸ்போர்ட்டை அதிகாரிகள் பறிமுதல் செய்வது அதிர்ச்சியை கிளப்பி இருக்காம்.

தொடர்ந்து அமைதியின்மை நிலவும் ஷின்ஜியாங் பிராந்தியத்தில் உள்ள பொது மக்களின் பாஸ்போர்ட்டுகளைதான் அதிகாரிகள் பறிமுதல் செய்யத் தொடங்கியுள்ளனர். இது திபெத்தியர்களுக்கும் என்பதால் பரபரப்பு ஏற்பட்டுள்ளது.

இப்பகுதி மக்களுக்கு இந்த புதிய கட்டுப்பாடுகள் விதிக்கப்பட்டுள்ளது தற்போது வெளியில் தெரிய வந்துள்ளது.
சமூக ஒழுங்கை பாதுகாப்பதுதான் இந்தக் கட்டுப்பாடுகளின் நோக்கம் என சொல்லியிருக்காங்க…

அவங்க ஆயுதம் அவங்களையே தாக்குதே… தாக்குதே…

மொசூல்:
ஆயுதத்திற்கு பஞ்சமில்லாம இருக்காங்க என்று தெரிய வந்திருக்குங்க… யாருக்கு தெரியுங்களா?

மொசூல் நகரை மீண்டும் கைப்பற்ற ஈராக் ராணுவத்துடன் மோதிவரும்  ஐஎஸ் பயங்கரவாதிகளிடம்தான் ஆயுத பஞ்சம் இருப்பதாக தெரியவில்லைன்னு தெரிய வந்திருக்கு.

அமெரிக்காவும், சவுதியும் தாங்கள் ஆதரிக்கும் ஆயுதகுழுக்களுக்கு அனுப்ப அதை ஐ.எஸ். பயங்கரவாதிகள் கைப்பற்றி இருக்காங்கன்னு தெரிய வந்திருக்கு. இப்ப அவங்க ஆயுதமே அவங்களுக்கு எதிரா திரும்புதுங்கோ…

ஒன்று வாங்கினால் இன்னொன்று ப்ரீ… ப்ரீ… ப்ரீ…

மணிலா:
ஒன்று வாங்கினால் ஒன்று ப்ரீ… ப்ரீ… இது ஆடி மாத ஜவுளி தள்ளுபடி இல்லீங்க… துப்பாக்கிக்காம்…

யார் இந்த சலுகையை கொடுத்து இருக்காங்கன்னு கேட்கறீங்களா? ஒரு துப்பாக்கி வாங்கினால் மற்றொன்று இலவசம் என்ற சலுகையில் ரஷ்யா தங்கள் நாட்டிற்கு ஆயுதங்கள் வழங்குவதாக பிலிப்பைன்ஸ் அதிபர்தான் சொல்லியிருக்கார்.

அமெரிக்காவிடம் இருந்து பிலிப்பைன்சிடம் பிச்சுக்கிட்டு சீனாவுடன் நெருங்கிச்சு… இதை அதிபர் ரோட்ரிகோ வெளிப்படையாகவே அறிவித்தார். இப்போ… என்னன்னா… ஒரு துப்பாக்கி வாங்கினால் மற்றொன்று இலவசம் என்ற சலுகையில் ரஷ்யா தங்கள் நாட்டிற்கு ஆயுதங்கள் வழங்குவதாக அதிபர் ரோட்ரிகோ சொல்லியிருக்காருங்க…

ஆட்டையை போட்டார் 594 கோடி ரூபாய்… எஸ்கேப் சாமியாருக்கு வலை

பாங்காக்:
அடப்பாவிங்க… இவருமா… என்னங்க… நடக்குது உலகத்துல என்று மக்கள் நொந்துக்கிறாங்க…

என்ன விஷயம்ன்னா… தாய்லாந்து நாட்டில் ரூ.594 கோடி மோசடி செய்து விட்டு எஸ்கேப் ஆன புத்த சாமியாரை இப்போ போலீஸ் தேடி வருவதுதான் செம ஹாட் டாபிக்கா மாறி இருக்கு.

தாய்லாந்தில் உள்ள தம்மஹாயா என்ற புகழ் பெற்ற புத்த மதம் இருக்கு. இந்த மடத்தில்தான் இம்மாம் பெரிய தகிடுதத்தத்தை செய்துவிட்டு 594 கோடி ரூபாய் சொத்து சேர்த்துக்கிட்டு எஸ்கேப் ஆகிட்டார் புத்த சாமியார். இவரு புத்த சாமியாரா? இல்ல சொத்து சாமியாரா?

வாங்க…ஸ்வைப் மிஷின் ரெடி… மணமக்கள் படம் செம வைரல்…

சண்டிகர்:
வாங்க… வாங்க… ஸ்வைப் மெஷினில் மொய் வைச்சுட்டு போங்க என்று
பஞ்சாப் மாநிலத்தில் மணமக்கள் வரவேற்பு நிகழ்ச்சியில் ஸ்வைப் மெஷினுடன் அமர்ந்திருக்கும் படம்தான் தற்போது நெட்டில் வைரலாகி வருகிறது.

பழைய ரூ.500 மற்றும் 1,000 நோட்டுகள் செல்லாது என்ற அறிவிப்பு பிறகு மக்கள் தங்களின் அன்றாட செலவுகளுக்கு வங்கிக்கு சென்று காத்திருந்து பணம் எடுக்கும் நிலை உள்ளது.

சில திருமண நிகழ்ச்சியில் ஸ்வைப் மெஷின் மூலம் மொய் பணத்தை வசூல் செய்யும் நிகழ்ச்சியும் நடக்குது. அதேபோல் பஞ்சாப் மாநிலத்தில் நடந்த திருமண விழாவில் மணமக்கள் ஸ்வைப் மெஷினுடன் அமர்ந்திருக்கும் படம் இன்டர்நெட்டில் வைரலாக பரவி வருகிறது.

N.நாகராஜன்

Likes(0)Dislikes(0)
Share
Nov 242016
 

Nicky

எதிர்த்த இந்தியா வம்சாவளியை சேர்ந்தவருக்கு பதவியா… என்னா கணக்கு இது?

வாஷிங்டன்:
அட கொப்புரொட்டி உங்க கணக்கே புரியலையே… உங்களை விமர்சனம் செய்றவருக்கே பதவியான்னு திகைச்சு போய் நிக்கிறாங்களாம் அமெரிக்க மக்கள்

நிக்கி ஹாலேவால்…
இந்தியா வம்சாவளியை சேர்ந்த நிக்கி ஹாலே (44) தன்னை விமர்ச்சிப்பவராக இருந்தாலும் பரவாயில்லை என்று ஐ.நா.,வுக்கான அமெரிக்க தூதராக அதிபராக தேர்ந்தெடுக்கப் பட்டுள்ளாராம். இவரது செயல்பாடுகள் சர்வதேச அரங்கில் பாராட்டப்பட வேண்டியவை என ட்ரம்ப் குறிப்பிட்டுள்ளார். அட திருந்திட்டீங்களாய்யா…

நிக்கி ஹாலே குடியரசு கட்சியின் முக்கிய தலைவர்களில் ஒருவர் என்பதும் முக்கியமானதுங்க…

இல்ல… இல்ல… விசாரிக்க மாட்டாரு… இவரு சொல்லிட்டாரு

வாஷிங்டன்:
இல்ல… இல்ல… விசாரணை இல்ல என்று டிரம்புக்கு நெருக்கமானவரு சொல்லியிருக்காரு ஹிலாரி பற்றி. இன்னா மேட்டரு என்கிறீர்களா?

அரசு பணிகளுக்கு தனியார் இ-மெயில் சர்வரை முன்னாள் வெளியுறவு அமைச்சர் ஹிலாரி பயன்படுத்தினார்… அதனால் நான் அதிபர் ஆனால் விசாரிப்பேன்னு சொன்னார் டிரம்ப்… இப்போ… இவருக்கு நெருக்கமானவரும், மூத்த ஆலோசகருமான கெல்லியானே கோன்வே இல்ல… இல்ல… அப்படி எல்லாம் விசாரணை இல்ல என்று சொல்லியிருக்கார்.

அட அதான் அவங்க மேல தப்பு இல்லன்னு விசாரணை அதிகாரிகளே சொல்லிட்டாங்களேப்பா…

வருது… வருது… தாக்க வருது… கோஸ்டா ரிகாவை சுற்றும் சூறாவளி

கோஸ்டாரிகா:
வருது… வருது… தாக்க வருது… பாதுகாப்பான இடத்துக்கு போங்க என்று மக்களை எச்சரிச்சு இருக்காங்க… என்ன விஷயம் தெரியுங்களா?

கோஸ்டா ரிகா நாட்டின் எல்லையில் உள்ள கரீபிய கடற்பகுதியை நோக்கி ஒரு சூறாவளி செம ஸ்பீடா நெருங்கி வருதாம். இதனால் அந்நாட்டில் தேசிய அளவில் அவசர நிலை அறிவிச்சு இருக்காங்க…

இதனால் 2 நாளைக்கு அரசு அலுவலகங்களை மூடுங்க… மக்களே பாதுகாப்பான இடங்களுக்கு போங்க என்று அதிபர் லூயிஸ் கீல்யார்மோ சாலீஸ் சொல்லியிருக்கார்… மக்களே பத்திரம்… இன்று, (வியாழக்கிழமை) இந்த சூறாவளி வடக்கு கோஸ்டா ரிகா மற்றும் தெற்கு நிகராகுவாவை தாக்கும் என்று எதிர்பார்க்கிறாங்களாம்…

சரிந்தது தற்காலிக சார மேடை… 40 பேர் பலி… சீனாவில் சோகம்

ஜியாங்ஷி:
சரிந்ததால்… மரணம்… சீனாவில் மக்கள் சோகம் என்று வேதனையான நிகழ்வு ஒன்று நடந்துள்ளது.

என்னன்னா? கிழக்கு சீனா  ஜியாங்ஷி மாகாணத்தில் உள்ள மின் நிலையத்தில் குளிர்விப்பு கோபுரத்தின் மீது கட்டப்பட்டிருந்த தற்காலிக சார மேடை கவிந்து விழ… இதில் சிக்கி 40க்கும் அதிகமான மக்கள் பலியான சோகம்தாங்க..

இன்னும் எத்தனை பேர் இந்த இடிபாடுகளில் சிக்கி உள்ளனர் என்று தெரியலையாம். ஊழல், தொழிற்சாலைகளில் உள்ள பாதுகாப்பு தர குறைபாடு மற்றும் தொழிலாளர்களுக்கு தரப்படும் அழுத்தம்தான் இதுபோன்ற விபத்துக்களுக்கு காரணம் என்று சொல்றாங்க…

எஞ்சிய வாழ்நாள் உனக்கு சிறைதான்… கொலையாளிக்கு தீர்ப்பு

பிரிட்டன்:
கொலை செஞ்சா… சும்மா வுடுவாங்களா… கிட சிறையிலேயே உன் வாழ்க்கை முடியும் வரைன்னு கோர்ட் சொல்லிடுச்சுங்க… யாருக்கு என்கிறீர்களா?

பிரிட்டனின் எதிர்க்கட்சியான தொழிற் கட்சி நாடாளுமன்ற உறுப்பினர் ஜோ காக்ஸை கொலை செய்த நபருக்கு இங்கிலாந்து நீதிமன்றம் எஞ்சிய வாழ்நாள் முழுவதையும் சிறையில் கழிக்க உத்தரவிட்டுள்ளது.

இங்கிலாந்தின் வடக்கு பகுதியில் அவருடைய தொகுதியில் வைத்து ஜோ காக்ஸை துப்பாக்கியால் சுட்டும், கத்தியால் குத்தியும் கொலை செய்தபோது, “பிரிட்டன் தான் முதலில்” என்று சொல்லிக்கிட்டே குத்திய கொலையாளி தாமஸ் மயருக்குதான் இந்த தண்டனையை கொடுத்து இருக்காங்க…

தம்மாந்துண்டு செயற்கைக்கோள் விண்மீன்னாம்… வானத்து அதிசயம்

ஜப்பான்:
தம்மாந்துண்டு செயற்கைக்கோள் விண்மீன் ஒன்றை ஜப்பான் விண்வெளி ஆராய்ச்சியாளர்கள் கண்டுபிடிச்சு இருக்காங்க…

இதுவரை கண்டுப்பிடிக்கப்பட்ட செயற்கைக்கோள்களிலே மிகவும் சிறியது இதுதானாம். இதற்கு விர்கோ என்று பெயரிட்டுள்ளனர்.
இதுபோன்று பால் அண்டத்தில், 50 விண்மீன் செயற்கைக்கோள் இருக்காம்.

அதில் 40 மங்கலாகவும், மிகவும் சிறிய அளவில் உள்ள குட்டி விண்மீன்கள் என்று சொல்லியிருக்காங்க… இந்த விர்கோ சூரியனில் இருந்து 280,000 ஒளி ஆண்டுகள் தொலைவில் இருக்காம்.

N.நாகராஜன்

Likes(1)Dislikes(0)
Share
Nov 242016
 

kal

அசோகச் சக்கரவர்த்தி நாடு பிடிக்கும் போர்  வெறியில் கலிங்க நாட்டின் மீது படையெடுத்து   விட்டான்.  அவனிடம் ஆன்றோர் பலர், அறிவுசார்ந்த அமைச்சர்  பெருமக்கள், அவன் கொண்ட போர் வெறியை போக்குமாறு, எடுத்துக்  கூறியபோதும், அவன் செவிமடுக்கவில்லை. புத்தசாமியார்களும்  அவனுக்கு உயிர்க்கொலைபுரியும் போர் வேண்டாம்,  உயிர்களிடத்தில் அன்பு கொள்ள வேண்டும். அன்பு வடிவான புத்த பகவானும்  அன்பு செய்ய வேண்டும் என்று வலியுறுத்தி கூறியதையும், அதனைக்   கடைபிடித்தால்,  நாட்டில் அமைதிநிலை ஏற்படும் என்றும்  கூறினார்கள்.  அவர் கூறியதெல்லாம் அசோக மன்னருக்கு அப்போது  வேம்பாக கசந்தது. .  அந்த அளவுக்கு அவனிடம் போர் வெறி தண்டவமாடியது.

அதோ கலிங்க நாட்டில் போர் நடைபெறுகிறது.  அப்பப்பா! எத்தனை  தலைகள் கீழே உருண்டோடுகிறது. வெட்டுண்ட கைகள் துடிப்பதைப் பாருங்கள் , எங்கு பார்த்தாலும் குருதி வெள்ளம்.  குருதி வெள்ளத்தில் மனித உடல்கள் அடித்துச் சென்றது.  எங்கு பார்த்தாலும் மரண ஓசை ! அழுகுரல்கள் ! ஒருபுறம்  வெற்றிப் பெருமிதத்தில் சில போர் வீரர்களிடையே களிப்புக் கொண்டாட்டாம். ஆயிரக்கணக்கான கபால ஓடுகளின் மீது நின்று, தன் வெற்றி கொடியைப் பறக்க விட்டான் அசோக மன்னன்.

சரணடைந்து விட்டது. கலிங்கம். அன்று இரவு கலிங்க நாட்டின் பாசறையில், தங்கள் வெற்றியை மது, மாதுவின் மயக்கத்தில் இன்பம் துய்க்கலாம் என நினைத்து போர்வீரர்கள் குதிரைகளிலும் , யானைகளிலும், கலிங்க நாட்டின் அகன்ற  வீதிகளில் பவனியும் பறந்தும் வந்து கொண்டிருந்தார்கள்.

ஆனால்  அந்த போர்வீரர்கள் கூட்டத்தில் ஒரு போர்வீரன் மட்டும் அந்தக் கூட்டத்திலிருந்து விலகிச் சென்றான்.  அவன் துன்பமறிந்து  அவனை சுமந்துகொண்டு சென்ற குதிரையும் பூப்போல் நடந்து  சென்றது.  அவன் குதிரை லகானை எந்த  நேரத்திலும் விட்டு  விடுவான்போல் கை சோர்ந்தது.  அவன் இடையில் ஒரு கட்டாரி புகுந்து  அதிலிருந்து குருதி கண்ணீர்போல்  வடிந்து கொண்டிருந்ததது.  அவனை சுமந்துகொண்டு சென்ற குதிரையானது மேடு பள்ளங்களில் ஏறி இறங்கும்போது அவன் ‘ ஆ… ஐயோ வலி தாங்க முடியவில்லையே!‘ என்று முணங்கிக் கொண்டான்.

யுத்த தர்மப்படி பார்த்தால் அசோக மன்னனுக்கு கிடைத்தது  என்னமோ மிகப்பெரிய வெற்றிதான்.  ஆனால் தன்னை சுமந்து செல்லும் குதிரை எடுத்து  வைக்கும் ஒவ்வொரு அடியினால் ஏற்படும் தனக்கு ஏற்படும் வலியினாலும், ஆயிரக்கணக்கான உயிர்களைப் பலி கொண்ட வெற்றியானது  அருமையாக இருந்தால் என்ன ? அவலட்சணமாக இருந்தால்தான் என்ன?என்றுதான் அவனால் நினைத்துப் பார்க்க முடிந்ததது.

மூச்சிரைக்க கண்கள் இரண்டும் இருண்டு வர கீழே விழப்போனவன், சற்று நிதானித்து வலது கையினால் குதிரை லகானை பற்றிக் கொண்டு, இடது கையினால் இடுப்புக் கச்சையில்  முடிந்திருந்த பச்சிலை முடிச்சு இருக்கிறதா ? எனத் தொட்டுப்  பார்த்துக் கொண்டான்.

அவன் அந்த பச்சிலையைத் தொட்டுப் பார்த்தவுடன், தன ஒரே மகள் மலர்விழி திருமணத்திற்காக காத்துக் கொண்டிருப்பது தவிர்க்க முடியாமல், அவளை நினைத்துப் பார்க்கச் செய்தது.  ஏன் என்றால் அவனது  அன்பு மகள் அவன் போருக்குச் செல்லும்போதெல்லாம் மறக்காமல் இந்த பச்சிலையைக் கொடுத்து ‘அப்பா இதை எப்போதும் இடையில், முடிந்து வைத்துக்கொள்ளுங்கள்.ஆபத்துச் சமயத்திற்கு உதவும். எப்படிப்பட்ட காயத்தையும் நொடிப்பொழுதில் தீர்த்துவிடும்’ என்று கூறி பச்சிலையை கொடுத்து அனுப்புவாள்.

ஆனால் இதுவரையில் அவள் கொடுத்து அனுப்பிய பச்சிலையை  அவன் நினைத்துக் கூட பார்க்கவில்லை.  காரணம் இதுபோல் இதுவரை அவன் இடையில் கட்டாரி  புகுந்து இப்படிப்பட்ட காயம் எதுவும் அவனுக்கு  ஏற்பட்டதில்லை.   ஆனால் இப்போது  அதற்கு அவசியம் ஏற்பட்டு விட்டது.  அந்த பச்சிலையில் சிறிது தண்ணீர் தெளித்து, அதனை தட்டி காயத்தின் மீது வைத்து கட்ட வேண்டும்.  பச்சிலை தட்டுவதற்கு கூட அவனுக்கு  பலம் அப்போது இருப்பதாகத் தெரியவில்லை.

அவன் நண்பர்கள் யாராவது தன பின்னால் வருகிறார்களா? என்று தலையை கஷ்ட்டப்பட்டு சிறிது உயர்த்திப் பார்த்தான். கண்ணுக்கெட்டிய தூரம் வரை யாரும் வரவில்லை. அப்படி யாரும் வந்தாலும், தன்னால் அவர்களை குரல் கொடுத்து அழைக்க முடியுமா ? என்பது அவனுக்கு  சந்தேகமாகத்தான் இருந்தது. தன  உலர்ந்து போன தன இதழ்களை நாவினால் நீவிக்கொண்டான்.  .

பவுர்ணமி நிலவு வெளிச்சத்தில் மின்னலென தெரிந்த ஒற்றையடிப்பாதை வழியே குதிரை அவனை சுமந்து கொண்டு சென்றது.  குதிரை சில சமயங்களில் ‘ இதே வழியே செல்லவா’ என்று கேட்பது போல் நின்று கனைக்கும்போது அவன் அதன்  முதுகில் தட்டி, தட்டி போகச  செய்தான்.

அவனுடைய நல்ல நேரமோ அல்லது கெட்டநேரமோ குதிரை ஓரிடத்தில் வந்தவுடன், ஓட ஆரம்பித்தது.. ஓடிய வேகத்தில்  அதன்  முதுகில் சுமந்து வந்த போர் வீரனை மறந்தது.  எனவே  அவனுடைய  லகான் பிடி தளர்ந்து,  அவன் பொத்தென்று கீழே விழுந்தான். விழுந்தவன் எழுந்து நிற்க முயற்சி  செய்து தோற்றுப்  போனான்.  வலியும்  அவனை எழவிடவில்லை.

தன இரு கைகளையும் தரையில் ஊன்றிக்கொண்டு கஷட்டப்பட்டுத்  தலையைத் தூக்கிப் பார்த்தான்.  ஐந்து  அடி தூரத்தில் நிலவொளியில்   ஒரு இடிந்த கல்மண்டபம் தெரிந்தது. அதனருகில் நீர் நிரம்பிய குட்டையும் இருப்பது தெளிவாக் அவனால் பார்க்க முடிந்தது.

தண்ணீரைக் கண்டவுடன் அவனுக்கு தாகம் எடுப்பதுபோலும் தோன்றியது. எப்படி எழுந்து செல்வது என்று யோசிக்க யோசிக்க அவன் கால்கள் இருந்தும் இப்படி பயனற்று போய்விட்டதே !

இரு கைகளையும் தரையில்  ஊன்றிக்கொண்டு சிறு குழந்தைபோல் தவழ ஆரம்பித்தவுடன், அவனுக்கு  வலி அதிகம் ஏற்பட்டு ‘கட்டாரியானது  உன் இடையில் புகுந்திருக்கிறேன்…’ என்று கூறியது. அவன் பல்லை கடித்து கொண்டு தவழ்ந்தும் நகர்ந்தும் நான்கடி நகர்ந்திருப்பான்

அங்கு  ஒரு மனித உடல் ஒரு பக்கம் சாய்ந்து கிடந்தது. அவனால் அந்த முகத்தை தெளிவாகப்  பார்க்க முடியவில்லை. அவன் அணிந்திருந்த அங்கியை பார்த்ததில், அவனும் ஒரு போர்வீரனாகத்தான்   இருப்பான் என்று நினைத்துக் கொண்டே, தன பலம் கொண்ட மட்டும் கையினால் அப்போர் வீரனின் பிடரி முடியைப் பிடித்து இழுத்து அவன் முகத்தை   வானத்தைப் பார்க்க நிமிர்த்தி விட்டான்.  போர் வீரன்தான் என்று தெளிவாகத் தெரிந்தது. ஆனால் அவன் தன்னைப்போல் முதியவனாக் இல்லாமல், இளைஞனாக  இருந்தான். அவன் வயிற்றிலே ஆழமாக அம்பு ஓன்று தைத்திருப்பதைப் பார்த்து திடுக்கிட்டு, அவனுக்கு மூச்சு இருக்கிறதா என்று தன கையை அவன் மூக்கின் அருகில் கொண்டு சென்றான்., அப்போது தான் கடந்து வந்த ஒற்றையடிப் பாதையில், விரைவாக குதிரைகளில் சில போர்வீரர்கள் செல்வதும், தெளிவாக அவனுக்குத் தெரிந்தது.

