Jun 292018
 
தோல்வி – தள்ளிப்போகும் வெற்றி !

நம் கதாநாயகி 1915 ஆம் ஆண்டு, கியூபாவின் ஹவானாவில் பிறந்தவர். ஓவியம் என்றால் பெரும் ஈடுபாடு அவருக்கு. எட்டு வயதிற்குள் ஒரு பேராசிரியரிடம் ஓவியப் பாடங்களைப் கற்றார். பள்ளிக்குப் பிறகு, கட்டிடக்கலை பாடத்தில் சேர்ந்தது, அவரது ஓவியத்தை மேலும் மெருகேற்றியது. 1939-ல், ஒரு ஆங்கில ஆசிரியரை திருமணம் செய்து, நியூயார்க்கிற்கு குடிப்பெயர்ந்தார். 1943 முதல் 1947 வரை நியூயார்க்கில் பிரபலமான கலைக் கல்லூரியில் பயின்றார். தொடர்ந்து ஓவியங்கள் வரைந்தும், தனது படங்களை சேகரித்துக் கொண்டேயும் இருந்தார். படங்களின் […]

Share
May 182018
 
உன்னிடம் என்ன இருக்கிறது?

1938 ஆம் ஆண்டு நடந்த உண்மை சம்பவம். ஹங்கேரி நாட்டைச் சேர்ந்த கரோலி டக்காக்ஸ் (Károly Takács), தன் நாட்டின் சிறந்த துப்பாக்கி சுடும் வீரர் எனப் பெயர் பெற்றிருந்தார். ராணுவத்தில் சர்ஜன்ட்டாக பணிப்புரிந்த அவரிடம் “உலகத்தின் தலை சிறந்த துப்பாக்கி சுடும் வீரராக ஒருநாள் ஆக வேண்டும்” என்பது மட்டுமே ஒரே ஒரு கனவாக இருந்தது. பல வருடங்கள் இந்த இலக்கிற்காக உழைத்ததினால், கிட்டத்தட்ட அந்த இலக்கை அடைந்துவிடும் தூரத்தில் இருந்தார். அடுத்து நடக்க இருக்கும் […]

Share
Mar 302018
 
நீ எந்த கட்டத்தில் ?

மாஸ்லோவின் பிரமிடு பற்றி எனது மாணவர்களிடம் சமீபத்தில் உரையாற்றிக் கொண்டிருந்தேன். அதை தெரிந்துக்கொண்டவர்களிடம் ஒரு பெரிய உற்சாகம். மிகவும் பயனுள்ளதாக இருந்தது என தெரிவித்தனர். அவர்களது வரவேற்பை கண்டவுடன், இதைப் பற்றி நம் B+ தளத்திலும் எழுதலாம் என்று தோன்றவே இந்த இதழில் உங்களுடன் பகிர்ந்துக் கொள்கிறேன். மாஸ்லோவின் பிரமிட்டில், (படத்தில் உள்ளது போல்) ஐந்து வெவ்வேறு கட்டங்கள் அடுக்கி வைக்கபட்டிருக்கும். மனிதனுக்கு வாழ்வில் ஒவ்வொரு காலகட்டத்திலும் தேவையான பொருள்கள், உணர்வுகள், மனநிலைகள் என அனைத்தும் அந்த […]

Share
Feb 282018
 
மரணங்களும், மார்க்கெட்டிங் ஏஜெண்ட்களும்!