குதிரைகளின் குளம்படிச் சத்தம் கேட்டதாலோ அல்லது அந்த முதிய போர்வீரன் தன்னை தொட்டதாலோ அந்த இளைஞன் இமைகளை சிரமப்பட்டு திறந்து, தண்ணீர் வேண்டும் என்பதுபோல் தன் கைக்கட்டை விரலை வாயில் அருகில் வைத்து சைகை செய்தான்.

அப்போதுதான் அந்த முதிய போர்வீரன் தானும் தாகத்திற்கு தண்ணீர் அருந்த அங்கு வந்ததை உணர்ந்தான் உணர்ந்தாலும் தன்னை விட அந்த இளைஞனுக்குத்தான்  தண்ணீர் முதலில் கொடுத்து, இன்னும் சற்று நேரத்தில் போகப்போகும் அவனது உயிரை நிறுத்தவேண்டும் என்று நினைத்தான் அந்த முதிய போர்வீரன்..

நினைத்தவன் செயல்பட்டான்.  மேலும் தவழ்ந்து சென்று , தண்ணீர் அவனுக்கு வசதியாகவே  தரையோடு பரவலாக கிடந்தது.  கையினால் எடுத்து எப்படி அந்த இளைஞனருகில் எடுத்துச் செல்ல முடியும் என்று தனக்குத்தானே சொல்லிகொண்டே சுற்றும் முற்றும் பார்த்தான்.  ஓர் உடைந்த மண்பானை ஓடு  தண்ணீர் எடுக்கும் வகையில் கிடந்தது. அந்த மண்பானைத்  ஓட்டில்  தண்ணீர் எடுத்து ஒரு கையை  தரையில் ஊன்றிக் கொண்டே தவழ்ந்தது செல்வது அவனுக்கு மிகவும் சிரமமாகவே  இருந்தாலும் அந்த முதிய போர்வீரர் அதைப் பொறுப்படுத்த்வில்லை

இளைய போர்வீரன் வாயினருகில் தண்ணீரை சாய்த்து, அவன் மெதுவாக அருந்தும்படி செய்தான். தண்ணீர் சிறிது அருந்தியவுடன் அந்த இளைஞருக்கு பாதி உயிர் வந்ததுபோல் தெரிந்தது.

அவன் கிணற்றுக்குள் இருந்து பேசுவதுபோல் பேச ஆரம்பித்தான். “அய்யா என்னை கொன்று விடாதீர்கள் ”என்று பயத்துடன் கூறினான்.

“உன்னை நான் எதற்காக கொல்லவேண்டும். கொல்ல நினைத்தால் உனக்குத் தண்ணீர் கொண்டு வந்து கொடுத்திருப்பேனா? “ என்று  கூறி அவன் பயத்தை தெளிய வைத்தான் அந்த முதிய போர்வீரன்.

“இல்லை ! நான் உங்கள் எதிரி கலிங்க நாட்டு மன்னனின் போர்வீரன். தாங்களோ அசோக சக்கரவர்த்தியிடம் பணியாற்றும் போர்வீரர். அதனால்தான் அப்படி பயந்தேன் “ என்றான் அந்த இளைய போர்வீரன்.

“நீ எதிரி நாட்டு போர்வீரன் என்பது, உன் அங்கியில் இருக்கும் சின்னத்தினை வைத்தே முன்பே தெரிந்து கொண்டேன். என் பெயர் மணிமாறன். உன் பெயர் என்ன ? “ என்று தன்னைத்தானே அவனுக்கு அறிமுகம் செய்து கொண்டே அவனைப்பற்றிக் கேட்டான் முதிய போர்வீரர்.

“என் பெயர் ராஜதிலகம் “ என்று கூறியவன், பேசமுடியாமல் மேலும்  களைப்படைந்தான் மறுபடியும் மணிமாறன் அவனுக்கு சிறிது தண்ணீர் கொடுத்தவுடன் “ அய்யா தயவுசெய்து என்னை என் காதலி அமுதவல்லியிடம் கொண்டு சேர்த்து விடுங்கள். அவள் மடியில் என் உயிரை விட்டால் எனக்கு சந்தோஷமாக இருக்கும். “ என்று ஆசை பொங்கக் கூறினான்.

“உன்னை என்னால் உன் காதலியிடம் சேர்க்க முடியாது “ என்று மணிமாறன் கூறிக்கொண்டே தன இடையில் புகுந்துகொண்டு செந்நீர் வடிக்கும் காட்டாரியை காட்டினான்.  அந்த முதிய போர்வீரன் மணிமாறன்.

“அய்யா ! என்ன கொடுமை ! தங்களுக்கு.,  என்னை மன்னித்து விடுங்கள்.  உங்கள் நிலையைப் பார்க்காமல் எதோ எதோ பேசி விட்டேன்.  என் காதலியின் மீது கொண்ட காதல் மிகுதியால்…” என்று கூறியபோது அவனுடைய வருத்தமும், அதே சமயத்தில் தன ஆசைக் காதலியைப் பார்க்க முடியாதுபோல் இருக்கிறது என்ற ஏக்கமும்  அவன் முகம் காட்டியது.

“உன்னை என்னால் உன் காதலியிடம் கொண்டு சேர்க்க முடியாது என்றுதான் கூறினேன்.  ஆனால் உன்னை உன் காதலியிடம் வாழ வைக்க முடியாது என்று கூறவில்லையே.! உனது  காதலி அமுதவல்லியிடம் சேர்ந்து வாழ வைக்கிறேன் பயப்படாதே ராஜதிலகா !  உனக்கு சந்தோஷம்தானே !“ என்றார்  மணிமாறன்

“எப்படி அய்யா தங்களால் முடியும் ! இன்னும் சற்று நேரத்தில் என் உயிரை இந்த அம்பு கொன்றுவிடும் என்பது உங்களுக்குத் தெரியாதா? எதையாவது கூறி ஆசையை வளர்க்காதீர்கள். அமுத்வல்லியின் நினைவாகவே  இறந்து விடுகிறேன். “ என்று கண்ணீர் பெருக  ராஜதிலகம் கூறினான்.

“ராஜதிலகா ! என்னிடம் காயத்தை ஒரு நொடியில் ஆற்றும் அபூர்வமான பச்சிலை வைத்து இருக்கிறேன்.  அதை தட்டி உன் காயத்தில் வைத்து கட்டிவிட்டால், உன் காயமும் மறைந்து விடும், உன் ஆசையும் நிறைவேறிவிடும். என்று கூறிக்கொண்டே மணிமாறன் தன இடையில் வைத்திருந்த பச்சிலையை” எடுத்துக்காட்டினான்.

“அப்படியா அய்யா ! தயவுசெய்து அந்த பச்சிலையை இருவரும் தட்டிக் காயத்தில் வைத்துக்  கட்டிகொள்வோம்” ராஜதிலகம் மகிழ்ச்சி மிகுதியில்  கூறினான்.

“ராஜதிலகா இது ஒருவருக்கு வைத்து கட்டுவதற்கு  மட்டும்தான் பச்சிலை இருக்கிறது.  எனவே நானே உனக்கு கட்டி விடுகிறேன்  “என்று மணிமாறன்  கூறினார்.    .

“வேண்டாம் அய்யா தயவுசெய்து நீங்களே பச்சிலையை கட்டிகொள்ளுங்கள் . என்னைப் பற்றிக் கவலைப் படவேண்டாம்.  நீங்க என் மீது கருணை கூர்ந்து கூறியதற்கு மிகவும் நன்றி  “ என்று இரு கரம்கூப்பினான் ராஜதிலகம்.

“இல்லை ராஜதிலகா ! நீதான் வாழ வேண்டும்.  ஏன் எனில் நீ வாழ வேண்டிய இளைஞன்.  நானோ எல்லாம் ஆண்டனுபவித்தக் கிழவன். உன் ஆசைகள் அழியக்கூடாது “ என்று கூறிக் கொண்டே ராஜதிலகம் எவ்வளவு தடுத்தும் கேட்காமல் அவன் மீது தைத்திருந்த அம்பினை உருவி விட்டு, அந்த இடத்தில் அபூர்வ பசசிலையை வைத்துக் கட்டினார் மணிமாறன். ‘ எப்படி இவ்வளவு சக்தி தனக்கு வந்தது என்றே தெரியவில்லை. எப்படியோ ராஜதிலகத்தின் காயம் மீது கட்டிவிட்டார்.

கட்டிய சில நொடிகளில் ராஜதிலகம் எழுந்து நின்று விட்டான். “ஐயா என்னையும் அமுதவல்லியையும் வாழ வைத்த தெய்வம் நீங்கள்தான்.  உங்களுக்கு எப்படி நன்றிக்கடன் செலுத்தப்போகிறேன் என்பது எனக்கே தெரியவில்லை “ என்று இருகரம் கூப்பி மண்டியிட்டு வணங்கினான்.

“ராஜதிலகா எனக்கு ஒரு உதவி செய்வாயா? “ என்று மணிமாறன் கேட்டார்.

“கட்டளையிடுங்கள் ஐயா காத்திருக்கிறேன்.  என்ன செய்ய வேண்டும் கூறுங்கள். மறுக்காமல் செய்கிறேன் “ என்றான் ராஜதிலகம்.

“ராஜதிலகா என் இடையில் புகுந்து இதுவரை என்னை நரக வேதனைப்படுத்தும் இந்தக் கட்டாரியை உருவி, எனக்கு இந்த உலகத்தில் இருந்து விடுதலை கொடு.  மறுத்து விடாதே ! “ என்றார்.

முதிய போர்வீரன் மணிமாறனின் கண்கள் ராஜ திலகத்தைக் கெஞ்சியது.  ராஜதிலகம் கண்களில் நீர் பெருக , தன கண்களை  இறுக மூடிக்கொண்டு மணிமாறன் இடையில் உள்ள கட்டாரியை உருவியவுடன் மணிமாறன் ரத்த வெள்ளத்தில் மிதந்தார்.

ராஜதிலகம் கண்களைத் திறந்து பார்த்தான் குருதி வெள்ளத்தில் மிதக்கும் மணிமாறனைக் கண்டு கண்ணீர் விட்டு கதறி அழுதான். கதறியவன் பின்னால் ‘ அன்புதான் இன்ப ஊற்று ! அன்புதான் இன்ப ஊற்று ! “ என்ற குரல் கேட்டு திரும்பிப் பார்த்தான்.  அங்கு அசோக மன்னன் நின்றுகொண்டிருந்தான். ராஜதிலகா ! பயப்படாதே ! இங்கு நடந்தவையெல்லாம்,  உங்கள் இருவருக்கும் தெரியாமல் கவனித்துக் கொண்டேதான் வந்தேன்.  ராஜதிலகா  ! அன்பிற்கு இவ்வளவு சக்தி இருக்கும் என்று கனவில்கூட நான் நினைக்கவில்லை அன்புதான் இன்ப ஊற்று ! “ என்று மென்மையாகக் கூறிக்கொண்டே,  தன இடையில் இருந்த வாளையையும் கேடயத்தையும் தூக்கிக் கீழே எறிந்தான்.

பூ. சுப்ரமணியன்,

பள்ளிகரணை, சென்னை

Likes(1)Dislikes(0)
Share
Nov 242016
 

spl 4

காய்ந்தவன் என்றாய் நினைத்தாய்… நான் எவ்வளவு சத்து நிறைந்தவன் தெரியுமா!

சிவப்பு நிற கேசரி, பால் பாயசத்தில் சினிமாவில் ஹீரோவுக்கு நண்பன் போல் வரும் காமெடியனாட்டம் சைலண்டாக முந்திரியுடன் உலா வரும உலர் திராட்சையை பார்த்திருப்போம்… சாப்பிட்டும் இருப்போம்… அதில் எத்தனை சத்துக்கள் உள்ளடங்கி இருக்கிறது என்று தெரியுங்களா? உலர் திராட்சையின் பயன்கள் என்னவென்று இந்த கட்டுரையில் பார்ப்போமா!

உலர் திராட்சை எண்ணற்ற நன்மைகளை தன்னுள் கொண்டுள்ளது. அட என்னப்பா… காய்ந்த அதில் என்ன இருக்கு என்று மட்டும் கேட்டு விடாதீர்கள். உலர் திராட்சை கருப்பு, பச்சை மற்றும் தங்கநிறம் என்று 3 நிறங்களில் கிடைக்கிறது.

இதில் வைட்டமின் பி, சி, போலிக் ஆசிட், இரும்புச்சத்து, புரோட்டீன்கள், லுடீன், பொட்டாசியம், கால்சியம் மற்றும் மக்னீசியம் அட ஆமாங்க… ஆமாம்… இவ்வளவு சத்துக்களும் இருக்கு. நாம கேசரியிலும், பாயசத்திலும் டேஸ்ட்டுக்காக போட்டு சாப்பிடுகிறோம். ஆனால் இதன் மகத்துவம் அறிந்துதான் இதை இதில் போட்டு சாப்பிட நமக்கு கற்று தந்துள்ளனர் நம் முன்னோர்கள் என்பதை அறிந்து கொள்ள வேண்டும்.

சிறுநீரக பாதையில் ஏதேனும் நோய்த்தொற்றா… பர்ஸ்ட் அதை குணமாக்க ஆயுர்வேதம் என்ன மருந்தை பரிந்துரைக்கிறது தெரியுங்களா? இரவில் படுக்கும் போது ஒரு கப் நீரில் 8-10 உலர் திராட்சையை ஊற வைத்து, மறுநாள் காலையில் வெறும் வயிற்றில் நீருடன் சேர்த்து அதனை உட்கொண்டு வர வேண்டும் என்பதைதான். இதனால் அந்த பிரச்னைக்கு தீர்வு கிடைக்கிறது.

குடற்புண் ஆற அஜீரணக் கோளாறுகளால் குடலில் உள்ள வாய்வுக்கள் சீற்றம் ஏற்பட்டு குடல் சுவற்றை புண்ணாக்கி விடுகின்றன.  இந்த பிரச்னையில் உலர்ந்த திராட்சைப் பழங்களை நீரில் கொதிக்க வைத்து கஷாயம் போல் செய்து அருந்தி வந்தால் குடற் புண்கள் ஐயோ… ஐயய்யோ… வந்துட்டாரு டாக்டருன்னு ஓட்டமாய் ஓடிவிடும். அந்தளவிற்கு உலர்ந்த திராட்சையில் பலன் இருக்கு.

உடல் சூடு தாங்க முடியலையேன்னு பலர் வேதனைப்படுவாங்க… இயல்பாகவே அவர்கள் உடல் அதிக உஷ்ணத்துடன் இருக்கும்.  இதற்கு 1 லிட்டர் தண்ணீரில் 25 உலர் திராட்சையை சேர்த்து கொதிக்க வைத்து இறக்கி குளிர வைத்து, நாள் முழுவதும் அந்த நீரைக் குடித்து உலர் திராட்சையை உட்கொண்டு வந்தால் விரைவில் உடல் வெப்பம் தணியும்.

சிலருக்கு இதயம் மிக வேகமாகத் துடிக்கும். இவர்கள் எப்போதும் ஒருவிதமான பதற்றத்துடனே இருப்பார்கள். காரணமின்றி கோபமும் அதிகரிக்கும். இவர்களுக்கு பாலில் இந்தப் பழங்களைப் போட்டு காய்ச்சி ஆறியபின் மறுபடியும் காய்ச்சி, பாலையும் பழத்தையும் சாப்பிட்டு வந்தால் இதயத் துடிப்பு லப்டப்… லப்டப்… என்று சீரான லயம் பாட ஆரம்பித்து விடும்.

மிக முக்கியமான பிரச்னை. இது 100க்கு கண்டிப்பாக 40 சதவீதம் பேருக்கு இருக்கும் பிரச்னைதான். மலச்சிக்கல். சாப்பிட்டது சரியாக ஜீரணம் ஆகாது. இவர்கள் என்ன செய்யவேண்டும் தெரியுங்களா? ஒரு கப் நீரில் 25 உலர் திராட்சையைப் போட்டு கொதிக்க விட்டு இறக்கி, மசித்து, அதில் தேன் கலந்து, தினமும் இரண்டு வேளை குடித்து வந்தால் மலச்சிக்கலில் இருந்து விரைவில் விடுபடலாம்.

கர்ப்ப காலத்தில் இப்பிரச்சனையை கர்ப்பிணிகளுக்கு அதிகம் ஏற்படும். அவர்களும் இதேபோல் சாப்பிட்டு வந்தால் மலச்சிக்கல் சொல்லிக்கொள்ளாமல் ஓடிவிடும்.

ஓடி…ஓடி உழைத்தாலும்… அக்கடான்னு தூங்க முடியலையேன்னு சோககீதம் பாடாதவங்க யாராவது இருப்பாங்களா? எல்லோருக்கும் சுகமான தூக்கம் இருந்தால் தானே மறுநாள் உற்சாகமாக தினசரி பணிகளில் ஈடுபட முடியும். தினமும் படுக்கைக்குச் செல்வதற்கு அரைமணி நேரம் முன்பு பாலில் நான்கு அல்லது 5 காய்ந்த திராட்சையைப் போட்டு கொதிக்க வைத்து வடிகட்டி பாலை அருந்தி வந்தால் அப்புறம் என்ன நீங்க விடும் குறட்டைக்கு வீட்டில் குட்டு விழாமல் இருந்தால் சரி…!

பெண்கள் மாதவிடாய் காலத்தில் வயிற்றுப் பிடிப்பு மற்றும் அதிப்படியான ரத்தப்போக்கினால் கஷ்டப்படுவார்கள். அவர்கள், தினமும் ஊற வைத்த உலர் திராட்சையை நீருடன் எடுத்து வந்தால், மாதவிடாய் பிரச்சனைகளில் இருந்து விரைவில் விடுபடலாம்.

எலும்பு சம்பந்தப்பட்ட பிரச்னை வராமல் இருக்க வேண்டுமானால், உலர் திராட்சையை அன்றாடம் சாப்பிடுவது நல்லது. ஏனெனில் இதில் எலும்புகளின் வலிமை மற்றும் ஆரோக்கியத்திற்குத் தேவையான கால்சியம் வளமாக இருக்கிறது. இதனை தினமும் சாப்பிட்டு வந்தால், ஆஸ்டியோபோரோசிஸ் ஏற்படுவதைத் தடுக்கலாம்.

இப்படி தம்மாந்துண்டு காய்ந்த திராட்சையில் மலையளவு சத்துக்களா என்று மலைத்து போகாதீர்கள். இதன் அருமையை உணர்ந்ததால்தான் முன்னோர்கள் அதை உணவுடன் சேர்க்க நமக்கு பழக்கி இருக்கிறார்கள்.

N.நாகராஜன்

Likes(1)Dislikes(1)
Share
Nov 232016
 

cot

புதுசு கண்ணா… புதுசு… சீறுநீரக கற்களை அகற்ற புதிய கட்டில்

சீனா:
புதுசு கண்ணா… புதுசு… இது ரொம்பவே புதுசு என்று ஒரு புதிய கட்டிலை உருவாக்கி உள்ளார் சீனர் ஒருவர். இந்த கட்டில் எதற்காக தெரியுங்களா?

சீனாவின் ஜியாங்ஸி மாகாணத்தில் வசிக்கும் ஜீ கிங்வா, சிறுநீரகக் கற்களை அகற்றுவதற்கு புதிய கட்டில் ஒன்றை உருவாக்கி உள்ளதுதான் விஷயமே.

இவரது மனைவிக்குச் சிறுநீரகப் பாதிப்பு ஏற்பட்டு, இடது சிறுநீரகம் அகற்றப்பட்டது. சில ஆண்டுகளுக்குப் பிறகு வலது சிறுநீரகத்தில் கற்கள் இருந்ததைக் கண்டுபிடித்தனர்.

ஏற்கெனவே ஒரு சிறுநீரகத்துடன் இருப்பவருக்கு, அறுவை சிகிச்சை மூலம் சிறுநீரகக் கற்களை அகற்றுவது ஆபத்து என்ற நிலையால்  தினமும் சில நிமிடங்கள் தலைகீழாக நின்றால் கற்கள் இடம் மாறும் என்றும் ஆலோசனை வழங்கி உள்ளனர் டாக்டர்கள்.

என்ன செய்வது என்று யோசித்த அவர்… தன் மனைவிக்காக ஒரு புதுமையான கட்டிலையே உருவாக்கி விட்டார். எப்படி என்கிறீர்களா? மனைவியைப் படுக்க வைத்து, கட்டிலோடு சேர்த்து பிணைத்தார்.

டிராக்டர் இன்ஜின் மூலம் கட்டிலுக்கு அதிர்வுகளை உண்டாக்கினார்.
கட்டில் மேலும் கீழும் செல்லும்போது சிறுநீரகக் கற்கள் இடம்பெயர்ந்தன. விஷயம் பரவி, அந்த கிராமத்தில் மட்டும் மூன்று பேர் சிறுநீரகக் கற்கள் பிரச்னையில் இருந்து வெளிவந்து விட்டனர் என்றால் பார்த்துக் கொள்ளுங்க… இந்த கட்டிலுக்கான காப்புரிமை பெறும் முயற்சியில் இறங்கியிருக்கிறார் ஜீ கிங்வா. மனைவிக்காக களத்தில் குதித்து புதுகட்டிலையே கண்டுபிடித்துள்ளார்.

தர்றோம்… தர்றோம்… சுவிஸ் ஒப்புதல்… “கருப்பு பண” இந்தியர்கள் கலக்கம்

சுவிட்சர்லாந்து:
தர்றோம்… தர்றோம்… அந்த லிஸ்டை தர்றோம்… என்று சுவிஸ் ஒப்புதல் தெரிவித்துள்ளது. எதற்காக தெரியுங்களா?

சுவிஸ் வங்கிகளில் சேமிப்புக் கணக்கு வைத்துள்ள இந்தியர்களின் விவரத்தை வழங்க அந்நாடு ஒப்புதல் தெரிவித்துள்ளது என்று தகவல் வெளியாகி உள்ளது.

இந்தியர்கள் பலரும் முறைகேடான வகையில் பல ஆயிரக்கணக்கான கோடி ரூபாயை சுவிட்சர்லாந்து நாட்டில் உள்ள வங்கிகளில் பதுக்கி வைத்துள்ளதாக குற்றம்சாட்டப்பட்டு வருகிறது.

இதுகுறித்த பட்டியல் என்று அவ்வபோது ஒரு பட்டியல் வெளியாகும். பின்னர் அது போலி என்றும் வதந்தி என்றும் தெரிய வரும். பரபரப்பிற்காக இப்படி செய்யப்படுகிறது.