மது மரணம், மதுவால் மரணம், மஜ்ஜைக்காக மரணம், மழழைகள் மரணம் !! கடந்த ஐந்து நாட்களாக சமூக வலைதளங்களில் இந்த செய்திகள் தான் பெருமளவு விவாதிக்கப்பட்டு, அதிகளவில் பகிரப் பட்டும் வந்துள்ளது. கேரளாவில் மது என்ற இளைஞர் பசியினால் அரிசி திருடியதாக, அங்குள்ள மக்கள் அவரை அடித்தே கொலை செய்தனர் என்ற ஒரு செய்தி; அடுத்து, நடிகை ஸ்ரீதேவி துபாயில் மது அருந்தியப் பின், குளியல் தொட்டியில் குளிக்கும் போது மரணமடைந்தார் என்ற செய்தி; மூன்றாவது, காஞ்சிபுரம் […]

Share
Jan 132018
 
நீருக்குள் நெருப்பு!

சமிபத்தில், சுமார் 45வயது நிரம்பிய அந்த பெண்ணிடமிருந்து ஒரு முகநூல் பதிவு. நீச்சல் குளத்தில் நீருக்குள் தான் நடப்பதை வீடியோ எடுத்து மகிழ்வுடன் அனைவருடனும் பகிர்ந்துள்ளார். நீச்சல் குளத்தில் நடப்பது என்ன அத்தனை பெரிய விஷயமா, அதை ஏன் படம் எடுத்து அவர் பதிவிடவேண்டும்? காரணம் இருக்கிறது. அவருக்கு அது மகிழ்ச்சி தான். ஏனெனில் வாழ்வின் பெரும் பகுதியை சக்கர நாற்காலியில் பயணிக்கும் மாற்றுத் திறனாளிகளுள் அவரும் ஒருவர். சக்கர நாற்காலியிலேயே தொடர்ந்து அமர்ந்திருந்ததினால், முதுகுத்தண்டில் பெரிய […]

Share
Nov 252017
 
வாழ்வை மாற்றிய இரு கேள்விகள்!

முரளி ஒரு பேச்சளார். சகஜமாக பழகக்கூடியவர். உற்சாகமான மனிதர். நிறைய புத்தகங்கள் வாசித்து, பல விஷயங்களை தெரிந்து வைத்துள்ளவர். பாசிட்டிவான மனிதர். அனால்.. சுமார் பத்து வருடங்களுக்கு முன் ஹோசூர் பகுதியில் நடந்த ஒரு சோக சம்பவம் அவரது வாழ்வை புரட்டிப் போட்டு, அவரை நிலைக்குலைய வைத்தது. 21/4/2007 அன்று முரளி இரு சக்கர வண்டியில் தனது குடும்பத்துடன் சென்றுக் கொண்டிருந்தார். வண்டியின் முன் புறத்தில் அவரது பத்து வயது பெண் குழந்தை நின்றுக்கொள்ள, அவரது துணைவியார் […]

Share
Oct 202017
 
உங்கள் பார்வை!

ஒன்றுமே அறியாத அந்த கைக்குழந்தை சாகருக்கு ஒரு வயது தான் முடிந்திருந்தது. ஆனால் விதியின் கொடுமை. கலப்புத் திருமணம் செய்த ஒரே காரணம், (அவனது சமூகத்தின் கோரத் தாண்டவத்திற்கு பெற்றோரை இழந்து) அவனை நிர்கதியாய் நிற்கச்செய்தது. அவனது தாத்தா மட்டும் ஆதரவுக் கரம் நீட்ட, தாத்தாவுடன் சில காலங்கள் இருந்தான். விதி மீண்டும் சோதித்தது. தாத்தாவும் இறந்து விட, ஒரு குழந்தை காப்பகத்தில் தனது குழந்தைப் பருவத்தை தொடங்கினான் சாகர். சொந்த பந்தம் என்று யாருமே இல்லை. […]

Share
Sep 122017
 
உலகமே உங்கள் கையில்!