எனினும், மத்திய அரசு தரப்பில் போதுமான விவரங்களை கேட்டு, சுவிட்சர்லாந்து அரசுக்கு பல முறை விண்ணப்பிக்கப்பட்டுள்ளது. ஆனால் மத்திய அரசு எதிர்பார்க்கும் விபரங்கள் கிடைக்காத நிலையே நீடித்து வந்தது.

இந்நிலையில் தற்போது தங்கள் நாட்டு வங்கிகளில் முதலீடு செய்துள்ள இந்தியர்களின் சேமிப்புக் கணக்கு உள்ளிட்ட விவரங்களை வழங்குவதாக சுவிட்சர்லாந்து அரசு தெரிவித்துள்ளது.

கருப்புப் பணத்தை ஒழிக்கும் இந்திய அரசின் முயற்சிக்கு உதவும் வகையில் இந்த நடவடிக்கையை மேற்கொள்வதாக, அந்நாடு குறிப்பிட்டுள்ளது. இதன்படி, 2018ம் ஆண்டு ஆகஸ்ட் மாதம் முதலாக, சுவிஸ் வங்கிகளில் சேமிப்பு வைத்துள்ள இந்தியர்களின் விவரம் படிப்படியாக இந்திய அரசுக்கு வழங்கப்படும் என்றும் சுவிஸ் அரசு கூறியுள்ளது.

இந்த தகவல் கருப்பு பணத்தை சுவிஸ் வங்கியில் மறைத்து வைத்துள்ள இந்தியர்களின் வயிற்றில் புளியை கரைத்துள்ளது.

மயக்கும் குரலால் பாடிய பாலமுரளி கிருஷ்ணா காலமானார்

சென்னை:
தன் மயக்கும் இசை புலமையால் புகழ் பெற்ற கர்நாடக இசைக் கலைஞர் பாலமுரளி கிருஷ்ணா (86) உடல் நலக்குறைவால் நேற்று சென்னையில் காலமானார்.

உடல் நலக்குறைவால் அவதிப்பட்டு வந்தார் பாலமுரளி கிருஷ்ணா. இந்நிலையில் சென்னை, ஆர்.கே.சாலையிலுள்ள இல்லத்தில் அவரது உயிர் பிரிந்தது. சிறந்த இசையமைப்பாளர், பாடகருக்காக இரு முறை தேசிய விருது பெற்றவர் பாலமுரளி கிருஷ்ணா. பத்ம விபூஷன், பிரான்ஸ் நாட்டின் உயரிய விருதான செவாலியே விருதுகளையும் பெற்றவர்.

சங்கீத கலாநிதி, சங்கீத கலாசிகாமணி உள்ளிட்ட பட்டங்களை பெற்றவர் பாலமுரளி கிருஷ்ணா.

துயரம், வேதனையடைந்தேன்… முதல்வர் ஜெயலலிதா இரங்கல் அஞ்சலி

சென்னை:
கர்நாடக இசை மேதை பாலமுரளிகிருஷ்ணா மறைந்தார் என்ற செய்தி அறிந்து நான் மிகுந்த துயரமும், மன வேதனையும் அடைந்தேன் என்று முதல்வர் ஜெயலலிதா இரங்கல் தெரிவித்துள்ளார்.

பாலமுரளிகிருஷ்ணா தனது 86வது வயதில் உடல்நலக்குறைவால்
காலமானார். அவரது மறைவுக்கு கர்நாடக இசை கலைஞர்கள், திரைப்பட கலைஞர்கள், நடிகர்கள், அரசியல் தலைவர்கள் பலரும் இரங்கல் தெரிவித்து வருகின்றனர்.

முதல்வர் ஜெயலலிதா வெளியிட்டுள்ள இரங்கல் அறிக்கை:
பாலமுரளிகிருஷ்ணா மறைந்தார் என்ற செய்தி அறிந்து நான் மிகுந்த துயரமும், மன வேதனையும் அடைந்தேன். கர்நாடக இசைத்துறையில் பல்வேறு சாதனைகளை நிகழ்த்தியுள்ள அவர், சினிமா படங்களிலும் காலத்தால் அழியாத பாடல்களை பாடியுள்ளார்.

அவரது 75வது பிறந்த நாள் விழாவை ஒட்டி கடந்த 2005ம் ஆண்டு சென்னையில் எனது முந்தைய ஆட்சியின்போது அரசு சார்பாக விழா எடுத்து, கவுரவிக்கப்பட்டது. அந்த விழாவில், அவர் எனக்காக ஜெய ஜெய லலிதே என்ற ராகத்தை அர்ப்பணித்தார்.

பதிலுக்கு நான், கந்தர்வ கான சாம்ராட் என்ற பட்டத்தை வழங்கியதும் பசுமையான நினைவுகளாக உள்ளன. அவரது குடும்பத்தினருக்கும், ரசிகர்களுக்கும் ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன். இவ்வாறு முதல்வர் ஜெயலலிதா தெரிவித்துள்ளார்.

வின்னரும்… ரன்னரும்தான்… மற்றவங்களுக்கு டெபாசிட் கூட இல்ல…

தஞ்சாவூர்:
வின்னர், ரன்னருக்கு அப்புறம் யாருமே இல்லீங்களே… டெபாசிட்டையே காலி செய்து விட்டார்களே மக்கள் என்று அரசியல் விமர்சகர்கள் தெரிவிக்கின்றனர்.

என்ன விஷயம் தெரியுங்களா? தஞ்சாவூர், அரவக்குறிச்சி, திருப்பரங்குன்றம் சட்டசபைத் தொகுதிகளுக்கு நடைபெற்ற இடைத் தேர்தலில் அதிமுக வின்னர் ஆகி உள்ளது. திமுக வேட்பாளர்கள் தோல்வி அடைந்துள்ளனர்.

ஆனால் பாஜக, தேமுதிக, நாம் தமிழர் கட்சி ஆகியவை டெபாசிட்டை இழந்து தவிக்கின்றன. இதில் 3ம் இடத்தை பெற்று சற்று கவுரவமாக தலை நிமிர்ந்துள்ளது பாஜ.

தேர்தலில் பதிவான வாக்குகளில் 6இல் ஒரு பங்கு பெறும் வேட்பாளர்கள் மட்டுமே செலுத்திய தொகையை திரும்பப் பெற முடியும். திருப்பரங்குன்றம் தொகுதியில் 2 லட்சத்து 3 ஆயிரத்து 57 வாக்குகள் பதிவானது. இங்கு டெபாசிட் தொகையை பெறுவதற்கு, 33 ஆயிரத்து 843 வாக்குகள் பெற வேண்டும்.

இதேபோல, 1 லட்சத்து 64 ஆயிரத்து 582 வாக்குகள் பதிவான அரவக்குறிச்சி தொகுதியில் 27 ஆயிரத்து 430 வாக்குகளும், ஒரு லட்சத்து 86 ஆயிரத்து 388 வாக்குகள் பதிவான தஞ்சாவூர் தொகுதியில் 31 ஆயிரத்து 65 வாக்குகளும், பெற வேண்டும்.

ஆனால், பாஜ, தேமுதிக, பாமக, நாம் தமிழர் ஆகிய கட்சிகள் மூன்று தொகுதிகளிலும் மிகக் குறைவான வாக்குகளையே பெற்றன. இதனால், அந்தக் கட்சிகள் டெபாசிட் தொகையை இழந்துள்ளன.

தமிழகத்தில் விரைவில் 4 ஜி சேவை… வோடோபோன் அறிவிப்பு

மும்பை:
தமிழகத்தில், விரைவில் 4ஜி சேவையை தொடங்க உள்ளதாக, வோடோபோன் இந்தியா தெரிவித்துள்ளது.

தமிழகம் முழுவதும் வோடோபோன் நிறுவனத்தின் சேவையை 1.50 கோடி பேர் பயன்படுத்துகின்றனர் என்று புள்ளிவிபரங்கள் தெரிவிக்கின்றன. இதன்படி, 4ஜி சேவை தொடங்குவதற்கான உள்கட்டமைப்பு வசதிகளை மேம்படுத்தியுள்ளதாக இந்நிறுவனம் தெரிவித்துள்ளது.

4ஜி ஸ்மார்ட்போன்களில் இச்சேவை எளிதாக கிடைக்கும். 4ஜி சிம் கார்டுகள் 2ஜிபி டேட்டா வேலிடிட்டி உடன் விநியோகிக்கப்படும் என்றும் வோடோபோன் நிறுவனம் தெரிவித்துள்ளது. ரிலையன்ஸ் ஜியோ, ஏர்டெல் போன்ற நிறுவனங்களுக்குப் போட்டியாக, தனது 4ஜி சேவையும் சிறப்பான வரவேற்பை பெறும் என நம்பிக்கையுடன் தெரிவித்துள்ளது இந்நிறுவனம்.

குழந்தை- ஐபேட்… இரண்டும் ஒரே வெயிட்… அபுதாபியில் அதிசயம்..

அபுதாபி:
அட என்னப்பா… உண்மையா… என்றுதான் மக்கள் கேள்விக்கு மேல் கேள்வி கேட்கும் நிலையில் இந்த சம்பவம் நடந்துள்ளது. ஆமாங்க… நம்ப முடியாத அந்த விஷயம் இதுதான்…

ஐக்கிய அரபு எமிரேட்டில் உள்ள மருத்துவமனை ஒன்றில் ஐ-பேடை விட குறைவான எடையில் குழந்தை ஒன்று பிறந்துள்ளதுதான் அனைவரின் புருவங்களும் கேள்விக்குறியாக காரணமாக அமைந்துள்ளது.

அந்த அதிசயக் குழந்தையின் எடை வெறும் 631 கிராம்தான் என்றால் நம்புவீர்களா. ஆனால் அதுதான் உண்மை. இந்த பிரசவத்தை வெற்றிகரமாக முடிந்து குழந்தை பிறந்ததை டாக்டர்கள் மகிழ்ச்சியுடன் கொண்டாடி உள்ளனர்.

இதுகுறித்து டாக்டர் குழு தலைவர் கோவிந்தா ஷெனாய் கூறுகையில், ‘‘அந்த அதிசய குழந்தை 26.5 வாரங்கள் கருவில் இருந்து பின்னர் பிரசவமானது. டாக்டர்களின் தீவிர கண்காணிப்பில் குழந்தை உள்ளது. குழந்தையை பிரசவம் செய்த நேரம் தான் மிகவும் முக்கியமானது.

அப்போது அந்த தாய் மிகவும் அபாயகரமான சூழலில் இருந்தார். பிரசவ வலி வந்து மருத்துவமனைக்கு வந்தபோது அவருக்கு அதிக ரத்த அழுத்தம் இருந்தது. தாயும், குழந்தையும் மிகவும் குறிப்பிடத்தக்க அளவிற்கு குணமடைந்துள்ளனர்.

தற்போது குழந்தையின் எடை 2.05 கிலோவாக அதிகரித்துள்ளது. குழந்தை மிகவும் நன்றாக உள்ளது என்று தெரிவித்துள்ளார்.

வாங்க… வாங்க… நாளையிலிருந்து பிக் பஜாரில் ரூ.2000 வாங்கலாம் வாங்க…

புதுடில்லி:
நாளொரு அறிவிப்பாக கொடுத்து மக்களின் பழைய ரூபாய் நோட்டுக்கள் மாற்றும் பிரச்னைக்கு மத்திய அரசு கொஞ்சம் கொஞ்சமாக தீர்வு கண்டு வருகிறது. ஆமாங்க… இப்போ… வாங்க… வாங்க… பிக் பஜாருக்கு பணம் வாங்க வாங்க… என்று அறிவித்துள்ளது.

நாளை (24ம் தேதி) முதல் பிக் பஜாரில் டெபிட் கார்ட் மூலம் ரூ.2000 பெறலாம் என்று  மத்திய அரசு தெரிவித்துள்ளது. கடந்த 8-ந் தேதி பழைய ரூ.500, ரூ.1000 நோட்டுக்கள் செல்லாது என்று அறிவித்த மத்திய அரசு இந்த நோட்டுகளை மாற்றிக்கொள்ள டிசம்பர் 30-ந் தேதி வரை அவகாசமும் அளித்தது.

இதனால் பணத்தை மாற்றுவதற்காக நாட்டின் அனைத்து வங்கிகளிலும் மக்கள் இன்றும் அலை மோதி வருகின்றனர். வங்கிகளுக்கு வரும் அனைத்து வாடிக்கையாளர்களுக்கும் பணம் கொடுக்க முடியாத சூழ்நிலை உள்ளது.

ஏ.டி.எம்.களிலும் மக்களின் தேவையை பூர்த்தி செய்ய முடியவில்லை. இது தேவைக்கு ஏற்ப பணம் எடுத்து செலவு செய்யும் மாத சம்பளக்காரர்களை அதிகளவில் பாதித்துள்ளது.

வரும் வாரம் 1-ந்தேதி சம்பளத்தையும் ஏ.டி.எம்.மில் எடுக்க முடியாமல் போய் விட்டால் நிலைமையை சமாளிக்க முடியாமல் போய் விடும் என்ற பயம் ஏற்பட்டுள்ளது. எனவே மாத சம்பளத்தை ரொக்கமாக தருமாறு தனியார் நிறுவன ஊழியர்கள் கோரிக்கை விடுத்துள்ளனர்.

இந்நிலையில் நாளை (24ம் தேதி) முதல் பிக் பஜாரில் டெபிட் கார்ட் மூலம் ரூ.2000 பெறலாம் என மத்திய அரசு தெரிவித்துள்ளது. இதனால் ஓரளவிற்கு பணத்தட்டுப்பாடு குறையும் என்று எதிர்பார்க்கப்படுகிறது.

ஜாக்கிரதை… “தில்லாலங்கடி” வங்கி அதிகாரிகளுக்கு எச்சரிக்கை

புதுடில்லி:
ஜாக்கிரதை என்று சுட்டு விரல் நீட்டி வங்கி அதிகாரிகளை கடுமையாக எச்சரித்துள்ளது ரிசர்வ் வங்கி. எதற்காக தெரியுங்களா?

மத்திய அரசால் செல்லாது என அறிவிக்கப்பட்டுள்ள பழைய 500 மற்றும் 1000 ரூபாய் நோட்டுக்களை வங்கிகளில் மாற்றும் பணிகள் முழுவீச்சில் நடந்து வருகின்றன. இதனால் பொதுமக்கள் தினமும் தங்களின் மற்ற வேலைகளை ஒதுக்கி வைத்துவிட்டு வங்கியில் நீண்ட நேரம் வரிசையில் காத்திருந்து பணத்தை மாற்றிச் செல்கின்றனர்.

ஆனால், ஒருசில வங்கிகளில் அதிகாரிகள் தங்களுக்குத் தெரிந்த நபர்களுக்கு அதிகளவில் நோட்டுக்களை மாற்றிக்கொடுப்பதாக பெரிய அளவில் புகார் எழுந்துள்ளது. மக்கள் வரிசையில் காத்துக்கிடக்க இப்படி வங்கி அதிகாரிகள் முறைகேடாக நடந்து கொள்வது மக்களை வேதனை அடைய செய்துள்ளது.

இதுகுறித்து ரிசர்வ் வங்கி வெளியிட்டுள்ள அறிக்கையில் என்ன சொல்லியிருக்காங்க தெரியுங்களா!

சில இடங்களில் வங்கி கிளை அதிகாரிகள் அதிக ரொக்கமாக பணம் பறிமாறப்பட்டது எங்கள் கவனத்திற்கு வந்துள்ளது. வங்கி அதிகாரிகள் மோசடி முறைகளில் ஈடுபட வேண்டாம். ஊழியர்களை கண்காணித்து ரூபாய் நோட்டை மாற்றுவதில் முறைகேடு செய்யும் வங்கி அதிகாரிகள் மீது கடும் நடவடிக்கை எடுக்க வேண்டும் என்று வங்கிகளுக்கு அறிவுறுத்தப்பட்டுள்ளது.

வாடிக்கையாளர்கள், ரூபாய் நோட்டு விவரத்தை வங்கிகள் பதிவு செய்ய வேண்டும். டெபாசிட் ஆவணங்களை வங்கிகள் முறையாக பராமரிக்க வேண்டும் என்று தெரிவித்துள்ளது.

பழைய ரூ.1000 நோட்டுக்கட்டுகளுடன் டில்லியில் ஆப்கன் பெண் சிக்கினார்

புதுடில்லி:
புதுடில்லியில் 10 லட்சம் ரூபாய் பழைய நோட்டுகளுடன் இருந்த ஆப்கான் பெண்ணை போலீசார் கைது செய்து தீவிர விசாரணை செய்து வருகின்றனர். இந்த தகவல் மக்கள் மத்தியில் பரபரப்பாக பேசப்பட்டு வருகிறது.

புதுடில்லி சர்வதேச விமான நிலையத்தில் ஆப்கானிஸ்தானை சேர்ந்த 50 வயது பெண் ஒருவர் 10 லட்சம் ரூபாய் மதிப்பிலான பழைய நோட்டுகளுடன் பிடிபட்டுள்ளார்.

காபூலில் இருந்து புறப்பட்டு அவர் புதுடில்லி வந்துள்ளார். விமான நிலையத்திற்குள் இறங்கியவுடன் அந்த பெண் மீது சந்தேகப்பட்ட சுங்கத்துறை அதிகாரிகள் விசாரணை நடத்தியுள்ளனர்.

அப்போது இந்தியாவில் தற்போது ரத்து செய்யப்பட்டுள்ள பழைய 1000 ரூபாய் நோட்டுகள் அவரிடம் இருந்தது கண்டுபிடிக்கப்பட்டது.  போதைப் பொருள் கடத்தலுக்காக அவர் வந்திருக்கலாம் என்று சந்தேகிக்கப்படுகிறது.

இது தொடர்பாக சுங்கத்துறை அதிகாரிகள் வெளியிட்டுள்ள அறிக்கையில், “ஆப்கான் பெண்ணிடம் சோதனை செய்யப்பட்டது. அப்போது அவரிடம் இருந்து 9.63 லட்சம் ரூபாய் மதிப்பிலான 1000 ரூபாய் நோட்டுக்கள் கைப்பற்றப்பட்டன. அவர் அணிந்திருந்த ஆடையிலும் பணத்தினை மறைத்து வைத்திருந்தது கண்டுபிடிக்கப்பட்டது” என்று தெரிவித்துள்ளனர்.

அந்த பெண்ணிடம் தீவிர விசாரணை மேற்கொள்ளப்பட்டு வருகிறது.

காம்பீர் காலி… புவனேஸ்வர் வந்துட்டார்… இந்திய டெஸ்ட் அணி அறிவிப்பு

மும்பை:
இங்கிலாந்துக்கு எதிரான கடைசி 3 டெஸ்ட் போட்டிக்கான இந்திய அணி அறிவிக்கப்பட்டுள்ளது. இதில் காம்பீர் இடம் பெறவில்லை. புவனேஸ்வர் குமார் அணியில் சேர்க்கப்பட்டுள்ளார்.

இந்தியா – இங்கிலாந்து அணிகளுக்கு இடையிலான டெஸ்ட் தொடர் நடந்து வருகிறது. 5 போட்டிகள் கொண்ட இந்த தொடரில் முதல் 2 டெஸ்ட் போட்டிகளுக்கு மட்டும் இந்திய அணி வீரர்கள் அறிவிக்கப்பட்டு இருந்தனர்.

2-வது டெஸ்ட் போட்டி நிறைவடைந்த நிலையில் 3-வது போட்டி மொகாலியில் வரும் 26-ந்தேதி தொடங்குகிறது. மீதமுள்ள 3 போட்டிக்கான இந்திய அணி அறிவிக்கப்பட்டுள்ளது.

இதில் கம்பீர் காணாமல் போய் உள்ளார். வேகப்பந்து வீச்சாளர் புவனேஸ்வர் குமார் அணியில் சேர்க்கப்பட்டுள்ளார்.

அணி வீரர்கள் விபரம்: விராட் கோலி, ரகானே, லோகேஷ் ராகுல், முரளி விஜய், புஜாரா,  கருண் நாயர், சகா, அஸ்வின், ஜடேஜா, ஜயந்த் யாதவ், மிஸ்ரா, ஷமி,  உமேஷ் யாதவ், இசாந்த் சர்மா, புவனேஸ்வர் குமார், ஹர்திக் பாண்டியா.

முதல் போட்டியில் மட்டும் பங்கேற்ற கம்பீர் 2வது போட்டியிலும் இடம்பெறவில்லை. தற்போது 3வது போட்டியிலும் இவருக்கு இடம் கிடைக்கவில்லை என்பது குறிப்பிடத்தக்கது.

N.நாகராஜன்

Likes(1)Dislikes(0)
Share
Nov 232016
 

Spl 2

சங்கீத சாம்ராஜ்ய த்தின் சக்ரவர்த்தி பால முரளி கிருஷ்ணா
தாலாட்டும் குரலால் மக்களை துயில வைத்த இசை மாமேதை

தூங்காத குழந்தைகளும் அமுதகானம் போன்ற இசையை கேட்டால் தூங்கிவிடும் என்பர். தாலாட்டும் அந்த வகைதானே! அப்படி இசையால் நம்மை தாலாட்டி துயில வைத்த இசை மேதை மீளாத் துயரில் நம்மை ஆழ்த்தி விட்டு நிரந்தரமாக துயில சென்றவிட்டது. ஆம்… இசையில் பல சாதனைகள் செய்த கர்நாடக இசைக்கலைஞர் பாலமுரளி கிருஷ்ணா (86) காலமாகிவிட்டார். தாலாட்டிய இசைக்கு நம் கண்ணீர் அஞ்சலி…

பாலமுரளி கிருஷ்ணா, ஆந்திர மாநிலம் கிழக்கு கோதாவரி மாவட்டத்தில் உள்ள சங்கரகுப்தம் என்ற இடத்தில் 1930–ம் ஆண்டு ஜீலை மாதம் 6–ந் தேதி பிறந்தார். குடும்பமே இசைக்குடும்பம் என்று சொல்ல வேண்டும்.

காரணம் பாலமுரளி கிருஷ்ணாவின் தந்தை பட்டாபி ராமய்யா… இசையமைப்பாளர். தாயார் தாய் சூர்ய காந்தம்மாள். வீணை வாசிப்பதில் சிறந்தவர். குழந்தை பருவத்திலேயே சோகத்தை சுமந்தார் பாலமுரளி கிருஷ்ணா. இவரது தாயார் இறந்து விட தந்தையின் அரவணைப்பில் வளர்ந்தார்.

இசையில் தவழ்ந்த வீட்டில் பிறந்த இந்த சிறுவனுக்கும் இசைத்துறையில பெரிய ஈடுபாடு ஏற்பட்டது. கர்நாடக இசையை கற்க தொடங்கினார். இவரது முதல் இசை நிகழ்ச்சி என்றால் அது 8 வயதிலேயே நடந்தது என்றுதான் சொல்லவேண்டும்.

ஆந்திரா விஜயவாடாவில் நடந்த தியாகராஜ ஆராதனை இசைநிகழ்ச்சியில் முதன்முதலாக பங்கேற்றார். ஆராதனையில் இவர் பாடிய விதத்தை கண்டு ‘பால’ என்ற அடைமொழி கொடுக்கப்பட்டது.

இவரது துருதுருப்பும், சுறுசுறுப்பும் இசையில் அடுத்த பக்கங்களை ஏற்படுத்தின என்றுதான் சொல்ல வேண்டும். 15 வயதிற்குள் 72 மேள கர்த்தாக்களையும் ஆளும் திறமையும் அவற்றை பயன்படுத்தி கிருதிகளை உருவாக்கும் திறமையையும் பெற்றிருந்தார். இசை ஆர்வம் காரணமாகப் பள்ளிப் படிப்பை பாதியில் கைவிட்டார்.

விளையும் பயிர் முளையிலேயே தெரியும் என்பதற்கு உதாரணமாக இவர் மஹதி, சுமுகம், சர்வபநீ, ஓம்காரி, கணபதி உள்பட பல்வேறு ராகங்களை உருவாக்கியவர் என்றால் பார்த்துக்கொள்ளுங்கள். இதற்கு முக்கிய காரணம் இசையில் மீது இவருக்கு இருந்த அதீத ஆர்வம்தான்.

உலக அளவில், அமெரிக்கா, கனடா, இங்கிலாந்து, சிங்கப்பூர், மலேசியா உள்பட பல நாடுகளில் 25 ஆயிரத்துக்கும் அதிகமான இசைக்கச்சேரிகளில் பங்கேற்றுள்ளார். சினிமாவிலும் இவருக்கு ஈடுபாடு இருந்தது. இதனால்தான் தமிழ், தெலுங்கு, இந்தி, கன்னடம், சமஸ்கிருத மொழிகளில் 400–க்கும் அதிகமான பாடல்களுக்கு இசை அமைத்து உள்ளார்.

தில்லானாக்களில் சங்கதிகளைப் புகுத்தி புதுமை செய்தவர். இப்படிப் பல சாதனைகளை செய்திருந்தாலும் கூட இவரது புதிய முயற்சிகள் கடுமையாக விமர்சிக்கப்பட்டன.

முதன் முதலாக 72 மேளகர்த்தாக்களில் முதல் ராகமான கனகாங்கி ராகத்தில் கீர்த்தனையைத் தொடங்கி புதுப்புது கீர்த்தனைகளைப் பாடி, இசைக்கல்லூரி முதல்வராகி, இசைமேதையாகி, சரஸ்வதி கடாட்சத்துடன் இசையுலகின் உயரிய விருதுகளை அனைத்தும் பெற்று சங்கீத சாம்ராஜ்யத்தின் சக்ரவர்த்தியாக திகழ்ந்தவர் பால முரளி கிருஷ்ணா.

1967–ல் வெளிவந்த ‘பக்த பிரகலாதா’ என்ற புராண படத்தில் நாரதர் வேடத்தில் நடித்துள்ளார். இசை, இசையமைப்பு, நடிப்பு என்று பல துறைகளிலும் “பக்காவாக”  கால் பதித்து வெற்றிக் கொடி நாட்டியவர். தொட்டதெல்லாம் வெற்றி என்பது போல் இசையில் இவர் செய்தது எல்லாம் சாதனை என்றே சொல்லவேண்டும்.

இசை குறித்த இவரது ஆய்வுகள் வாழ்நாள் சாதனையாகும். இசை வைத்தியத்தில் நம்பிக்கைக் கொண்டவர். அது குறித்து பல ஆராய்ச்சிகள் செய்தவர். தெலுங்கு, கன்னட, சம்ஸ்கிருத, மலையாள, பெங்காலி, பஞ்சாபி, ஹிந்தி மொழிகளில் பெரும் புலமை உடையவர்.

சிவாஜிகணேசன் நடித்த ‘திருவிளையாடல்’ படத்தில் ‘ஒரு நாள் போதுமா! இன்றொரு நாள் போதுமா! நான் பாட இன்றொரு நாள் போதுமா!…’ என்ற பாடல் இன்றும் பல கோயில்களில் மார்கழி மாதத்தில் ஒலிக்கிறது. இதை பாடியது இந்த இசை மேதைதான்.

இந்த பாடல் பட்டி தொட்டி எங்கும் ஒலித்தது. ‘கவிக்குவில்’ படத்தில் ‘சின்னக்கண்ணன் அழைக்கிறான், ராதையை…’ , ‘கலைக்கோவில்’ படத்தில் ‘தங்க ரதம் வந்தது…’, ‘நூல் வேலி’ படத்தில் ‘மவுனத்தில் விளையாடும் மனசாட்சி…’, ‘பசங்க’ படத்தில் ‘அன்பாலே அழகாகும் வீடு ஆனந்தம் அதற்குள்ளே தேடு’ என்ற காலத்தாலும் அழிக்க முடியாத கல்வெட்டு போன்ற அருமையான பாடல்களை பாடி இசையை ரசிக்க தெரியாதவர்களை கூட தாளம் போட வைத்தவர் பாலமுரளிகிருஷ்ணா.

இவரது இசை சாதனைகளுக்காக மத்திய அரசு பத்மபநீ, பத்ம பூஷண், பத்ம விபூஷண் ஆகிய விருதுகளை வழங்கி கவுரவித்துள்ளது. பிரான்ஸ் நாட்டின் உயரிய விருதான செவாலியே விருதை பெற்ற இசைக்கலைஞரும் இவர்தான். சிறந்த இசையமைப்பாளர், பாடகருக்காக 2 முறை தேசிய விருது தேடி வந்து இவரிடம் அடைக்கலமாகி உள்ளது.

கர்நாடக இசைத்துறையில் சங்கீத கலாநிதி, சங்கீத கலா சிகாமணி போன்ற பட்டங்களையும் பெற்றுள்ளார். மயக்கும் சங்கீத குரலில் மக்களை தாலாட்டிய மகத்தான கலைஞர் உடல் நலக்குறைவால் சென்னையில் நேற்று காலமானார்.

தனக்கே உரித்தான தனித்துவமான குரலால் மக்களை ஈர்த்து வந்த கானக்குயில் கண்மூடி நிரந்தரமாக தூங்கி விட்டது. இந்த இழப்பு இசைத்துறைக்கு பெரும் பேரிடிதான் என்பதை மறுக்க முடியாது.

N.நாகராஜன்

Likes(1)Dislikes(0)
Share
Nov 222016
 

Doc

மக்கள் நேய டாக்டரின் இறுதிச்சடங்கு… ஆயிரக்கணக்கில் மக்கள் பங்கேற்பு

கோவை:
மக்கள் நேய டாக்டரின் இறுதிச்சடங்கில் ஆயிரக்கணக்கானோர் கலந்து கொண்டு அஞ்சலி செலுத்தினர்.

ஆயிரமும் வேண்டாம்… ஐந்நூறும் வேண்டாம்… வெறும் 20 ரூபாய் இருந்தால் போதும்… வாங்க… என்னிடம் மருத்துவம் பார்க்கலாம் என்று அனைத்து தரப்பு மக்களுக்கும் மனிதநேயத்தோடு மருத்துவம் பார்த்தவர் கோவை சிங்காநல்லூர் ராஜ கணபதி நகரைச் சேர்ந்த பாலசுப்பிரமணியன் (67).

நல்ல உள்ளங்கள் அங்கொன்றும் இங்கொன்றுமாக இருப்பது போல் சின்ன காயத்திற்கு கூட அந்த டெஸ்ட்.. இந்த டெஸ்ட் எடுக்க சொல்லும் மருத்துவமனைகள் மத்தியில் தளராமல் தன் சேவை செய்து வந்தவர் பாலசுப்பிரமணியன்.

ஆவாரம்பாளையம் சாலையில் சிறிய அறை ஒன்றில் கிளினிக் வைத்து நடத்தி வந்தார். நோயாளிகளிடம் 2 ரூபாயை மட்டுமே பெற்றுக் கொண்டு சிகிச்சை வழங்கி வந்தார். பணம் இல்லாதவர்களிடம் அதைக்கூட வாங்கமாட்டார் என்றால் பார்த்துக்கோங்க…

கடந்த சில ஆண்டுகளாக தனது கட்டணத்தை 2 ரூபாயில் இருந்து படிப்படியாக 20 ரூபாயாக உயர்த்தி மருத்துவ சேவையைத் தொடர்ந்து செய்து வந்தார். இதனால் பயனடைந்த ஆவாரம்பாளையம் சுற்றுவட்டாரப் பகுதி ஏழை, எளிய மக்கள், அவரை 20 ரூபாய் டாக்டர் என்றே அழைத்து வந்தனர் என்பது குறிப்பிடத்தக்கது.

கடந்த வெள்ளிக்கிழமை திடீரென மாரடைப்பால் இவர் இறந்தார். நேற்று அவரது உடல் ஒண்டிப்புதூர் அருகே மின் மயானத்தில் தகனம் செய்யப்பட்டது. அப்போது நடந்த இறுதி ஊர்வலத்தில் ஆயிரக்கணக்கான மக்கள் திரண்டு வந்து அஞ்சலி செலுத்தினர் என்றால் பார்த்துக்கொள்ளுங்க… மனித நேயத்திற்கு எடுத்துக்காட்டாக விளங்கிய டாக்டருக்கு மக்களின் இறுதி அஞ்சலி இப்படித்தான் இருக்க வேண்டும் என்பதை உணர்த்தியது.

நீ அன்பானவன்… கருணையானவன்… ஒபாமாவின் பாராட்டு மழையில் நனைந்த சிறுவன்…

வாஷிங்டன்:
நீ அன்பானவன், கருணையானவன் என்று ஒபாமாவால் பாராட்டப்பட்டுள்ளான் சிறுவன் ஒருவன். யார் தெரியுங்களா?

சிரியாவில் குண்டுவெடிப்பால் இடிந்து போன கட்டிடத்தில் இருந்து படுகாயங்களுடன் மீட்கப்பட்ட சிறுவன் புகைப்படம் வைரலானதே ஞாபகம் வருகிறதா? அந்த சிறுவனை சிரியாவில் இருந்து அழைத்து வந்து தன்னுடன் பள்ளியில் ஆங்கிலம் பயிற்றுவிக்க போவதாக ஒபாமாவுக்கு கடிதம் ஒன்றை எழுதினான் அமெரிக்க சிறுவன்.

அதை ஒபாமா படித்து மிகவும் உறைந்துபோனார். அந்த சிறுவனை நேரில் அழைத்து அவனுக்கு பார்ரட்டுகள் தெரிவித்தார். அந்த சிறுவனிடம், நீ மிகவும் அன்பானவனாகவும், கருணை உள்ளவனாகவும் இருப்பதோடு மட்டுமில்லாமல் பிறரையும் அதேவகையில் நினைக்கும்படி செய்து விட்டாய் என்று பாராட்டி தள்ளியுள்ளார்.

சின்ன வயதில் பெரிய விஷயம் அல்லவா? நாமும் பாராட்டுவோம்…

அரசு ஊழியர்களுக்கு சம்பளத்தில் ஒரு பகுதி ரொக்கம்… மம்தா அதிரடி

கோல்கட்டா:
யார் என்ன அதிரடி திட்டம் கொண்டு வந்தா என்ன… எங்க மாநில அரசு ஊழியர்களுக்கு நாங்க இருக்கிறோம் என்று மம்தா குரல் எழுப்பி உள்ளார். எப்படி தெரியுங்களா?

”மேற்கு வங்க மாநில அரசு ஊழியர்களுக்கான மாதச் சம்பளத்தின் ஒரு பகுதி ரொக்கமாக அளிக்கப்படும்,” என்று அம்மாநில முதல்வரும், திரிணமுல் காங்கிரஸ் தலைவருமான மம்தா பானர்ஜி நேற்று அறிவித்தார்.

பழைய நோட்டுகள் விவகாரத்தில், மத்திய அரசுக்கு எதிராக பல்வேறு போராட்டங்களை நடத்தி வருகிறார் மேற்கு வங்க முதல்வர் மம்தா பானர்ஜி.

இதற்கிடையில் மேற்கு வங்க அரசு ஊழியர்களுக்கான மாதச் சம்பளத்தின் ஒரு பகுதி, ரொக்கமாக அளிக்கப்படும் என்று நேற்று அதிரடியாக அறிவித்துள்ளார். மேலும், மாநிலத்தில் உள்ள தேயிலை தோட்டத் தொழிலாளர்களுக்கான சம்பளத்தை, மாநில அரசே ரொக்கமாக அளிக்கும் என்றும் சொல்லியிருப்பதால் ஊழியர்கள் மகிழ்ச்சி அடைந்துள்ளனர்.

 ஜப்பானை ஆட்டியது நிலநடுக்கம்… ரிக்டரில் 7.4 பதிவு… சுனாமி எச்சரிக்கை

டோக்கியோ:
சுனாமி எச்சரிக்கை விடுக்கப்பட்டுள்ளதால் ஜப்பான் மக்கள் அதிர்ச்சியில் உள்ளனர். என்ன காரணம் தெரியுங்களா?

ஜப்பானில் பயங்கர நிலநடுக்கம் ஏற்பட்டது. இது ரிக்டரில் 7.4 எனப் பதிவாக… உடனடியாக சுனாமி எச்சரிக்கை விடுக்கப்பட்டுள்ளது.

ஜப்பானின் வடகிழக்குப் பகுதியில் ரிக்டரில் 7.4 என்ற அளவில் பயங்கர நிலநடுக்கம் ஏற்பட்டது. புக்குசிமாவுக்கு அருகாமையில் 20 கி.மீ., ஆழத்தில் ஏற்பட்ட நிலநடுக்கத்தால் கட்டடங்கள் குலுங்கின.

நிலநடுக்கம் காரணமாக டோக்கியோ வரை நிலஅதிர்வுகள் உணரப்பட்டுள்ளது. இதில் 2 பேர் காயடைந்துள்ளதாக முதற்கட்ட தகவல்கள் தெரிவிக்கின்றன.

நிலநடுக்கம் காரணமாக புக்குசிமா மற்றும் மியாகி பகுதிகளில் சுனாமி எச்சரிக்கை விடுக்கப்பட்டுள்ளது. மக்கள் பாதுகாப்பான இடங்களுக்கு செல்லும்படி உடனடியாக அறிவுறுத்தப்பட்டுள்ளனர்.

புக்குசிமாவில் அணு உலை அமைந்துள்ளதால் சுனாமி ஏற்பட்டால் பெரும் விளைவுகள் ஏற்படும் என்ற அச்சம் மக்கள் மத்தியல் ஏற்பட்டுள்ளது.

அணு உலையில் 1 மீ., உயரத்துக்கு சுனாமி தாக்கியதாகவும், இதனால் பாதிப்பு இல்லை எனவும் அங்கிருந்து வரும் தகவல்கள் தெரிவிக்கின்றன. அணு உலையில் நீர் குளிர்ச்சி கட்டமைப்பின் மூன்றாவது உலை செயற்பாட்டை நிறுத்தியுள்ளதாக ஜப்பான் அரசு தெரிவித்துள்ளது.

இதேபோல்தான் கடந்த 2011ம் ஆண்டில் ஜப்பானில் ஏற்பட்ட சுனாமியால் புக்குசிமா அணு உலை சேதத்துக்குள்ளானது என்பது இங்கு நினைவுப்படுத்த வேண்டியது முக்கியமானதாகும் நிலநடுக்கம் மற்றும் சுனாமி எச்சரிக்கை ஆகியவற்றால் மக்கள் வெகுவாக அச்சத்தில் உள்ளனர். பலர் தங்கள் வீடுகளை விட்டு பாதுகாப்பான பகுதிக்கு புறப்பட்டு செல்கின்றனர்.

மழை தொடரும்… வானிலை மையம் தகவல்… வட தமிழகத்தில் வறண்ட வானிலையாம்…

சென்னை:
மழை தொடரும் என்று வானிலை மையம் வழக்கம் போல் தெரிவித்துள்ளது. ஆனால் இதற்கு மக்கள் கமெண்ட் என்ன தெரியுங்களா? வரும்… ஆனா வராது… என்பதுதான். சரி விஷயத்தை பார்ப்போம்…

‘குமரி கடல் பகுதியில், காற்றழுத்த தாழ்வு மண்டலம் நீடிப்பதால், தென் மாவட்டங்களில் மழை தொடரும்’ என்று வானிலை ஆய்வு மையம் அறிவித்துள்ளது.

வங்கக் கடலின் தென் மேற்கு பகுதியை ஒட்டி, இலங்கை அருகே, இந்திய பெருங்கடலில், காற்றழுத்த தாழ்வு மண்டலம் கடந்த 3 நாட்களாக மையம் கொண்டுள்ளது. இதனால் தென் மாவட்ட கடலோர பகுதிகளில் கனமழை பெய்து வருகிறது.

இதில் அதிகபட்சமாக வேதாரண்யத்தில் 55 மி.மீ., மழையும், திருத்துறைப்பூண்டியில் 100 மி.மீ., மழையும் பெய்துள்ளது.
இதுகுறித்து வானிலை ஆய்வு மையம் தெரிவித்துள்ளதாவது: குமரி கடல் பகுதியில் நிலை கொண்டு இருந்த காற்றழுத்தம் வடக்கு நோக்கி நகர்வதால், தென் மாவட்ட கடலோரப் பகுதியில் கனமழை பெய்யும்.

கன்னியாகுமரி, திருநெல்வேலி, தூத்துக்குடி, ராமநாதபுரம் ஆகிய மாவட்டங்களில் மழை பெய்யும். கேரளா, லட்சத்தீவு பகுதிகளிலும் கனமழை பெய்யும். வட தமிழகத்தில் பெரும்பாலும் வறண்ட வானிலை காணப்படும். சில இடங்களில் லேசானது முதல் மிதமான மழை பெய்யும் என்று தெரிவித்துள்ளது.

அடப்பாவிங்களா… என்ன நடக்குது நாட்டுல… வங்கியிலிருந்து பழைய நோட்டுக்கள் ரூ. 1 கோடி கொள்ளை

புவனேஸ்வர்:
எப்படிங்க… இது எப்படிங்க நடக்கும்… என்ன நடக்குது நாட்டுல என்று புரியாமல் மக்களி விழிப்பிதுங்கிடி வருகின்றனர். என்ன விஷயம் தெரியுங்களா?

மத்திய அரசு நோட்டு விவகாரத்தில் அதிரடிக்க… மக்கள் வங்கிகளுக்கு படையெடுக்க என்ற நாடே விழிப்பிதுங்கி கிடக்கும் நிலையில் ஒரு மோசமான சம்பவம் நடந்துள்ளது ஒடிசாவில். என்னன்னு பாருங்களேன்.

ஒரு கோடி ரூபாய் மதிப்புள்ள, பழைய, 500 – 1,000 ரூபாய் நோட்டுகள், ஒடிசாவில் உள்ள ஒரு வங்கியிலிருந்து கொள்ளையடிக்கப்பட்டதுதான் அது.

ஒடிசாவில் தென்கனல் மாவட்டத்தில் ஒடிசா கிராமிய வங்கியின் கிளை உள்ளது. மத்திய அரசால் செல்லாததாக அறிவிக்கப்பட்டுள்ள, பழைய 500 – 1,000 ரூபாய் நோட்டுகள், ஒரு பெரிய பெட்டியில், இங்கு வைக்கப்பட்டிருந்தன. இவற்றின் மதிப்பு, 8 கோடி ரூபாய்.

இந்நிலையில், 2 நாள் விடுமுறைக்கு பின், நேற்று காலை வங்கியை திறந்த அதிகாரிகளுக்கு ஒரு அதிர்ச்சி காத்திருந்தது. பணம் வைக்கப்பட்டு இருந்த பெட்டி, உடைக்கப்பட்டு இருந்ததுதான் அது.

பெட்டியை சோதனையிட்டபோது, அதில் இருந்த, 1.15 கோடி ரூபாய் கொள்ளைஅடிக்கப்பட்டது தெரியவந்தது. இதுகுறித்து போலீசில் புகார் அளிக்கப்பட்டது.  போலீசார் என்ன சொல்லியிருக்காங்க தெரியுங்களா? ‘வங்கியில் பணியாற்றுவோரின் உதவி இன்றி, இந்த கொள்ளை நடந்திருக்க வாய்ப்பில்லை’ என்கின்றனர். உண்மைதானே… இந்த பழைய ரூபாயை வேறு எங்காவது மாற்றிக் கொள்ள முடிவு செய்து இப்படி ஒரு திட்டம் போட்டு இருக்காங்களா?

பிசிசிஐ., நிர்வாகிகளை ஒட்டு மொத்தமாக தூக்குங்க… லோதா குழு அதிரடி…

புதுடில்லி:
ஒட்டு மொத்தமாக தூக்குங்க… என்று லோதா குழு அதிரடியான அறிக்கையை தாக்கல் செய்துள்ளது. எதற்காக தெரியுங்களா?

பி.சி.சி.ஐ., நிர்வாகிகளை ஒட்டுமொத்தமாக நீக்க வேண்டும் என, லோதா குழு சார்பில் சுப்ரீம் கோர்ட்டில் அறிக்கை தாக்கல் செய்யப்பட்டது.

இந்திய கிரிக்கெட் போர்டில் (பி.சி.சி.ஐ.,) செய்ய வேண்டிய சீர்திருத்தங்கள் குறித்து, சுப்ரீம் கோர்ட் வழிகாட்டுதலின் படி, லோதா குழு பல்வேறு பரிந்துரைகளை வழங்கியது.

இவற்றை வரும் டிசம்பர் 3ம் தேதிக்குள் நடைமுறைப்படுத்த சுப்ரீம் கோர்ட் அவகாசம் வழங்கியது. ஆனால், இதற்கான எவ்வித நடவடிக்கையும் எடுக்காமல் பி.சி.சி.ஐ., காலம் தாழ்த்தி வருகிறது.

இதையடுத்து, பி.சி.சி.ஐ., மற்றும் மாநில சங்கங்கள் பண பரிவர்த்தனை செய்ய சுப்ரீம் கோர்ட் தடை விதித்தது. இதற்கிடையே லோதா குழு சார்பில் நேற்று சுப்ரீம் கோர்ட்டில் புதிய பரிந்துரை அடங்கிய அறிக்கை தாக்கல் செய்யப்பட்டது.

இதில்தான் அந்த அதிரடி காட்டப்பட்டுள்ளது. தற்போதைய பி.சி.சி.ஐ., மற்றும் மாநில சங்க நிர்வாகிகளை ஒட்டுமொத்தமாக நீக்கவேண்டும். முன்னாள் உள்துறை செயலர் ஜி.கே.பிள்ளை என்பவரை பி.சி.சி.ஐ., பார்வையாளராக நியமிக்க வேண்டும் என்று தெரிவித்துள்ளது.

லோதா பரிந்துரைகள் அப்படியே ஏற்கப்பட்டு, நிர்வாகிகள் நீக்கப்பட்டால், புதிய உறுப்பினர்கள் தேர்வு செய்யப்படும் வரை ஜி.கே.பிள்ளை பொறுப்பில் இருப்பார் என்பதும் குறிப்பிடத்தக்கது.