நண்பர்களுக்கு, குறிப்பாக மாணவர்களுக்கு, “உங்கள் வெற்றி உங்கள் கையில் தான் உள்ளது”!! தமிழகத்தில் சாதித்துவரும் பல தொழிலதிபர்களை சந்தித்து, அவர்களைப் பற்றி சிறு தொகுப்புகளை வெளியிடும் ஒரு வாய்ப்பு சமீபத்தில் வந்தபோது, மேலுள்ள இந்த வரியின் முழு அர்த்தத்தை உணர்ந்தேன். இந்த வெற்றியாளர்களை சந்தித்தபோதும், அவர்கள் குணங்களை அருகிலிருந்து கவனித்தபோதும் சில முக்கியமான விஷயங்களை கற்று அறிந்தேன். அதை உங்களுடன் பகிர்ந்துக்கொள்ள விரும்புகிறேன். முதலில், இந்த சாதனையாளர்கள் வெளியில் உள்ள எந்த சூழ்நிலைகளும் தங்களது வெற்றியை தடுக்க […]

Share
Jul 312017
 
பயனில் சொல்..

“சார், உங்கள் மகன் படிக்கும் பள்ளியிலிருந்து தான் அழைக்கிறோம், உங்கள் மகன் எங்கள் பள்ளியில் இப்போது ஒரு பரீட்சை எழுத இருக்கிறான், இதனால் தான் உங்களை அழைத்தோம்” என்று ஒரு தந்தைக்கு தொலைபேசி அழைப்பு ஒன்று வருகிறது. தந்தை சற்று குழப்பத்துடன், “பரீட்சை நடத்த வேண்டுமெனில், நடத்துங்கள், இதற்கு ஏன் என்னை தொடர்பு கொள்கிறீர்கள்?” என்கிறார். “பையன் உங்களிடம், பள்ளியில் நடப்பவைகளுள் எதை கூறுகிறான், எதை கூறுவதில்லை என எங்களுக்குத் தெரிவதில்லை, எனவே தான் உங்களை அழைத்தோம். […]

Share
May 262017
 
Peepoo (பீப்பூ)

இருட்டை விமர்சிப்பதை விட்டுவிட்டு, ஒரு சிறு மெழுகுவர்த்தி ஏற்ற முயற்சியுங்கள் என ஒரு கூற்று உண்டு. அதனால் தான் சரித்திரம் எப்போதும் விமர்சன வீரர்களை விட செயல் வீரர்களையே பல நூற்றாண்டுகள் கடந்த பின்னும் பேசிக்கொண்டும், கொண்டாடியும் இருக்கிறது. அப்படி சரித்திரம் கொண்டாடும் செயல் வீரரான ஸ்வீடன் நாட்டைச்சேர்ந்த பேராசிரியர் மற்றும் கட்டிட வடிவமைப்பாளரான ஆண்டெர்ஸ் வில்ஹேல்ம்சன் என்பவரைப் பற்றி தெரிந்துக்கொள்வோம். ஆண்டெர்ஸ் தனது குழுவுடன் 2005 ஆம் ஆண்டு இந்தியா வந்துள்ளார். அப்போது குடிசைப்பகுதிகளில் குடியிருந்த […]

Share
Apr 282017
 
உனக்குள் ஒரு சாதனையாளர்!

சென்னையில் சமீபத்தில் சிவில் சர்வீஸ் குறித்து விழிப்புணர்வு ஏற்படுத்தும் விதத்தில் மாணவர்களுக்காக ஒரு நிகழ்ச்சி நடந்தது. சிவில் சர்வீஸ் தேர்வுகளைப் பற்றியும் அதற்குப் பின் உள்ள வாய்ப்புகள் பற்றியும் மாணவர்களுக்கு எடுத்துச் சொல்லும் வகையில் சில அதிகாரிகளும் அந்த நிகழ்ச்சியில் கலந்த்துக்கொண்டனர். பெருந்திரளான மாணவர்களும் வந்திருந்தனர். மாணவர்களுக்காக கூட்டத்தில் பேச வந்த அதிகாரிகள் அனைவரும், பல சோதனைகளையும் சவால்களையும் தமது வாழ்வில் வெற்றிகரமாக சமாளித்து, வெற்றிப்பெற்று, தங்களது துறையில் சாதித்துக் கொண்டு இருப்பவர்கள். நிகழ்ச்சி முடிந்து அதிகாரிகள் […]

Share
Mar 152017
 
இதெல்லாம் சகஜம்மப்பா!