தப்பியோடிய மல்லையாவுக்கு பிடிவாரண்ட்… மும்பை கோர்ட் உத்தரவு

மும்பை:
தப்பியோடியவருக்கு பிடிவாரண்ட் பிறப்பித்துள்ளது மும்பை சிறப்பு நீதிமன்றம்… யாருக்கு தெரியுங்களா?

‘கிங் பிஷர்’ மதுபான ஆலை அதிபரான விஜய் மல்லையா, பொதுத்துறை வங்கிகளில் ரூ. 9 ஆயிரம் கோடிக்கும் அதிகமான கடனை வாங்கி விட்டு அதை திருப்பிச் செலுத்தாமல் வெளிநாட்டுக்குத் தப்பியோடி விட்டார்.

இந்த வழக்குகளை சிபிஐ மற்றும் அமலாக்கப்பிரிவு அதிகாரிகள் விசாரித்து வருகின்றனர். விஜய் மல்லையா தேடப்படும் குற்றவாளி என்று பணமோசடி தடுப்பு நீதிமன்றமும் சமீபத்தில் அறிவித்தது.

இதற்கிடையே பல்வேறு நிறுவனங்களுக்கு விஜய் மல்லையா கொடுத்திருந்த காசோலைகள் அவரது வங்கிக் கணக்குகளில் போதிய பணம் இல்லாததால் திருப்பி அனுப்பப்பட்டன.

மல்லையா குடும்ப உறுப்பினர்களுக்குச் சொந்தமான சில உறுதிப் பங்குகள், இது தொடர்பான அசையும் மற்றும் அசையாச் சொத்துக்களை பறிமுதல் செய்து முடக்குவது உள்ளிட்ட நடவடிக்கையை தீவிரப்படுத்த அமலாக்கத்துறை முடிவுசெய்துள்ளதாக தகவல்கள் தெரிவிக்கின்றன.

இந்நிலையில், சிபிஐ தொடுத்துள்ள வழக்கில் பிணையில் வெளிவர முடியாத பிடியாணை பிறப்பித்து மும்பை சிறப்பு நீதிமன்றம் உத்தரவிட்டுள்ளது.

N.நாகராஜன்

Likes(1)Dislikes(0)
Share
Nov 212016
 

naga


இலை, பட்டை, வேர், பழம், விதை என்று உடலுக்கு நலம் தரும் நாவல் பழம்… ஆமாங்க… பெரிய சைஸ் கருப்பு திராட்சை போல் இருக்குமே… அதுபற்றிய கட்டுரைதான் இது.

ஞாபகம் வருதே… ஞாபகம் வருதே… பள்ளிக்கூட வாசலில் பாட்டியிடம் நாவல் பழம் வாங்கி தின்றது ஞாபகம் வருதே… என்று இப்போதும் பாடாத நபர்கள் இருந்தால்…. இல்லை கண்டிப்பாக இருக்கவே முடியாது. அந்த கால தலைமுறையினரும் சரி… இன்றைய ஸ்மார்ட் போன் கால தலைமுறையினரும் சரி. கண்டிப்பாக நாவல் பழத்தை ஒருமுறையாவது டேஸ்ட் செய்து இருப்பார்கள்.

இந்த நாவல் பழத்தில் சிறிது உப்பும், மிளகாய் தூளும் தூவி தருவாங்க பாருங்க… அடடா… டேஸ்ட் செம அள்ளு அள்ளும். ஆனால் அது டேஸ்ட்டுக்காக சாப்பிட்டு வேஸ்ட் செய்யும் பழம் இல்லீங்க. அற்புதமான இயற்கை அன்னை நமக்கு அள்ளித் தந்த வரப்பிரசாதம். இயற்கை மருத்துவர் என்றே சொல்லலாம். அந்தளவிற்கு அதில் பல நல்ல விஷயங்கள் அடங்கி இருக்கு.

அப்படி என்ன விஷயங்கள் இருக்கு என்று கேட்கிறீர்களா? இதோ சொல்லிடுவோம். நாவல் பலத்தை சாப்பிடுவதால் மூளை பலப்படும், ஈரல் நோய் குணமாகிறது. ஜீரண சக்தியை அதிகரிக்கிறது. இதெல்லாம் பெரிய விஷயமாக என்று கேட்காதீர்கள். அதையும் தாண்டி… அதுக்கும் மேல என்று பல மேட்டர் இருக்குங்க பாஸ்.

நாவல் பழக்கசாயம், வாயுத்தொல்லை நீக்கும். மண்ணீரல் வீக்கம்,நாள்பட்ட கழிச்சல் நோய், உடலுக்கும், கண்ணுக்கும் குளிர்ச்சி என்று நாவல் பழம் ஸ்மால் டாக்டர் போல நமக்கு உதவுகிறது.

இந்த பழத்தை சாப்பிட்டு வருவதால் ரத்தத்தை சுத்தி செய்யும் மகிமை கொண்டது. ரத்த விருத்திக்கு உதவும் சிறுநீர்க்கழிவை தூண்டும். நீர்ச்சுருக்கைக் குணப்படுத்தும். இன்னும் இருக்குங்க பாஸ்… நாவல் பழத்தை உப்பில் போட்டு சாப்பிடுவதால் தொண்டைக்கட்டு உண்டாவது குறையலாம்.

இந்த பழத்தை சாப்பிடுவதால் நீர்வேட்கை நீங்கும். பழுக்காத காய்களை நன்கு உலர்த்திப் பொடி செய்து வைத்துக் கொண்டால் வயிற்றுப்போக்கு ஏற்பட்டால் ஒரு தேக்கரண்டி எடுத்து மோரில் கலந்து அருந்தினால் குணம் அடையும். இப்பழத்தில் சுண்ணாம்புச்சத்தும், இரும்புச் சத்தும் உள்ளது

சர்க்கரை நோயாளிகள் இந்த பழத்தின் விதையை நன்கு நிழலில் உலர்த்தி பொடி செய்து சலித்துக் கொண்டு தினமும் 2-4 கிராம் வீதம் மூன்று வேளை எனத் தண்ணீரில் கலந்து அருந்தி வரவேண்டும். அப்படி செய்வதால் சர்க்கரை நோய் கட்டுக்குள் இருக்கும்.

மேலும் விதையைப் பொடித்து மாம்பருப்புத் தூளுடன் சேர்த்துத்தர சிறுநீரைப் பெருக்கும். இது பித்தத்தையும் போக்கும். நாவல் கொழுந்துச் சாறு, மாவிலைச்சாறு ஆகிய இரண்டையும் கலந்து கடுக்காய் பொடியுடன் சேர்த்து ஆட்டுப்பாலில் கலக்கித் தர சீதக்கழிச்சல் போகும். இப்படி இயற்கை நமக்கு அருகிலேயே நாவல் மரம் என்ற பெயரில் ஒரு மருத்துவரை வைத்துள்ளது.

இப்படி இலை, பழம், விதையின் பயன்கள் இது என்றால்… நாவல்மரப்பட்டை குரல் இனிமையை அதிகரிக்கும். ஆஸ்துமா, தாகம், களைப்பு குருதி சீதபேதி, பெரும்பாடு, ஈளை இருமல் ஆகிய நோய்களுக்கும் ரொம்ப ரொம்ப நல்லது.

நாக்கு, வாய், தொண்டைப்புண்களுக்கும் இதன் சாற்றைப் பயன்படுத்தி வாய் கொப்புளிக்கலாம். மரப்பட்டையை இடித்து சலித்து எருமைத் தயிரில் சாப்பிட பெண்களின் உதிரப்போக்கு குணமாகும்.

மரப்பட்டைத் தூளை ரத்தம் வழிகின்ற புண்ணில் தூவ குணமாகும். அத்தகைய சிறப்பு இந்த மரத்தின் பட்டைக்கு இருக்கு. பட்டைக் கஷாயத்தைக் கொண்டு புண்களையும் கழுவலாம்.

இந்த மரத்தின் வேர் என்ன பயன் கொடுக்கிறது தெரியுங்களா? வாதம், கரப்பான், நீரிழிவு, குருதி, சீதபேதி, வாதகரம், மேகம், செரியாமை ஆகியவற்றைப் போக்கும்.  இப்படி நுனி முதல் வேர் வரை அருமையான பலன்களை அள்ளித்தருகிறது நாவல்.

நாவல் மரம் ஒரு பசுமை மாறாத, வெப்பமண்டலப் பகுதிக்குரிய ஒரு மரமாகும். தாவரக் குடும்பத்தைச் சேர்ந்த ஒரு பூக்கும் தாவரம். இந்தியா மற்றும் இந்தோனீசியாவுக்கு உரியது. 30 மீட்டர் உயரம் வரை வளரும். 100 ஆண்டுகள் வரை வாழும். ஆண்டுக்கு ஒருமுறை ஜனவரி – பிப்ரவரி மாதங்களில் இலைகளை உதிர்க்கும் இந்த மரம்.

பிறகு மார்ச் – மே மாதம் பூப்பதும் அதன் பின்னர் ஜீலை–ஆகஸ்ட்– செப்டம்பர் மாதங்களில் பழங்களைத் தருவதும் இந்த மரத்தின் இயல்பு.

பெரும்பாலும் விதை மூலம் வளரும் அல்லது ஒட்டுச்செடிகள் மூலம் இனப்பெருக்கம் செய்யப்படும் நாவல் மரம் நட்ட 8 முதல் 10 ஆண்டுகளில் விளைச்சல் தரும். ஒரு மரத்துக்கும் இன்னொரு மரத்துக்கும் 12 மீட்டர் இடைவெளி விட்டு நடப்படும் நாவல் மரம் ஆண்டுக்கு 50 முதல் 80 கிலோ வரை பழங்கள் தருகிறது.

கருநாவல், கொடி நாவல், சம்பு நாவல் என நாவல் வகைகள் உள்ளன. இதை சாகுபடி செய்ய விவசாயிகள் தற்போது முன் வருகின்றனர். நீண்ட காலப்பயிராக இருந்தாலும் தொடர்ந்து வருமானம் தருவதால் தங்கள் தோப்புகளில் இதை பயிர் செய்து வருகின்றனர்.

இதேபோல் சேலம் மாவட்டத்தில் நாவல் மர சாகுபடி செய்துள்ள விவசாயி ராமச்சந்திரன் கூறியதாவது:

ஒரு ஏக்கரில் சம்பு நாவல் பழ சாகுபடி செய்துள்ளேன். 96 மரங்கள் உள்ளன. இந்த மரங்கள் 30 முதல் 35 அடி வரை வளரும். ஆனால் ஆண்டு தோறும் கவாத்து (மரத்தின் பக்க கிளைகளை வெட்டி சீரமைத்தல்) செய்து வருகிறேன். இதனால் 15 அடி உயரமுள்ள செடிகளாக வளர்ந்துள்ளன.

இயற்கை முறையில் மட்டுமே உரம் இட்டு வருகிறேன். இதனால் சாகுபடி அதிகரிக்கிறது. பழத்தின் சுவையும் கூடுதலாக இருக்கிறது. அசோஸ்பைரில்லம், ரைசோபியம், சூடோமோனாஸ், பஞ்சகாவ்யம் போன்ற இயற்கை நுண்ணூட்ட சத்துகளை பயன்படுத்துகிறேன்.

மரத்தில் நோய் தாக்குதல் இருக்காதவாறு பார்த்துக் கொள்ள வேண்டும். நோய் தாக்குதலை தவிர்க்க இஞ்சிச்சாறு, மஞ்சள் பொடி பயன்படுத்தினால் போதும். நான்கு ஆண்டுகளில் இருந்து பழம் காய்க்கின்றன. ஒரு மரத்தில் 60 கிலோ வீதம் ஏக்கருக்கு 5.5 டன் கிடைக்கிறது.

சாதாரணமாக ஒரு ஏக்கரில் 2 டன் மட்டுமே மகசூல் கிடைக்கும். பழம் 5 கிராம் மட்டுமே இருக்கும். பறிக்கும்போதே பாதி பழங்கள் சேதமாகிவிடும். நான் சாகுபடி செய்துள்ள இந்த மரத்தில் உள்ள ஒரு பழம் 17 முதல் 20 கிராம் இருக்கிறது. உயரம் குறைவாக இருப்பதால் பழங்களை சேதமின்றி பறிக்க முடிகின்றது.

அதிக தண்ணீர் தேவையில்லை. 15 நாட்களுக்கு ஒருமுறை தண்ணீர் பாய்ச்சினால் போதும். மே முதல் ஜீலை வரை சாகுபடி செய்கிறோம் என்றார்.

உடலுக்கு குளிர்ச்சியை அள்ளிதரும் நாவல் பழத்திற்கு அந்த பெயர் வந்த காரணம் என்னவென்று தெரியுங்களா? நாவல் பழத்தைத் தின்றால் நாவின் நிறம் கருமையாக மாறும். நாக்கு வறண்டு தண்ணீர்ங அதிகம் குடிக்க வேண்டும்போல் இருக்கும். இப்படி நாவின் தன்மையை மாற்றுவதால் ‘நா+அல்’ (நாவல்) என்றனர் என்று பெயர் விளக்கம் அளிக்கின்றனர்.

இந்த நாவல் பழச்சாற்றை மதிப்பு கூட்டப்பட்ட பொருளாக்கி கடைகளிலும் விற்பனைக்கு அனுப்புகின்றனர். இதனால் கூடுதல் வருமானம் கிடைக்கிறது.

N.நாகராஜன்

Likes(1)Dislikes(0)
Share
Nov 212016
 

images

அது ஒரு அழகிய கிராமம். விவசாய நிலங்கள், சுற்றி மலைகள் என இயற்கை பொலிவுடன் இருந்தது. விவசாயத்தை மட்டுமே நம்பியிருந்த மக்களும்  கடுமையாக உழைத்து செழிப்பாக இருந்து வந்தனர்.

சோலையாக விளங்கிய கிராமம், ஒரு சமயத்தில் நீர் வரத்து குறையவே, பாலைவனமாக மாறத் தொடங்கியது. மூன்று வேலை சாப்பாட்டுடன் மகிழ்ச்சியாக இருந்த மக்களின் நிலை, ஓரிரு வேலை என சுருங்கியது.

பஞ்சம் தலை விரித்து ஆடியதில், மக்கள் அக்கம் பக்கம் உள்ள ஊர்களுக்குச் சென்று வேலை செய்ய ஆரம்பித்தனர்.  என்ன செய்வதென்று அறியாது துன்பத்தில் வாடினர்.

கிராமத்தின் இந்த முக்கிய பிரச்சினையை ஆராய்ந்த ஒரு முதியவர் மக்களிடம் ஒரு யோசனையை தெரிவித்தார்.

“மக்களே, நம் கிராமத்தை சுற்றியுள்ள மலைகளில், ஒரு உயரமான மலை தெரிகிறதல்லவா? அதன் உச்சியிலிருந்து நீர் பிரவாகித்து, ஓடையாக மாறி, வீணாக கடலில் சென்று கலக்கிறது. இந்த ஓடையை திசை மாற்றினால், நீர் முழுதும் நம் கிராமத்தை வந்து சேரும்.

ஆனால் அந்த மலையின் உச்சியை அடைவது சுலபமில்லை. போகும் வழியில் கொடிய பாம்புகளும், விஷ பூச்சிகளும் இருக்கும். மேலும், மலை உச்சியை நெருங்குகையில், அங்கு சுவாசிக்க போதுமான காற்று இல்லாமல் இருக்கலாம் என்ற நம்பப் படுவதால், இதுவரை யாரும் அங்கு செல்ல முயலவில்லை” என்றார்.

இதை கேட்ட மக்களுக்கு ஆச்சரியம். ஆனால் பாதைகளில் உள்ள ஆபத்தை நினைத்து, எவரும் மலை உச்சிக்கு செல்லும் திட்டத்தை செய்ய முன் வரவில்லை. தண்ணீர் கிடைக்கும் வழி இருந்தும், எடுக்க முடியாமல் இருக்கிறோமே, என்ன பண்ணலாம் என யோசித்தனர். நாட்கள் செல்ல செல்ல, தொடர் பட்டினியில் மக்கள் நிலை இன்னும் மோசமானது.

இந்த சூழ்நிலையில் கிராமத் தலைவர் ஒரு போட்டி அறிவித்தார். மலை உச்சிக்கு சென்று நீரோடையை நம் கிராமத்து பக்கம் எவர் திருப்பி விடுகிறாரோ, அவரே, அடுத்த தலைவராக நியமிக்கப்படுவார் எனவும், அவருக்கு சில நிலங்களும் பரிசாகத் தரப்படும் எனவும் அறிவித்தார்.

அந்த அறிவிப்பு பொது மக்கள் கூடும் பல இடங்களில் அறிவிப்பு பலகையில் தெரிவிக்கப்பட்டிருந்தது.

போட்டித் துவங்கும் நாளும் வந்தது.

போட்டியைக் காண அனைத்து மக்களும் கூடியிருந்தனர். கிராமத்திலிருந்து இரண்டு இளைஞர்கள் மட்டும் போட்டியில் கலந்துக் கொள்வதாய் களம் இறங்கினர். அப்போது அந்த கிராமத்திற்கு வழிப்போக்கனாய் வந்த மற்றொரு இளைஞனும், அறிவிப்பு பலகையை பார்த்து தானும் கலந்துக் கொள்ள போட்டி நடக்கும் இடத்திற்கு வந்தான்.

ஒரு வழியாக மூன்று இளைஞர்கள் தேறிவிட்டனர் என கிராமத் தலைவரும் போட்டியைத் துவக்கி வைத்தார்.

மூன்று இளைஞர்களும் முன்னே நடக்க, பின் தொடர்ந்த மக்கள் மலை அடிவாரம் வரை வந்தனர்.

மலையில் மூவரும் நடக்கத் தொடங்க, கீழிருந்த மக்களில் சிலர், கரகோஷம் எழுப்பினர். வேறு சிலரோ “போகாதீர்கள், அது ஆபத்தான பாதை, அங்கு சுவாசிக்கும் காற்று கிடையாது, இதுவரை அங்குச் சென்றவர்கள் திரும்பி வந்ததில்லை. தண்ணீர் இல்லையென்றால் கூட பரவாயில்லை, இப்போது உள்ளது போலவே, ஒரு வேலை சாப்பாட்டுடன், உயிருடனாவது இருந்து விடலாம், திரும்பி வந்துவிடுங்கள்” என எச்சரித்தனர்.

ஆனால் இளைஞர்கள் மூவரும் விடுவதாயில்லை. மேலே என்ன தான் இருக்கிறது, ஒரு கை பாத்துவிடுவோம் என்ற தோரணையில் நடையைக் கட்டினர்.

கொஞ்சம் தூரம் சென்றபின், முதியவர் கூறியது போலவே கொடிய விஷப் பூச்சிகளும், பாம்புகளும் பாதையின் ஓரமாக ஊர்ந்துக்கொண்டிருந்தன. இதைக் கண்ட முதல் இளைஞன், பயந்து போய், நமக்கு இந்த வீர விளையாட்டு வேண்டாம் என கீழே இறங்கிவிடுகிறான்.

மற்ற இரு இளைஞர்கள் மட்டும் தொடர்ந்து மேலே செல்கின்றனர்.

மலை உச்சியை அடையும் தருவாயில், இரண்டாம் இளைஞனுக்கு கீழிருந்த மக்கள் கத்திய குரல்கள் மீண்டும் மீண்டும் காதில் விழுவது போல் ஒரு பிரம்மை ஏற்பட்டது. “ஆம் அவர்கள் சொன்னது சரிதான், இங்கு சுவாசிக்க காற்று இல்லைதான் போலுள்ளது” என நினைக்க ஆரம்பித்தான். நெஞ்சு படபடத்தது. உடல் வியர்க்க ஆரம்பித்தது. நடக்கையில் மூச்சு விட சிரம்மப்பட்டான். இதற்கு மேலும் நடந்தால், மரணம் நிச்சயம் என எண்ணி அவனும் கீழே இறங்கி விடுகிறான்.

வழிப்போக்கனாய் வந்த மூன்றாவது இளைஞனோ, எந்த வித சலனமும், பதட்டமும் இன்றி உறுதியுடனும் நம்பிக்கையுடனும் மேலே சென்றுக் கொண்டேயிருந்தான். மலை உச்சியை அடைந்து, நீரோட்டத்தையும் கிராமத்து பக்கம் வருமாறு திருப்பிவிட்டு, போட்டியில் வெற்றியும் பெறுகிறான்.

கிராமத்திற்குள் தண்ணீர் சர சரவென பாய்ந்து பெருக்கெடுத்து ஒடி வருகிறது. காய்ந்து போன பூமி உயிர்பித்து எழுகிறது!

மக்களுக்கு மற்றட்ட மகிழ்ச்சி. வழிப்போக்கன் கீழே இறங்கியதும், ஓடிச்சென்று அவனை உற்சாகத்துடன் சூழ்ந்துக்கொள்கின்றனர். அவனை வெகுவாக பாராட்டுகின்றனர். அவனிடம் மலை உச்சியில் நடந்த அனுபவம் பற்றி பல கேள்விகளை ஆர்வத்துடன் கேட்கின்றனர்.

அவனோ கொஞ்சம் கூட சலனமின்றி தான் வந்த குதிரையை நோக்கிச் செல்கிறான்.

அவனது இந்த செயல் கிராமத்து மக்களை கோபமடையச் செய்தது. வெற்றியினால் அவனுக்கு ஆணவம் வந்துவிட்டது. நாம் இத்தனை பேர் கேட்கிறோம், நம்மை கொஞ்சம் கூட மதிக்காமல் செல்கிறானே எனத் திட்டித் தீர்த்தனர்.

அமைதியாக குதிரை அருகில் சென்ற இளைஞன் தான் வைத்திருந்த காகிதத்தில், எதையோ எழுதி அந்த மக்களிடம் காண்பித்தான்.

அந்த காகிதத்தில், “நீங்கள் என்ன பேசுகிறீர்கள் என்று எனக்குத் தெரியாது, ஏனெனில், பிறந்ததிலிருந்து எனக்கு வாய் பேசவும், காது கேட்கும் திறனும் கிடையாது. எனக்கு எந்த பதவியும் பரிசும் வேண்டாம். உங்களுக்கு உதவி செய்ததே எனக்கு மகிழ்ச்சியாக உள்ளது” எனக் கூறி தன் குதிரையில் ஏறி விடைப்பெற்றுக் கொள்கிறான்.

இந்த கதையை சற்று ஆராய்ந்து பார்த்தால் சில விஷயங்கள் புலப்படும். நம் வாழ்வில் நடந்த மற்றும் நடக்கும் சம்பவங்களையும் இது போல் கதைகளுடனும் தொடர்பு படுத்தி பார்க்கலாம்.

நாம் ஏதாவது புதிய முயற்சி எடுக்கலாம் என நினைக்கையில், நம்மை சுற்றியுள்ள சிலர், “வேண்டாம், அதை செய்யாதே, அது பெரிய ரிஸ்க்” எனக் கூறுவதை பார்த்திருப்போம்.

“ரிஸ்க் என்று சுற்றியுள்ளவர்கள் கூறுவதற்கு, இரண்டு காரணங்கள் உள்ளது. இதுவரை யாரும் அந்த காரியத்தை முயற்சித்ததில்லை என்பது ஒன்று. மற்றொன்று, அப்படி ரிஸ்க் என்று சொல்பவர்களுக்கு அந்த காரியத்தை செய்ய முடியாமலோ, செய்வதில் விருப்பம் இல்லாமலோ இருப்பது மற்றொன்று” என்கின்றனர் வெற்றிப் பெற்றவர்கள்.

இத்தனை பேர் சொல்கிறார்களே, நம்மீது உள்ள அக்கரையில் தானே சொல்கிறார்கள், உண்மையிலேயே இது ரிஸ்க் தான் போலுள்ளது என எண்ணி தங்கள் விருப்பத்தை தொடங்காமலேயே பலர் கைவிட்டு விடுவதுண்டு.

இன்னும் மோசமாக, சிலர் தொடங்கிய செயலை சுற்றியுள்ளவர்கள்  சொல்வதால் பாதியில் கைவிட்டு விடுவதுண்டு.

நம் வாழ்வின் அனைத்து முக்கிய முடிவுகளையும் பெரும்பாலும் தீர்மானிப்பது இது போல் சுற்றியுள்ளவர்கலாய் தான் இருக்கின்றனர். அவர்களது நோக்கம் நாம் தோற்று விடக்கூடாது என இருப்பதினால்,  பாதுகாப்பான பாதையிலேயே சென்றுவிட அறிவுரை வழங்குவார்களே தவிர, அந்த பாதை நமக்கு வருமா, பிடித்ததா என்று அவர்கள் பார்ப்பதில்லை.

மத்த எந்த முடிவானாலும் சரி, ஆனால் தொழில் (Career) சம்பந்தப்பட்ட முடிவை மட்டும் யாரிடமும் தராதீர்கள், நீங்களே உங்கள் மனதிற்கு பிடித்தவாறு எடுங்கள் என்கின்றனர் பல துறையில் சாதித்தவர்கள்.

தனக்கு பிடித்த வேலையை செய்வதில் முயற்சி எடுத்து அதனால் தோல்வி ஏற்பட்டால் கூட பரவாயில்லை, ஆனால் பிடித்த செயலை செய்யாமலேயே கடைசி வரை வாழ்ந்து விடுவது தான் உலகிலேயே மிகப் பெரிய ரிஸ்க் என்கின்றனர் சாதனையாளர்கள்.

அதனால் சரியான முடிவை எடுங்கள், சரித்திரம் படையுங்கள். வெற்றி உங்களதே!

விமல் தியாகராஜன் & B+ TEAM

Likes(4)Dislikes(0)
Share
Nov 212016
 

sindhu

 

சூப்பர் “சிந்து” – இந்தியாவின் கொடியை சீனாவில் உயரமாக பறக்க விட்டார்

பீஜிங்:
இந்தியாவின் கொடியை சீனாவில் உயரமாக ஏற்றி வைத்துவிட்டார் சிந்து என்று அவரது ரசிசகர்கள் கொண்டாடுகின்றனர். எதற்காக தெரியுங்களா?

சீன ஓபன் சூப்பர் சீரீஸ் பேட்மின்டன் தொடரின் மகளிர் ஒற்றையர் பிரிவு இறுதிப் போட்டியில் சீனாவின் சன் யூ-வை வீழ்த்தி இந்தியாவின் நட்சத்திர வீராங்கனை பி.வி.சிந்து சாம்பியன் பட்டத்தை வென்றதுதான் இந்த கொண்டாட்டத்திற்கு காரணம்…

சீன ஓபன் போட்டியில் பங்கேற்று விளையாடிய சிந்து, மகளிர் ஒற்றையர் பிரிவு காலிறுதியில் சீனாவின் ஹி பி்ங்ஜியாவோவை எளிதில் வென்றார். பின்னர் அரையிறுதி ஆட்டத்தில் கொரிய வீராங்கனை சங் ஜி யுன்-ஐ எதிர்த்து விளையாடினார்.

விறுவிறுப்பாக நடந்த இந்த போட்டியிலும் சிந்துவுக்கே வெற்றிக்கனி கிடைத்தது. சாம்பியன் பட்டத்துக்காக நடந்த இறுதிப் போட்டியில், சீனாவின் சன் யூ-வை எதிர்த்து தன் ஆவேசமான அதிரடி ஆட்டத்தை வெளிப்படுத்தினார் சிந்து. இதில் 21-11, 17-21, 21-11 என்ற செட் கணக்கில் வெற்றிபெற்று சீன ஓபன் சாம்பியன் பட்டத்தை வென்று, இந்தியாவுக்கு மேலும் புகழை தேடித் தந்துள்ளார்.

“அப்ப வெளுத்து துவைத்து காயப்போட்டீங்களா… பிரசிடெண்ட்…”

லிமா:
சார்… அவரு அப்படி இல்லீங்கோ… அப்படி நினைச்சுடாதீங்கோ என்று இவரு ரெக்கமண்ட் செய்து இருக்காருங்க… என்ன விஷயம் தெரியுங்களா?

டொனால்டு டிரம்பை மோசமானவராக கருத வேண்டாம் என்று லத்தீன் அமெரிக்கா மற்றும் உலக நாடுகளுக்கு அமெரிக்க அதிபர் பராக் ஒபாமா வலியுறுத்தி உள்ளார் என்பதுதான் மேட்டரே!

ஆசிய பசுபிக் பொருளாதார மாநாடு தென் அமெரிக்காவின் பெரு நாட்டில் நடந்து வருது. இதன் தலைநகர் லிமாவில் நடக்கும் இந்த மாநாட்டில் அமெரிக்க அதிபர் ஒபாமா கலந்துக்கிட்டார்.

அப்போது இளைஞர்களுடன் நடைபெற்ற கேள்வி பதில் நிகழ்ச்சியில் அவர் பேசியது இதுதாங்க… அதிபராக தேர்வு செய்யப்பட்டுள்ள டொனால்டு டிரம்புக்கு தகுதி இல்லை என்ற தவறான முடிவுக்கு வர வேண்டாம்.

டிரம்பை மோசமானவராக கருத வேண்டாம். நிர்வாகம் எப்படி நடத்துகிறார் என்பதை பார்க்கும் வரை காத்திருங்கள். உலக நாடுகள் அமைதியாக, செழிப்புடன் ஒற்றுமையாக வாழும் பொறுட்டு அவருடன் நிர்வாகம் இருக்கிறதா இல்லையா, என்று பார்த்து பின்னர் தீர்மானியுங்கள்.

புதிய அதிபர் குறித்து உலக நாடுகள் உடனடியாக எந்த முடிவுக்கும் வர வேண்டாம். இது உலக நாடுகள் மற்றும் லத்தீன் அமெரிக்க நாடுகளுக்கு முக்கியமானதாகும் என்று சொல்லியிருக்காருங்க… சரிதான்… வக்காலத்து வாங்க ஆரம்பிச்சுட்டாரா?

அதிபர் தேர்தல் பிரசாரத்தின் போது டிரம்பை வெளுத்து துவைத்து காயப்போட்டீங்களா… பிரசிடெண்ட்… இப்ப என்னாச்சு…

யாருய்யா… யாரு… போலீஸ் ஹெலிகாப்டரை சிதறடித்த மர்மநபர்கள்

ரியோடி ஜெனீரோ:
யாருய்யா… யாரு… என்று டென்ஷனில் இருக்கின்றனர் ரியோடி ஜெனீரோ நகர் போலீசார். இவர்கள் இப்படி டென்ஷன் ஆக காரணம் இருக்குங்க…

பிரேசில் நாட்டின் ரியோடி ஜெனீரோ நகரில் குற்றவாளிகளை வேட்டையாட சென்ற போலீஸ் ஹெலிகாப்டரை மர்மநபர்கள் சுட்டு வீழ்த்தியதுதான் அந்த டென்ஷனுக்கு காரணம்.

பிரேசில் நாட்டில் போதை பொருள் கடத்தல் கும்பலுக்கும், ஆள் கடத்தல் கும்பலுக்கும் இடையே அடிக்கடி மோதல்கள் நடந்து வருகிறது. இந்நிலையில் ரியோடி ஜெனீரோ அருகேயுள்ள பாவலா என்ற இடத்தில் ஒரு கும்பலை பிடிக்க போலீசார் ஹெலிகாப்டரில் பறந்து கண்காணிப்பு பணியில் ஈடுபட்டிருந்தனர்.

அப்போது ஹெலிகாப்டர் திடீரென கீழே விழுந்து நொறுங்கி தீப்பிடித்தது. அதில் சென்ற 4 போலீசாரும் உடல் கருகி பலியான சம்பவம் சக போலீசார் மத்தியில் சோகத்தை ஏற்படுத்தி உள்ளது.

இந்த ஹெலிகாப்டரை கடத்தல் கும்பல் சுட்டு வீழ்த்தியதாக போலீசார் தெரிவித்துள்ளனர். இது போன்ற சம்பவங்கள் பிரேசிலில் ஏற்கனவே நடந்துள்ளன. இருப்பினும் இந்த சம்பவம் போலீசாருக்கு செம டென்ஷனை ஏற்படுத்தி உள்ளது.

ரூபாய் நோட்டு விவகாரம்… இன்று கூடிப் பேசப்போகும் எதிர்கட்சிகள்…

புதுடில்லி:
ரூபாய் நோட்டு விவகாரம் தொடர்பாக பாராளுமன்ற இரு அவைகளின் எதிர்க் கட்சிகள் இன்று காலை ஒன்று கூடி ஆலோசனை நடத்துகின்றனர் என்று தகவல்கள் வெளியாகி உள்ளது.

பாராளுமன்ற குளிர்கால கூட்டத் தொடர் கடந்த நவம்பர் 16-ம் தேதி தொடங்கியது. பாராளுமன்றத்தில் ரூ.500, ரூ.1000 நோட்டுகள் செல்லாது என்ற மத்திய அரசின் அறிவிப்புக்கு எதிர்ப்பு தெரிவித்து எதிர்க் கட்சிகள் அமளியில் ஈடுபட்டு வருகின்றன. இதனால் சபையை நடத்த முடியாத நிலை நீடித்து வருகிறது.

கடந்த வெள்ளிக்கிழமையும் பாராளுமன்றத்தின் இரு அவைகளிலும் கடும் அமளி ஏற்பட்டதால் இன்று (திங்கட்கிழமை) ஒத்தி வைக்கப்பட்டது. இதற்கிடையில் ரூபாய் நோட்டு விவகாரம் தொடர்பாக பாராளுமன்ற இரு அவைகளின் எதிர்க் கட்சிகளும் இன்று காலை ஒன்று கூடி ஆலோசனை நடத்துகின்றனராம்.

காலை 9.30 மணியளவில் இந்த ஆலோசனை கூட்டம் நடக்கிறது. சுமார் 10 கட்சிகளின் உறுப்பினர்கள் இதில் கலந்து கொள்கின்றனர் என்ற தகவல்கள் வெளியாகி உள்ளது.

வீண் போகாது  நீங்க செய்யும் இந்த தியாகம் வீண் போகாது… பிரதமர் சொல்றார்…

ஆக்ரா:
வீண் போகாது நீங்க செய்யும் இந்த தியாகம் வீண் போகாது என்று மக்களுக்கு ஆறுதல் கூறி பேசி உள்ளார் பிரதமர் மோடி. எதற்காக என்று தெரியுங்களா?

உத்தரபிரதேச மாநிலம் ஆக்ராவில் நடந்த பொதுக் கூட்டத்தில் பிரதமர் நரேந்திர மோடி கலந்து கொண்டு அனைவருக்கும் வீடு வழங்கும் திட்டத்தை தொடங்கி வைத்தார். பின்னர் அவர் பேசுகையில், நாம் வசிக்க வேண்டிய வீட்டை நாமே கட்டுவோம். அனைவருக்கும் வீடு வழங்கும் திட்டம் நாடு முழுவதும் அமல்படுத்தப்படுகிறது.

2022-க்குள் அனைவருக்கும் வீடு இருக்கும். விவசாயிகள் முதல் ஆதிவாசிகள் வரை அனைவருக்கும் வீடுகள் கட்டித் தரப்படும். கருப்பு பண ஒழிப்பில் மத்திய அரசுக்கு ஏழைகள் ஆதரவு அளித்து வருகின்றனர்.

உங்கள் தியாகம் எதுவும் வீண் போகாது என்று உறுதி அளிக்கிறேன். கருப்பு பணத்தை பதுக்கியவர்களுக்கு மிகப்பெரிய தண்டனை அளிக்கப்பட்டுள்ளது. ணப் பரிவர்த்தனை சீராக 50 நாட்கள் ஆகும் என்று கூறி இருக்கிறேன். நான் கூறியவாறு 50 நாட்கள் பொறுத்துக் கொள்வீர்கள் என்று நம்புகிறேன் என்று பேசி இருக்காருங்க…

பிரதமர் ஜி நீங்க சொல்றது சரிதான். ஆனால் இந்த 50 நாளும் சாப்பாட்டுக்கு கூட பணம் இல்லாம இல்ல மக்கள் அவதிப்பட போறாங்க என்கின்றனர் சிலர்.

ஊழியர்களை “கூல்” படுதிதிய மத்திய அரசின் புத்திசாலித்தனம்

சென்னை:
செம ஐடியா போட்டு களத்தில் குதிச்சு இருக்கு மத்திய அரசு என்கின்றனர் நடுநிலையாளர்கள். என்ன விஷயம்ன்னா….

பணத்தட்டுப்பாட்டை போக்குவதற்காக தன் ஊழியர்களின் சம்பளத்தில் ரூ.10,000 ஐ முன்பணமாக வழங்க மத்திய அரசு முடிவு செய்துள்ளதாம்.

ரூபாய் நோட்டு பிரச்னையை அடுத்து அனைத்து தரப்பு மக்களும் பணத்தட்டுப்பாடு காரணமாக அவதிப்பட்டு வருகின்றனர். இந்நிலையில் கடந்த 17-ந் தேதி, மத்திய அரசின் குருப்-சி ஊழியர்கள் தங்களின் சம்பள பணத்திலிருந்து முன்பணமாக ரூ.10, 000 ஐ அவர்களின் அலுவலகங்களில் ரொக்கமாக பெற்றுக் கொள்ளலாம் என்று அறிவிக்கப்பட்டது.

இதன்படி சென்னை கோட்டத்தில் உள்ள ரயில்வே ஊழியர்களுக்கு ரூ.10,000 வழங்க ரிசர்வ் வங்கிகளிலிருந்து ரூ.10 கோடி கொண்டு வரப்பட்டுள்ளதாக கூறப்படுகிறது. இதனால் ஊழியர்களின் மத்தியில் நல்ல பெயர் எடுத்து கொள்ள நினைக்கிறது மத்திய அரசு.

அத்துமீறி தாக்கிய பாக்., இந்திய ஜவான் பலி… எல்லையில் பதற்றம்

ஸ்ரீநகர்:
எல்லையில் பதற்றம் ஏற்பட்டுள்ளது என்று தகவல்கள் பரபரக்கின்றன. எதற்றாக தெரியுங்களா?

ஜம்மு-காஷ்மீர் மாநிலம் ரஜோரியில் பாக்., ராணுவம் நடத்திய தாக்குதலில் இந்திய ஜவான் ஒருவர் பலியானது பெரும் சோகத்தையும் அதிர்ச்சியையும் ஏற்படுத்தி உள்ளது. மேலும் 3 வீரர்கள் காயமடைந்தனர்.

யூரி ராணுவ முகாம் மீது பயங்கரவாதிகள் தாக்குதல் நடத்தியதைத் தொடர்ந்து இந்திய எல்லைப்பகுதிகள் முழுவதிலும் பாதுகாப்பு வளையத்திற்குள் பலப்படுத்தப்பட்டது.

‛சர்ஜிகல் ஸ்ட்ரைக்’ தாக்குதலில் பாக்., பகுதியில் உள்ள பயங்கரவாத முகாம்களை இந்திய ராணுவம் அழித்தது. இதில் ஏராளமான பயங்கரவாதிகள் கொல்லப்பட்டனர். இதையடுத்து எல்லையில் பதட்டம் நிலவி வருகிறது.

இந்நிலையில் ஜம்மு-காஷ்மீர் மாநிலம் ரஜோரி செக்டரில் பாக்., ராணுவம் அத்துமீறி தாக்கியதில் இந்திய எல்லைப் பாதுகாப்புபடை தலைமைக் காவலர் ராய்சிங் பலியானார். மேலும் 3 ராணுவ வீரர்கள் காயமடைந்தனர்.

போர் நிறுத்த ஒப்பந்தத்தை மீறி கடந்த 24 மணி நேரத்தில் இந்திய எல்லையில் பாக்., ராணுவம் 3 முறை அத்துமீறியுள்ளது குறிப்பிடத்தக்கது. இதனால் எல்லைப்பகுதியில் மீண்டும் பதற்றம் உருவாகி உள்ளது. இந்த சம்பவத்திற்கு பதிலடி கொடுக்க வேண்டும் என்று மக்கள் வலியுறுத்துகின்றனர்.

கொடுத்துட்டாங்க… சர்வதேச அமைதி விருதை கொடுத்துட்டாங்க…

புதுடில்லி:
கொடுத்துட்டாங்க… கொடுத்துட்டாங்க… சர்வதேச அமைதிக்கான விருதை கொடுத்துட்டாங்க… யாருக்கு என்கிறீர்களா?

உலக அமைதிக்காக பாடுபடும் ஆன்மீக குரு ரவிசங்கருக்குதான் சர்வதேச அமைதிக்கான விருது வழங்கப்பட்டுள்ளது.

சர்வதேச நீதிமன்றத்தில் முதல் இந்திய நீதிபதியாக இருந்தவர் டாக்டர் நாகேந்திர சிங். அவரது நினைவாக உலக அமைதிக்காக பாடுபவர்களுக்கு ‛சர்வதேச அமைதி விருது’ வழங்கப்பட்டு வருகிறது.

உலக நாடுகளின் அமைதிக்காக பல முயற்சிகளை மேற்கொண்டு வருபவர் ஆன்மீக குரு ரவிசங்கர். இவரை கவுரவிக்கும் விதமாக சர்வதேச அமைதி விருதுக்கு தேர்வு செய்யப்பட்டார்.

இதையடுத்து டில்லி விக்யான்பவனில் நேற்று (20ம் தேதி) நடந்த விழாவில் டாக்டர் நாகேந்திர சிங் சர்வதேச அமைதி விருதை, மத்திய உள்துறை அமைச்சர் ராஜ்நாத் சிங், ரவிசங்கருக்கு வழங்கினார்.

உ.பி.யில் நடந்த கோர ரயில் விபத்து… 120 பேர் பலியான சோகம்… 200 பேர் காயம்

புக்ராயன்:
உத்தர பிரதேச மாநிலத்தில் இந்துார் – பாட்னா எக்ஸ்பிரஸ் ரயில் தடம் புரண்டதால் ஏற்பட்ட கோர விபத்தில் 120 பேர் உயிரிழந்த சம்பவம் பெரும் அதிர்ச்சியையும், சோகத்தையும் ஏற்படுத்தி உள்ளது. இந்த விபத்தில் 200க்கும் மேற்பட்டோர் காயமடைந்துள்ளனர்.

மத்திய பிரதேசம் மாநிலம் இந்துாரில் இருந்து, பீஹார் மாநிலம் பாட்னாவுக்கு இயக்கப்படும் எக்ஸ்பிரஸ் ரயில், உ.பி.,யின் கான்பூருக்கு அருகே புக்ராயன் பகுதியில் நேற்று திடீரென தடம் புரண்டது.

இந்த விபத்தில் ரயிலின் 14 பெட்டிகள் கவிழ்ந்தன. எங்கும் அலறல் குரல்தான் கேட்டுள்ளது. ரயில் தண்டவாளத்தில் ஏற்பட்ட விரிசல் காரணமாக இந்த விபத்து நடந்ததாகக் கூறப்படுகிறது.

கடந்த சில ஆண்டுகளில் நடந்த மிக கோரமான விபத்து இதுதான் என்பது குறிப்பிடத்தக்கது. இந்த மோசமான விபத்தில் 120 பேர் உயிரிழந்தனர்; 200க்கும் மேற்பட்டோர் காயமடைந்தனர்.

அதில் 75 பேர் பலத்த காயமடைந்தனர். காயமடைந்த பலரது நிலைமை மோசமாக இருப்பதால், உயிரிழப்பு அதிகரிக்கக் கூடும் என்று அஞ்சப்படுகிறது. விபத்து நடந்த தகவல் அறிந்தவுடன் போலீசார், தீயணைப்பு படையினர், தேசிய பேரிடர் மீட்புப் படையினர், ராணுவ மருத்துவக் குழுவினர் மீட்புப் பணிகளில் ஈடுபடுத்தப்பட்டனர்.

ரயிலின், இரண்டாம் வகுப்பு துாங்கும் வசதி உடைய, ‘எஸ் – 1’ மற்றும் ‘எஸ் – 2’ பெட்டிகள் தடம் புரண்ட வேகத்தில், மோதி நேர்க்குத்தாக நின்றன. இந்த பெட்டிகளில் தான், பாதிப்பு அதிகமாக இருந்தது. காயமடைந்தவர்களின் நிலை கவலைக்கிடமாக இருப்பதால் பலி எண்ணிக்கை அதிகரிக்கும் என்று அஞ்சப்படுகிறது.

விபத்துக்குள்ளான ரயிலில், மத்திய பிரதேச மாநிலம், இந்துாரைச் சேர்ந்த, 200க்கும் மேற் பட்ட பயணிகள் பயணம் செய்தனர். அவர்கள் பயணம் செய்த பெட்டிகள், அதிகளவு சேதமடைந்ததாக, தகவல் வெளியானதால் உறவினர்கள் பதற்றம் அடைந்து கதறி தீர்த்தனர்.

இறந்தவர்கள் மற்றும் காயமடைந்தவர்கள் பற்றி தகவல்களை பெறுவதற்காக, உறவினர்கள்,இந்துார் ரயில் நிலையத்தை முற்றுகையிட்டனர்; நீண்ட நேரமாக கூட்டம் அலைமோதியது; தொடர்ந்து அவர்களை விபத்து நடந்து பகுதிக்கு அழைத்துச் செல்ல, பஸ் வசதி ஏற்பாடு செய்யப்பட்டது.

N.நாகராஜன்

Likes(1)Dislikes(0)
Share
Nov 202016
 

Ashwin

வங்கியில் இதுவரை வந்து சேர்ந்த பணம் ரூ. 4 லட்சம் கோடியாம்… 

புதுடில்லி:
ரூ. 4 லட்சம் கோடி வங்கிகளுக்கு வந்து இருக்குங்க… இதுவரை என்று மத்திய அமைச்சர் சொல்லியிருக்கார்.

என்ன விஷயம்ன்னா… பழைய ரூ.500, 1000 நோட்டுக்களை மாற்றும் நடவடிக்கை காரணமாக இதுவரை வங்கிகளுக்கு 4 லட்சம் கோடி ரூபாய் வந்திருப்பதாக மத்திய அமைச்சர் ரவி சங்கர் பிரசாத் தெரிவித்துள்ளார்.

தொடர்ந்து பழைய ரூபாய் நோட்டுக்களை பொதுமக்கள் வங்கிகளில் கொடுத்து மாற்றி வருகின்றனர். இதனால் மக்கள் வெகுவாக பாதிக்கப்பட்டுள்ளனர். எதிர்க்கட்சிகள் இந்த திட்டத்தை கடுமையாக எதிர்த்து வருகின்றன.

இந்நிலையில், ரூபாய் நோட்டுக்களை மாற்றும் நடவடிக்கையை பாராட்டி மத்திய தகவல் தொழில்நுட்பத்துறை அமைச்சர் ரவிசங்கர் பிரசாத் என்ன சொல்லியிருக்கிறார் பாருங்க…

‘ரூபாய் நோட்டு மாற்றம் நடைமுறைக்கு வந்து 11 நாட்கள் ஆகிறது. இதற்கு பலன் கிடைத்துள்ளது. இதுவரை வங்கிகளுக்கு 4 லட்சம் கோடி ரூபாய் வந்துள்ளது. அனைத்தும் சுத்தமான வெள்ளைப் பணம்.

தீவிரவாதிகளால் புழக்கத்தில் விடப்படும் கள்ள நோட்டுக்கள் தடுக்கப்பட்டுள்ளன. பாதுகாப்புடன் கூடிய பொருளாதாரம் வேகமாக வளர்ச்சி அடைந்து வருகிறது’ என்று சொல்லியிருக்காருங்க…

திருப்பதி  உண்டியலுக்கு வரும் புதிய ரூபாய் நோட்டுகள்…

திருப்பதி:
என்ன செய்தாலும் திருப்பதி பகவானுக்கு பாதிப்பில்லை. அவரது பக்தர்கள் அள்ளித்தான் தந்து வருகின்றனர்.

பிரதமர் நரேந்திர மோடி ரூ.1,000, ரூ.500 நோட்டுகள் செல்லாது என அறிவிப்பு வெளியிட்டார். இதனால் நாடு முழுவதும் பணத்தட்டுப்பாடு நிலவி வருகிறது. இருப்பினும் திருப்பதி கோயில் உண்டியல் வசூலில் எந்த பாதிப்பும் இல்லை என தெரிய வந்துள்ளது.

திருப்பதி ஏழுமலையான் கோவிலுக்கு, நாடு முழுவதும் இருந்து பக்தர்கள் வந்து குவிந்த வண்ணமாக இருக்கிறார்கள். இதுகுறித்து கோயிலின் மக்கள் தொடர்பு அதிகாரி தாலரி ரவி கூறுகையில், ”9-ந்தேதியில் இருந்து 10 நாட்களில் உண்டியலில் ரூ.30 கோடியே 36 லட்சம் வசூலாகி உள்ளது. கடந்த ஆண்டு இதே காலத்தில் ஆன வசூலை விட இது ரூ.8 கோடி அதிகம்.

ஒரு நாளில் அதிகபட்ச வசூல், கடந்த 17-ந் தேதி வசூலான ரூ.3 கோடியே 53 லட்சம். குறைந்த வசூல் என்றால் 10-ந்தேதி ரூ.2 கோடியே 28 லட்சம் வசூலானதுதான். இப்போது புதிதாக வெளியாகியுள்ள ரூ.2,000, ரூ.500 நோட்டுகள் கூட பக்தர்களால் உண்டியலில் காணிக்கையாக செலுத்தப்பட்டிருக்கின்றன” என்றார்.

மாற்றிட்டாங்க… சாதாரண வார்டுக்கு  மாற்றிட்டாங்க… அதிமுகவினர் உற்சாகம்

சென்னை:
மாற்றிட்டாங்க… மாற்றிட்டாங்க… சாதாரண வார்டுக்கு முதல்வரை மாற்றிட்டாங்க… என்று தகவலால் ரொம்பவே சந்தோஷத்தில் குதித்து வருகின்றனர் அதிமுக தொண்டர்கள்.

உடல் நலக்குறைவு காரணமாக சென்னை அப்பல்லோ மருத்துவமனையில் சிகிச்சை எடுத்து வரும் ஜெயலலிதா தீவிர சிகிச்சை பிரிவிலிருந்து சாதாரண வார்டுக்கு மாற்றப்பட்டுள்ளார். இத்தகவல் அறிந்த அதிமுக தொண்டர்கள் வெகுவாக உற்சாகமடைந்துள்ளனர்.

லண்டன், எய்ம்ஸ், அப்பல்லோ டாக்டர்களின் கூட்டு முயற்சியால் உடல் நிலையில் நல்ல முன்னேற்றம் அடைந்தார் முதல்வர் ஜெயலலிதா.

செயற்கை சுவாசம் அளிக்கப்பட்டு வந்தது. தற்போது இயல்பான முறையிலேயே சுவாசித்து வருவதாகவும் வெறும் 15 நிமிடம் மட்டுமே செயற்கை சுவாசம் எடுத்துக்கொள்வதாகவும் கூறப்படுகிறது.

முதல்வர் ஜெயலலிதா பூரண குணமடைந்து விட்டதாகவும், அவர் விரும்பும் நேரத்தில் வீட்டுக்கு செல்லலாம் என அப்பல்லோ நிர்வாகம் கூறியது. தொடர்ந்து அவர் தீவிர சிகிச்சை பிரிவிலிருந்து சாதாரண வார்டுக்கு மாற்றப்பட்டுள்ளார்.

முதல்வர் தற்போது 2 வது தளத்தில் சிகிச்சை எடுத்து வருகிறார். எனவே, தற்போது அதே தளத்தில் உள்ள சாதாரண வார்டுக்கு அவர் மாற்றப்பட்டுள்ளார்.

அவர் சாதாரண வார்டுக்கு மாற்றப்பட்டிருப்பது, அப்பல்லோ வாசலில் இருக்கும் அதிமுக தொண்டர்களிடையே மகிழ்ச்சியை ஏற்படுத்தியுள்ளது.

மாவோயிஸ்ட் 5 பேர் துப்பாக்கிச்சூட்டில் பலி

சத்தீஸ்கர்:
அதிரடி நடவடிக்கை மேற்கொண்ட பாதுகாப்பு படைவீரர்கள் மாவோயிஸ்ட் இயக்கத்தை சேர்ந்த 5 பேரை சுட்டுக் கொன்றுள்ளனர்.

சத்தீஸ்கர் மாநிலத்தில் பாதுகாப்பு படைவீரர்களுடன் நடந்த துப்பாக்கிச் சண்டையில் மாவோயிஸ்ட் இயக்கத்தை சேர்ந்த 5 துபேர் சுட்டுக் கொல்லப்பட்டனர் என்று தகவல்கள் வெளியாகி உள்ளது.

ஒடிசா, சத்தீஸ்கர், ஜார்கண்ட் போன்ற மாநிலங்களில் நக்சலைட்கள் மற்றும் மாவோயிஸ்ட்களின் ஆதிக்கம் அதிகரித்து வருகிறது.
தடைசெய்யப்பட்ட இயக்கத்தை சேர்ந்த இந்த குழுவினரை வேட்டையாட நக்சல் ஒழிப்பு படை என்ற தனிப்படை பிரிவு இயங்கி வருகிறது.

காட்டுப் பகுதிகளில் மறைந்திருக்கும் நக்சலைட்களையும், மாவோயிஸ்ட்களையும் இந்த தனிப்படையினர் கைது செய்தும், சுட்டுக் கொன்றும் வருகின்றனர்.

அதேபோல் சத்தீஸ்கர் மாநிலம் நாராயண்பூர் மாவட்டத்தில் உள்ள பேச்சா என்ற கிராமத்தில் சில மாவோயிஸ்ட்கள் பதுங்கி இருப்பதாக போலீசாருக்கு தகவல் வந்தது. தொடர்ந்து அந்த கிராமத்தை போலீசார் சுற்றிவளைத்தனர்.

போலீசாரை கண்டதும் மாவோயிஸ்ட்கள் துப்பாக்கிகளால் சுட ஆரம்பித்தனர். தொடர்ந்து போலீசாரும் அதிரடியாக பதிலுக்கு சுட்டு எதிர்தாக்குதல் நடத்தினர். இந்த துப்பாக்கிச் சண்டையில் ஒருபெண் உள்பட 5 மாவோயிஸ்ட்கள் கொல்லப்பட்டனர்.

48 மணி நேரம் சண்டை நிறுத்தம்… சவுதி அறிவிப்பு…

சவுதி:
48 மணிநேரம் சண்டை நிறுத்தம்… சண்டை நிறுத்தம் என்று அறிவித்துள்ளது சவுதி அரசு.

ஏமன் நாட்டில் அதிபர் மன்சூர் ஹாதி படைகளுக்கு எதிராக, ஈரான் ஆதரவு பெற்ற ஷியா பிரிவு ஹவுதி கிளர்ச்சியாளர்கள் சண்டையிட்டு வருகின்றனர்.

அதிபருக்கு ஆதரவாக சவுதி அரேபியா தலைமையில், ஐக்கிய அரபு எமிரேட்ஸ், குவைத், பஹ்ரைன், கத்தார், ஜோர்டான், மொராக்கோ, எகிப்து, சூடான் ஆகிய 9 நாடுகளின் கூட்டுப்படைகள் களம் இறங்கி, கிளர்ச்சியாளர்களை ஒடுக்கி வருகிறது.

கிளர்ச்சியாளர்களுக்கு எதிராக சவுதி கூட்டுப்படையினர் களம் இறங்கிய பிறகு நடந்த சண்டையில் இதுவரை 7 ஆயிரம் பேர் கொல்லப்பட்டிருப்பதாக ஐ.நா. தெரிவிக்கிறது.

அங்கு பல முறை சண்டை நிறுத்தங்கள் அமலுக்கு வந்தாலும், அவை முறிந்துபோய் உள்ளன. இந்நிலையில் தற்போது அங்கு 48 மணி நேர சண்டை நிறுத்தத்தை சவுதி கூட்டுப்படைகள் அறிவித்துள்ளன. இந்த சண்டை நிறுத்தம் நேற்று உள்ளூர் நேரப்படி மதியம் 12 மணிக்கு அமலுக்கு வந்தது என்பது குறிப்பிடத்தக்கது.

முடியலை… 30 ஆயிரம் பேர் வேலை காலி… வோல்க்ஸ்வேகன் அறிவிப்பு

ஜெர்மனி:
முடியலை… முடியலை… அதனால இப்படி நடவடிக்கை எடுக்க வேண்டி இருக்கு என்று வோல்க்ஸ்வேகன் அறிவித்துள்ளது பெரும் அதிர்ச்சியை ஏற்படுத்தி உள்ளது.

என்ன விஷயம் என்றால்.. 2017ம் ஆண்டுக்குள் சர்வதேச அளவில் 30,000 ஊழியர்களை பணிநீக்கம் செய்யப் போவதாக, வோல்க்ஸ்வேகன் நிறுவனம் அறிவித்துள்ளது.

ஜெர்மனியைச் சேர்ந்த உலக புகழ்பெற்ற கார் தயாரிப்பு மற்றும் விற்பனை நிறுவனம் வோல்க்ஸ்வேகன். சமீபத்தில் அமெரிக்க வாகன சந்தையில் நச்சுப் புகை வெளியிடும் வாகனங்களை அதிகளவில் விற்பனை செய்ததாகக் கூறி வோல்க்ஸ்வேகன் மீது 10 பில்லியன் ரூபாய்க்கும் அதிகமான அபராதம் விதிக்கப்பட்டது.

இதனால் அந்நிறுவனத்திற்கு பெரும் நிதிநெருக்கடி ஏற்பட்டுள்ளது. இதை சமாளிக்கும் விதமாக 30,000 ஊழியர்களை பணி நீக்கம் செய்யும் முடிவை எடுத்துள்ளதாம்.

பணிநீக்கம் செய்யப்படும் பெருமளவு ஊழியர்கள் ஜெர்மனி, தென் அமெரிக்கா மற்றும் அமெரிக்காவைச் சேர்ந்தவர்களாக இருப்பார்கள் எனக் கூறப்பட்டுள்ளது. வோல்க்ஸ்வேகன் குழுமத்தில் மொத்தம் 6 லட்சத்து 10 ஆயிரத்து 76 பேர் பணிபுரிகின்றனர் என்பது குறிப்பிடதக்கது. இந்த அறிவிப்பு ஊழியர்கள் மத்தியில் பெரும் அதிர்ச்சியை ஏற்படுத்தி உள்ளது.

2வது டெஸ்ட் போட்டி விக்கெட்டுக்களை அள்ளிய அஸ்வின்

விசாகப்பட்டினம்:
விசாகப்பட்டினத்தில் நடந்து வரும் 2 வது டெஸ்ட் போட்டியில் அஸ்வினின் அசத்தல் தொடர்கிறது. இவர் 5 விக்கெட்டுக்களை கைப்பற்ற இங்கிலாந்து அணி முதல் இன்னிங்சில் 255 ரன்களில் சுருண்டது.

இந்தியா-இங்கிலாந்து கிரிக்கெட் அணிகள் இடையிலான 2-வது டெஸ்ட் போட்டி ஆந்திரா மாநிலம் விசாகப்பட்டினத்தில் நடந்து வருகிறது. இந்திய அணி முதல் இன்னிங்சில் 455 ரன் குவித்தது. விராட் கோலி (167 ரன்), புஜாரா (119 ரன்) ஆகியோர் சதம் அடித்தனர்.

ஆண்டர்சன், மொயீன் அலி தலா 3 விக்கெட்டும், ஆதில் ரஷீத் 2 விக்கெட்டும் கைப்பற்றினர். பின்னர் முதல் இன்னிங்சை விளையாடிய இங்கிலாந்துக்கு அதிர்ச்சி அளித்தார் அஸ்வின்.

நேற்று நடந்த 3-வது நாள் ஆட்டத்தில் 352 ரன்கள் பின்தங்கிய நிலையில் கைவசம் 5 விக்கெட்டுடன் தொடர்ந்து விளையாடியது இங்கிலாந்து அணி. அணியின் ஸ்கோர் 225 ரன்கள் இருந்தது.

பாலோ ஆனைத் தவிர்க்க 256 ரன் எடுக்க வேண்டும். ஆனால், முக்கிய விக்கெட்டுகளை இழந்ததால் இங்கிலாந்து அணி பாலோ ஆனை தவிர்க்க போராடியது. பின்னர், அன்சாரி 4 ரன்களிலும், பிராட் (13), ஆண்டர்சன் (0) ஆகியோர் விரைவில் ஆட்டமிழக்க, இங்கிலாந்து அணி 255 ரன்களில் ஆல் அவுட் ஆனது.

இந்தியா தரப்பில் அஸ்வின் 5 விக்கெட்டுகளை கைப்பற்றி அசத்தினார். இருப்பினும் இங்கிலாந்துக்கு பாலோ ஆன் கொடுக்கப்படவில்லை. 200 ரன்கள் முன்னிலையுடன் இந்தியா இரண்டாவது இன்னிங்சை தொடர்ந்தது.

நான்காம் நாள் ஆட்டம்..

தற்போதய ஸ்கோர் இந்தியா இரண்டாவது இன்னிங்ஸ் – 158/7.

358 ரன்கள் முன்னிலையுடன் இந்தியா ஆடி வருகிறது.

N.நாகராஜன்

Likes(1)Dislikes(0)
Share
Nov 192016
 

2

 

கையில் மையுடன் மக்கள்… ஆமாங்க… 4 தொகுதிக்கு இன்று தேர்தல்

சென்னை:
கையில் மை வைக்க தேர்தல் அதிகாரிகளும் ரெடி… மக்களும் ரெடியாக இன்று காலை 7 மணியிலிருந்து தமிழகம் மற்றும் புதுச்சேரியில், 4 சட்டசபை தொகுதிகளுக்கான ஓட்டுப்பதிவு தொடங்கியது.

தஞ்சாவூர், அரவக்குறிச்சி, திருப்பரங்குன்றம் மற்றும் புதுச்சேரி மாநிலத்தில் நெல்லித்தோப்பு ஆகிய 4 சட்டசபை தொகுதிகளுக்கு, இன்று தேர்தல் நடக்கிறது.

காலை 7 மணிக்கு துவங்கி மாலை 5 மணி வரை ஓட்டுப்பதிவு நடைபெறுகிறது. ஓட்டுப்பதிவுக்கு பின் 22ம் தேதி ஓட்டு எண்ணப்பட்டு முடிவு வெளியிடப்படும் என்று அறிவிக்கப்பட்டுள்ளது.

ஓட்டுப்பதிவு சதவீதத்தை, ஒரு மணி நேரத்திற்கு ஒரு முறை அறிய, புது வசதி செய்யப்பட்டுள்ளது. தேர்தல் கமிஷன் அலுவலகத்தில் இருந்து, ஓட்டுச்சாவடி அலுவலர்களை, மொபைல் போனில் அழைத்தால் அவர்கள் ஓட்டுப்பதிவு சதவீதத்தை, மொபைல் போனிலேயே பதிவு செய்து அனுப்புவர்.

தேர்தல் அமைதியாக நடைபெற, போதிய பாதுகாப்பு ஏற்பாடுகள் செய்யப்பட்டுள்ளன. பதற்றமான ஓட்டுச்சாவடிகளில், துணை ராணுவ வீரர்கள் பாதுகாப்பு பணியில் ஈடுபட்டுள்ளனர். காலை முதல் மக்களும் தங்கள் ஜனநாயக கடமையை செய்ய ஆரம்பித்துள்ளனர்.

பார்த்துட்டார்… இவர் பார்த்துட்டார்… முதல் ஆளா பார்த்துட்டார்

நியூயார்க்:
பார்த்துட்டார்… பார்த்துட்டார்… இவர்தான் முதல்ல பார்த்துட்டார் என்று தகவல்கள் தெரிவிக்கின்றன.

முதல் வெளிநாட்டு தலைவர் சந்திச்சு இருக்கார் அமெரிக்க அதிபராக தேர்ந்தெடுக்கப்பட்ட டிரம்பை. யார் தெரியுங்களா?
ஜப்பான் பிரதமர் ஷின்ஸோ அபேதான் அவர்.

நியூயார்க்கில் உள்ள டிரம்ப் டவர் கட்டடத்தில் அமெரிக்க அதிபராகத் தேர்ந்தெடுக்கப்பட்டுள்ள டொனால்ட் டிரம்ப்பை, ஜப்பான் பிரதமர் ஷின்ஸோ அபே சந்தித்துப் பேசினார்.

இந்த சந்திப்பு 90 நிமிடங்கள் நீடித்தது. தேர்தலில் டிரம்ப் வெற்றி பெற்ற பின் அவரை சந்திக்கும் முதல் வெளிநாட்டுத் தலைவர் அபே என்பது குறிப்பிடத்தக்கது.

ஜப்பான் பிரதமர் ஷின்ஸோ அபே, டிரம்ப்பை சந்தித்தது மரியாதை நிமித்தமான சந்திப்பு என்று டிரம்ப் தரப்பில் தெரிவிக்கப்பட்டுள்ளது. மேலும் இதுவரை அதிபர்கள், பிரதமர்கள் என 32 உலக நாடுகளின் தலைவர்களோடு டிரம்ப் தொலைபேசி மூலம் பேச்சு நடத்தியுள்ளார் எனவும் தெரிவிக்கப்பட்டுள்ளது.

வந்துட்டாங்க… விண்ணிலிருந்து பூமிக்கு வந்துட்டாங்க…

பீஜிங்:
வந்துட்டாங்க… வந்துட்டாங்க… விண்ணிலிருந்து பூமிக்கு வந்துட்டாங்க… அட பயப்படாதீங்க… இவங்க சீன விஞ்ஞானிகள்தாங்க…

சீனா விண்வெளியில் அமைத்து வரும் ஆய்வு மையத்தில், ஆராய்ச்சியில் ஈடுபட்டிருந்த 2 விஞ்ஞானிகள் ஒரு மாத பயணத்துக்குப் பின் பத்திரமாக பூமிக்கு திரும்பினர்.

சீனா வரும் 2022ம் ஆண்டுக்குள் விண்வெளியில் நிரந்தர விண்வெளி ஆய்வு மையத்தை அமைக்கும் பணியில் தீவிரமாக இறங்கி உள்ளது. இதற்காக விண்வெளிக்கு சென்று திரும்பும் வகையிலான விண்கலத்தை அனுப்பி வருகிறது.

இப்படி இதுவரை 5 முறை விண்வெளிக்கு விஞ்ஞானிகளை அனுப்பியு வைத்துள்ளது சீனா. இதன் தொடர்ச்சியாக 6வது முறையாக கடந்த அக்., 17ம் தேதி ‘செனஷோவ் 11’ என்ற விண்கலம் மூலம் ஜிங் ஹெய்பிங் (50), ஷென் டங் (38), என்ற 2 விஞ்ஞானிகள் விண்வெளிக்கு பறந்தனர்.

இதில் ஜிங் ஹெய்பிங் ஏற்கனவே 2 முறை விண்வெளிக்கு சென்ற வந்தவர் என்பது குறிப்பிடத்தக்கது. இருவரும் ஒரு மாதம் அங்கு தங்கியிருந்து ஆய்வுப் பணிகளை மேற்கொண்டனர்.

பணி முடிந்து வெற்றிகரமாக பூமிக்கு திரும்பினர். நீண்டகாலம் விண்வெளியில் தங்கிய சீன வீரர்கள் என்ற பெருமையையும் பெற்றுள்ளனர்.

நான் தர ரெடி… நீங்க வாங்கிக்ஙகோங்க… எம்.பி. கடிதம்…

விஜயவாடா:
நான் ரெடிங்க… நீங்க வாங்கிக்கங்க என்று மத்திய அமைச்சருக்காக முன்வந்துள்ளார் எம்.பி. ஒருவர். என்ன விஷயம் என்கிறீர்களா?

சிறுநீரக கோளாறு காரணமாக பாதிக்கப்பட்டுள்ள மத்திய வெளியுறவு துறை அமைச்சர் சுஷ்மா சுவராஜீக்கு தன் சிறுநீரகத்தை தானமாக வழங்க, தெலுங்கு தேச எம்.பி., முன்வந்துள்ளதுதான் விஷயமே.

மத்திய அமைச்சரும், பா.ஜ., மூத்த தலைவருமான சுஷ்மா சுவராஜ் (64) சிறுநீரக கோளாறு காரணாக டில்லி எய்ம்ஸ் மருத்துவமனையில் சிகிச்சை பெற்று வருகிறார். அவருக்கு சிறுநீரக மாற்று அறுவை சிகிச்சை செய்ய வேண்டும் என்று டாக்டர்கள் தெரிவித்துள்ளனராம்.

இந்நிலையில் அவருக்கு தன் சிறுநீரகத்தை தானமாக வழங்க, தெலுங்கு தேச எம்.பி., ராயபதி சாம்பசிவ ராவ் முன்வந்துள்ளார்.
இதுகுறித்து அவர் சுஷ்மாவுக்கு ஒரு கடிதம் அனுப்பி உள்ளார். அதில் என்ன எழுதியிருக்கிறார் தெரியுங்களா?

தங்களுக்கு ஏற்பட்டுள்ள உடல்நலக் குறைவு குறித்து கேள்விப்ட்டு மிகவும் வருந்துகிறேன். சிறுநீரக மாற்று அறுவை சிகிச்சைக்காக எனது சிறுநீரகத்தை தானமாக கொடுக்க விரும்புகிறேன். அதை தாங்கள் ஏற்றுக்கொண்டால் மிகவும் மகிழ்ச்சி என்று சொல்லியிருக்காருங்க… இவர் ரெடிதான்… வாங்க அவங்க ரெடியா… ரெடியா…

கனமழை ஸ்டார்ட் ஆகுது… கவனமா இருங்கோ… இருங்கோ…

சென்னை:
கனமழை இருக்கு. கவனமாக இருங்க என்று வானிலை மையம் எச்சரித்துள்ளது. விஷயம் இதுதான்.

‘தமிழகத்தின் தென் மாவட்டங்களில், வரும், 22ம் தேதி வரை, மிக கனமழை பெய்யும்’ என, வானிலை ஆய்வு மையம் தெரிவித்துள்ளது.
கடந்த 13ம் தேதி முதல் வட கிழக்கு பருவ மழை தீவிரம் அடைந்துள்ளது.

மேற்கு தொடர்ச்சி மலைப்பகுதி மாவட்டங்களிலும், தென் தமிழக கடலோர பகுதிகளிலும், பரவலாக மழை பெய்கிறது. டெல்டா மாவட்டங்களிலும், பரவலாக மழை பெய்துள்ளது.

‘தென் கிழக்கு வங்க கடலில், காற்றழுத்த தாழ்வு மண்டலம் உருவாகியுள்ளது. இந்த மண்டலம், இரு தினங்களில் வலுப்பெற்று, காற்றழுத்த தாழ்வு பகுதியாக மாறும் என்பதால், தென் மாவட்டங்களில், வரும் 22ம் தேதி வரை கனமழைக்கு வாய்ப்புள்ளது’ என்று வானிலை ஆய்வு மையம் தெரிவித்துள்ளது.

N.நாகராஜன்

Likes(1)Dislikes(0)
Share
Nov 182016
 

7

ஜிகு…ஜிகுன்னு மினுக்கும் கலர்புல் லைட்டுகள்… பளபளவென்று வெள்ளி பேப்பரால் சுற்றப்பட்ட இனிப்பு வகைகள்… பார்த்தாலே வாயில் எச்சில் சுரக்கும். வாங்கி சாப்பிட்டால்…  அட ஒரு நிமிஷம் இருங்க… இங்குதான் ஒரு ஆபத்து ஒளிந்து கொண்டு கண்ணாமூச்சி ரே…ரே.. என்று கண் பொத்தி விளையாடுகிறது.

அட என்னப்பா… இது ஸ்வீட் சாப்பிட்டால் சுகர் ஏறிடும் என்று சொல்ல வர்றீங்களா என்று கேட்கிறீர்களா? இல்லீங்க… உடல் நலத்திற்கு உலை வைக்க வாங்க… வாங்க என்று அந்த ஸ்வீட்ஸ் கூப்பிடுது என்றுதான் சொல்ல வேண்டும். விஷயம் என்ன தெரியுங்களா?

பார்த்த உடனே வாங்கி சாப்பிட வேண்டும் என்று ஆர்வத்தை தூண்டும் அந்த ஸ்வீட்ஸ் மேல் அழகாக… வெகு அழகாக ஒரு சில்வர் தாள் உட்கார்ந்து இருக்கும். ஸ்டாலில் அந்த ஸ்வீட் ஸ்டாண்டில் போகஸ் லைட்டுகள் மத்தியில் பளபளவென்று. ஸ்வீட்மேல் உள்ள அந்த வெள்ளி பேப்பர் என்னவென்று ஸ்வீட் கடையினரிடம் கேட்டுப்பாருங்க… சார் இது என்ன தெரியுங்களா? உண்மையிலேயே வெள்ளிப்பேப்பர்தான். உங்க உடல் ஆரோக்கியத்திற்கு நாங்க கேரண்டி என்பார்கள்.

அங்குதான் உள்ளது வினை. இந்த வெள்ளி இழை பேப்பர்கள் அனைத்து ஸ்வீட்களில் மேலும் இருக்காது. சில ஸ்வீட்ஸ் வகைகள் மீது மட்டும்தான் அப்ளை செய்யப்பட்டு இருக்கும். இப்படி ஸ்வீட்ஸ் மேலுள்ள அந்த வெள்ளி இழைகள் நம் உடலுக்குள்தானே செல்கிறது. அட வெள்ளி நல்லதுதானே என்று கேட்பீர்கள். சரி அது வெள்ளிதான் என்று உங்களுக்கு எப்படி தெரியும். அதான் கடைக்காரர் சொல்கிறாரே… அவர் என்ன ஏமாற்ற போகிறாரா என்று பதில் சொல்லாதீர்கள்.

அது உண்மையிலேயே வெள்ளி இழை பேப்பராக இருந்தால் ரொம்ப சந்தோஷம். காரணம் அதனால் உடலுக்கு எவ்வித பாதிப்பும் இல்லை. அப்ப வேறு என்னவாக இருந்தால் பாதிப்பு என்கிறீர்களா? இதோ விஷயத்திற்கு வருவோம். அலுமினிய இழை பேப்பராக இருந்து விட்டால்… உங்கள் உடல் பஞ்சர்தான். நோய் பாதிப்புக்கு உள்ளாவது நிச்சயமோ…நிச்சயம்.

வெள்ளியையும், அலுமினியத்தையும் பேப்பர்போல் செய்து விட்டால் இரண்டுக்கும் எவ்வித வித்தியாசமும் கண்டுபிடிக்க முடியாது. பார்ப்பதற்கு பளபளவென்று ஒன்றுபோல்தான் இருக்கும். வெள்ளி இழைகளால் செய்யப்பட்ட பேப்பர் ஸ்வீட் மீது ஒட்டப்படுவதால் அவை உடலுக்கு எவ்வித தீங்கையும் செய்யாது. ஆனால் அலுமினிய பேப்பர்கள் தீங்கு செய்யவே பிறப்பெடுத்தவை போன்று.

அப்புறம் எப்படிதான் கண்டுபிடிப்பது என்று டென்ஷனாக கேட்கிறீர்களா? ரொம்ப சிம்பிள். ஒரு சின்ன பரிசோதனை செய்து பாருங்க… சாயம் வெளுத்து விடும். அந்த பரிசோதனை இதுதான். வெள்ளி இழை மிக மெல்லியதாக தான் வெள்ளி என்பதை காட்டிக்கொள்ளாமல் தன்னடக்கத்தோடு இருக்கும். ஸ்வீட்டின் மீது உள்ளது வெள்ளிதானா என்பதை கண்டறிய இரண்டு விரல்களுக்கு இடையில் அந்த வெள்ளி பேப்பரை எடுத்து தேய்த்தால் அது தானாக கரைந்து தேய்ந்து அழிந்துவிடும்.

ஆனால் அலுமினிய இழை பேப்பரோ… அப்படி இல்லை… அழியாது உருண்டு திரண்டு ஒரு உருண்டையாக மாறிவிடும். இதிலிருந்து ஸ்வீட் மீது உள்ளது வெள்ளியா… இல்லை… அலுமினியமா என்று கண்டறிந்து விடலாம். அலுமினிய இழைகளோடு ஸ்வீட்சை சாப்பிடுவதால் என்னென்ன பிரச்னைகள் ஏற்படும் தெரியுங்களா?

ரத்தத்தோடு கலந்து சரும நோய்கள் ஏற்படும். நுரையீரல்களில் உள்ள காற்று அறைகளை பாதித்து மூச்சுத்திணறலை ஏற்படுத்தும். பாராதைராய்டு என்று சொல்லப்படும் கழுத்தின் முன்பகுதியில் இருக்கும் சுரப்பியை செயல்படவிடாமல் தடுத்து விடும். இப்படி பல பின்விளைவுகளை ஏற்படுத்தி விட்டு அமைதியாக இருந்துவிடும் அலுமினிய இழை பேப்பர்கள் என்பதை உணர்ந்து கொள்ள வேண்டும்.

என்ன மின்னுவதெல்லாம் பொன்னில்லை என்கிறீர்களா? அதிக லாபம் சம்பாதிக்க நினைக்கும் சிலர்தான் இப்படி உணவு பொருட்களை விஷமாக்கி விற்கின்றனர். அதற்காக அனைவரும் இப்படி செய்வதில்லை. யார் எப்படி இருந்தாலும்… நம் உடல் நலனில் நாம்தானே முன்னெச்சரிக்கையாக இருக்க வேண்டும். கவனம்…

N.நாகராஜன்

Likes(1)Dislikes(0)
Share
Nov 182016
 

 

1

ஐயா ஜாக்கிரதை… அம்மா ஜாக்கிரதை… எடுத்தீங்க… அப்புறம் சிறைதான்

தஞ்சாவூர்:

ஐயா ஜாக்கிரதை… அம்மா ஜாக்கிரதை… குப்பைத் தொட்டிகளிலோ… சாலைகளிலேயே செல்லாத பணம் கொட்டப்பட்டு கிடந்தால் எடுக்காதீங்கோ… எடுக்காதீங்கோ… அப்புறம் நீங்க கம்பிதான் எண்ணும்… ஜாக்கிரதைங்கோ…

என்ன இம்புட்டு பில்டப் என்கிறீர்களா… உண்மைதாங்க… அரசு 500 மற்றும் 1000 ரூபாய் நோட்டுகளை செல்லாது என்று அதிரடியாய் அறிவித்ததை தொடர்ந்து, நடுத்தர மக்கள் வங்கிகளை நோக்கி ஓட்டம் பிடிக்க, பணத்தை அளவுக்கு அதிகமாக வைத்திருப்பவர்கள் நகைக்கடைகளை நோக்கி ஓடுகின்றனர். இதனால் சில தினங்களுக்கு நகை விலையும் கிடுகிடுவென உயர்ந்தது. தொடர்ந்து தங்கம் வாங்குபவர்கள், தங்களது பான் எண்ணை தெரிவிக்க வேண்டும் என மத்திய அரசு தடாலடியாக அறிவிக்க, இப்போ நகைக்கடைகள் காற்று வாங்குகிறதாம்.

இதனால் பலர் ரூபாய் நோட்டுகளை மூட்டையாக மூட்டையாக குப்பைகளில் தூக்கி போட்டு வருவதாகவும், சாலை ஓரங்களில் வீசப்பட்டு வருவதாகவும், கோயில் உண்டியல்களில் காணிக்கையாக செலுத்தப்பட்டு வருவதாகவும் செய்திகள் வந்தபடியே இருக்கிறது.

இங்குதான் மக்கள் கவனமாக இருக்க வேண்டும் என்கின்றனர் விபரமறிந்தவர்கள். ஏன் என்கிறீர்களா? இந்த பணம் எல்லாம் கள்ள  நோட்டுகள் என்பதுதான் விஷயமே.

“ரோட்டிலோ, குப்பையிலோ யாரும் செல்லுபடியாகும் நோட்டுகளை கொட்டுவதில்லை. எங்காவது ஓரிரு இடங்களில் அப்படி நடந்திருக்கலாம், ஆனால், பெரும்பாலான இடங்களில் கொட்டப்பட்டு கிடப்பது எல்லாம் கள்ள நோட்டுகள்தான். டிசம்பர் 30-ம் வரை பணத்தை மாற்றிக்கொள்ளலாம் என மத்திய அரசு அறிவித்துள்ளது.

இதனால், அளவுக்கதிகமாக பணம் வைத்திருப்பவர்கள் அனைவரும் அதனை வேறு விதமாக புதிய நோட்டுகளாக மாற்றி வருகின்றனர். குப்பையில் கொட்டப்படுவது எல்லாம் செல்லாத கள்ள நோட்டுகளே” என்று சொல்கின்றனர் விபரமறிந்த சில அதிகாரிகள். எனவே ஜாக்கிரதை மக்களே… நீங்க ஆஹா குப்பையில் பணமா என்று எடுத்து வங்கிக்கு சென்றால் அங்கிருந்து நேராக மாமியார் (சிறை) வீட்டுக்கு செல்ல நேரிடும். கவனம்… கவனம்…

தபால் ஓட்டு இல்லீங்கோ… 3 தொகுதி தேர்தலிலும்… இல்லீங்கோ…

சென்னை:

தமிழகத்தில் தஞ்சை உட்பட 3 தொகுதிகளில் நடைபெற உள்ள தேர்தல்களில் தபால் வாக்கு கிடையாது என்று திட்டவட்டமாக தெரிவித்துள்ளார் தலைமை தேர்தல் அதிகாரி ராஜேஷ் லக்கானி.

தமிழகத்தில் கடந்த மே மாதம் நடந்த சட்டசபைத் தேர்தலின் போது பணப்பட்டுவாடா காரணமாக தஞ்சாவூர், அரவக்குறிச்சி ஆகிய தொகுதிகளில் சட்டசபைத் தேர்தல் நிறுத்தி வைக்கப்பட்டது.

இதற்கிடையில் திருப்பரங்குன்றம் தொகுதியில் தேர்ந்தெடுக்கப்பட்ட எம்எல்ஏவும் உடல் நலக்குறைவால் இறந்தார். தொடர்ந்து 3 தொகுதிகளுக்கான தேர்தலும் நாளை (19-ம் தேதி) நடைபெற உள்ளது.

இங்குதான் தலைமை தேர்தல் அதிகாரி ராஜேஸ் லக்கானி ஒரு ஸ்டேட்மெண்டை போட்டுள்ளார். என்ன தெரியுங்களா? 3 தொகுதிகளில் நடைபெறும் தேர்தலில் தபால் வாக்குகள் கிடையாது என்று ஒரே போடாக போட்டுள்ளார்.

அரசியல்ல… இதெல்லாம் சகஜமப்பா… ஆதரவாளர்களை சமாதானப்படுத்திய ஹிலாரி

வாஷிங்டன்:

அரசியல்ல… இதெல்லாம் சகஜமப்பா… என்ற நம்ம காமெடி நடிகர் கவுண்டமணியின் டயலாக்கை போல் தன் ஆதரவாளர்களை மனம் தளர வேண்டாம் என்று கேட்டுக் கொண்டுள்ளார் அதிபர் தேர்தலில் தோல்வியடைந்த ஹிலாரி கிளிண்டன்.

அமெரிக்காவின் புதிய அதிபரை தேர்ந்தெடுப்பதற்கான தேர்தல் கடந்த 8ம் தேதி நடந்தது. இதில் குடியரசு கட்சி வேட்பாளர் டொனால்ட் டிரம்ப்புக்கும், ஜனநாயக கட்சி வேட்பாளர் ஹிலாரி கிளிண்டனுக்கும் இடையே கடும் போட்டி நிலவியது.

இதில் டிரம்ப் வெற்றி பெற்றார். அத்துடன் அமெரிக்க பார்லியில் அதிக இடங்களை குடியரசு கட்சி பெற்றதால், ஹிலாரி ஆதரவாளர்கள் அதிர்ச்சியடைந்துள்ளனர்.

இந்நிலையில் வாஷிங்டனில் ஜனநாயகக் கட்சி ஆதரவாளர்கள் கூட்டம் நடந்தது. தேர்தல் தோல்விக்கு பின் முதன்முறையாக பொது நிகழ்ச்சி ஒன்றில் கலந்து கொண்ட ஹிலாரி என்ன பேசினார் தெரியுங்களா?

தேர்தல் தோல்வியால் நீங்கள் அடைந்துள்ள அதிருப்தி போலவே எனக்கும் அதிருப்தி ஏற்பட்டுள்ளது. தோல்வியை கண்டு மனம் தளரா மல், தொடர்ந்து அரசியல் நடவடிக்கைகளில் ஈடுபடுங்கள். நாட்டு மக்களிடையே ஆழமான பிளவுகள் இருந்தாலும், அதையும் தாண்டி அமெரிக்கா உச்சத்தை எட்டும் என்று தன் ஆதரவாளர்களுக்கு “பூஸ்ட் அப்” கொடுத்துள்ளார்.

“ஐ சப்போர்ட்…” நான் அப்படி சொல்லைங்க… பில்கேட்ஸ் அலறல்…

புதுடில்லி:

யாருய்யா… அது இப்படி கிளப்பி விட்டு வெறும் தண்ணீரில் வெங்காயத்தை வதக்குறதுன்னு நொந்து போய் உள்ளார் பில்கேட்ஸ். எதற்காக தெரியுங்களா?

அமெரிக்காவை மையமாக வைத்து செயல்படும், ‘மைக்ரோசாப்ட்’ மென்பொருள் நிறுவன தலைவரும், பிரபல தொழிலபதிருமான, பில்கேட்ஸ், இந்தியா வந்துள்ளார்.

பிரதமர் மோடியின், கறுப்பு பண ஒழிப்பு நடவடிக்கைக்கு, அவர் ஆதரவு தெரிவித்திருப்பதாக செய்திகள் வெளியானது. இதற்குதான் இப்படி ஒரு ரியாக்சன் கொடுத்துள்ளார். எப்படி?

பிரதமர் மோடியின் கறுப்பு பண ஒழிப்பு நடவடிக்கை குறித்து, நான் எதுவுமே கூறவில்லை. ஆனால், இந்தியா, ‘டிஜிட்டல்’மயமாக மாறி வருகிறது என்றுதான் தெரிவித்தேன். இந்தியாவின், ஆதார் அடையாள அட்டை சிறப்பான திட்டம்.

அமெரிக்காவின், புதிய அதிபராக, டிரம்ப் தேர்ந்தெடுக்கப்பட்டது பற்றி, எந்த கருத்தும் தெரிவிக்கவில்லை. யார் அதிபராக இருந்தாலும், அவருடன் இணைந்து பணியாற்ற தயார். இப்படி சொல்லியிருக்கிறாருங்க…

உங்க அரசியலுக்கு நீதிமன்றம் இடமில்லை… நீதிபதிகள் “கடும் காட்டம்”

சென்னை:

உங்க அரசியலுக்கு இது இடமில்லை என்பதுபோல் நீதிமன்றம் “கடுமை” காட்டியுள்ளது. எதற்காக தெரியுங்களா?

கடந்த சட்டமன்ற தேர்தலின் போது தஞ்சை தொகுதியில் வாக்காளர்களுக்கு பணம் பட்டுவாடா செய்யப்பட்டது என்று கூறி தேர்தல் ஒத்தி வைக்கப்பட்டது. சிலபல தடைகளுக்கு பிறகு தற்போது நாளை (19ம் தேதி) தஞ்சாவூர் தொகுதியில் தேர்தல் நடக்கிறது.

இதற்கிடையில் இந்த தொகுதியில் போட்டியிடும் சுயேட்சை வேட்பாளர் ரமேஷ் காந்தி சென்னை உயர்நீதி மன்றத்தில் ஒரு மனுதாக்கல் செய்தார். அதில் என்ன சொல்லியிருந்தார் தெரியுங்களா?

“தஞ்சை தொகுதி அதிமுக வேட்பாளர் ரங்கசாமியின் வேட்புமனுவில் சின்னம் ஒதுக்கும் படிவத்தில் முதல்வர் வைத்துள்ள கைரேகையின் உண்மைத் தன்மையை யாரும் நிரூபிக்கலை. இந்த காரணத்தால் அவரது வேட்புமனுவை தள்ளுபடி செய்ய வேண்டும்’ என்று கூறியிருந்தார்.

இந்த மனு தலைமை நீதிபதி எஸ்.கே.கவுல், நீதிபதி மகாதேவன் ஆகியோர் அடங்கிய அமர்வு முன்பு கடந்த 16ம் தேதி விசாரணைக்கு வந்தது. அப்போதுதான் நீதிபதிகள் தங்களின் கண்டனத்தை தெரிவித்துள்ளனர்.

தலைமை நீதிபதி கூறுகையில், “இந்த கைரேகை தொடர்பாக ஒருவர் மாற்றி ஒருவர் வழக்கு தொடர்ந்து கொண்டு இருக்கிறீர்கள். நீங்கள் தேர்தல் களத்தில் போட்டியிடுவது மட்டுமல்லாமல் நீதிமன்றத்திலும் போட்டியிடுகிறீர்கள். அரசியலை நீதிமன்றத்திற்கு வெளியே வைத்துக்கொள்ளுங்கள்.

தேர்தலை அரசியல் ரீதியாக எதிர்கொள்ள வேண்டுமே தவிர நீதிமன்றம் மூலம் எதிர்கொள்ளக் கூடாது. அங்கீகரிக்கப்பட்ட கட்சிகளை எதிர்கொள்ள அச்சமிருந்தால் ஏன் சுயேட்சையாக போட்டியிட வேண்டும். தேர்தல் சின்னம் ஏற்கனவே ஒதுக்கப்பட்டுவிட்டது. எனவே இந்த மனுவை விசாரிக்க முடியாது” என்று கூறி மனுவை தள்ளுபடி செய்துள்ளனர்.

டிவி நடிகர் மரணம்… தற்கொலையா… விபத்தா போலீசார் தீவிர விசாரணை

மும்பை:
தற்கொலையா… விபத்தா என்று புரியாமல் அதிர்ச்சி நிலையில் உள்ளனர் மக்கள். காரணம் டி.வி. நடிகர் ஒருவர் ரயில் நிலையத்தில் இறந்து கிடந்த சம்பவம்தான்.

சமீபத்தில் நடிகர்கள், நடிகைகள் தற்கொலை செய்து கொள்வது அதிகரித்துவிட்டது. அதேபோல்தான் மும்பை மேற்கு வழி ரயில் தடத்தில் காந்திவிலி- போரிவிலி ரெயில் நிலையங்களுக்கு இடையே முதியவர் இறந்து கிடப்பதாக போலீசாருக்கு தகவல் வர  உடலை கைப்பற்றி விசாரித்தனர்.

இதில் அந்த முதியவர் பிரபல பாலிவுட் சீரியல் நடிகர் முகேஷ் ராவல் (66) என்பது தெரியவந்துள்ளது. இவர் இந்தி, குஜராத்தியில் டி.வி சீரியல்களில் நடித்துள்ளார். இந்தி ராமாயணத்தில் விபீஷணாக நடித்ததும் இவர்தான் என்பது குறிப்பிடத்தக்கது.

இவர் தற்கொலை செய்து கொண்டாரா அல்லது கொலை என்ற கோணத்தில் போலீசார் விசாரித்து வருகின்றனர்.

N.நாகராஜன்

Likes(1)Dislikes(0)
Share
Share
Share