சென்ற வாரம் விடுமுறை வேண்டி பள்ளி மாணவன் ஒருவன் தன் ஆசிரியருக்கு எழுதிய விடுப்பு விண்ணப்பம் இணையத்தில் வைரலாகப் பரவியது. தேனி மாவட்டம், வருஷ நாடு அருகில் இருக்கும் பூசணியூத்து எனும் கிராமத்தில் உள்ள அரசு உயர்நிலைப்பள்ளியில் ஏழாம் வகுப்பு  படிக்கிறான் ஈஸ்வரன். ஈஸ்வரன் தனக்கு ஒருநாள் விடுப்பு கேட்டு எழுதிய கடிதத்தை தன் நண்பனிடம் கொடுத்து அனுப்பியிருந்தான். மாணவர்கள் எழுதும் வழக்கமான விடுப்பு விண்ணப்பம்தானே என்று நினைத்து அதைப் படித்த ஆசிரியருக்குப் பெரும் ஆச்சர்யத்தை அளித்தது […]

Share
Feb 152017
 
மாற்றி யோசிப்போம்!

சில வாரங்களுக்கு முன் நடந்த சம்பவம். நண்பர் திரு.லக்ஷ்மி நரசிம்மன் அவர்கள் சென்னை TVS நிறுவனத்தில் பல வருடங்களாக வேலை செய்து வருபவர். பத்து பைசா சமூகத்திற்காக கொடுத்து விட்டாலே, கட்-அவுட் வைக்கும் அளவு விளம்பரம் செய்துக்கொள்ளும் சில வேடிக்கை மனிதர்கள் வாழும் இன்றைய சூழ்நிலையில், பல நல்ல காரியங்களை சத்தமில்லாமல் செய்து வரும் எண்ணற்ற மனிதர்களுள் இவரும் ஒருவர். பொறியியல் படிக்கும் இவரது மகன் சாஹில் பிறந்த நாளை, இவர் கொண்டாடிய விதம் என்னை வியப்பில் […]

Share
Jan 142017
 
வானம் வசப்படும்!

இனிய பொங்கல் வாழ்த்துக்கள் நண்பர்களே! பொங்கல் வந்தாலே நமது குழுவிற்கு இரட்டிப்பு மகிழ்ச்சி தான். ஒன்று இது தமிழர்களின் அடையாளம், இரண்டு இந்த நன்னாளில் தான், நமது B+ இணைய இதழை துவக்கினோம். ஆம், இன்று நான்காம் ஆண்டில் அடியெடுத்து வைக்கிறோம். நேர்மையாக கூற வேண்டுமெனில், இந்த இணைய இதழை ஆரம்பிக்கையில், இத்தனை தூரம், இத்தனை விதமான அனுபவம் தரும் பயணமாக இருக்கும் என கண்டிப்பாக எதிர்பார்க்கவில்லை. இந்தப் பயணம் ஒரு தனி மனிதனின் வெற்றி அன்று. […]

Share
Dec 132016
 
வர்தா புயல்!

பணம், பதவி, பேர், புகழ் போன்ற மாயைகளுக்காக எத்தனை தவறுகளை அறிந்தும் அறியாமலும் தினமும் செய்துக்கொண்டிருக்கிறோம்? இந்த மாயைகளின் அடிப்படையில் உயர்ந்தவர் தாழ்ந்தவர் என பிரிவினங்களை ஏற்படுத்தி வாழும் காலம் முழுதும் நெருங்கிய மக்களிடம் கூட சண்டையிட்டு அடித்துக்கொள்கிறோம். ஆனால் நாம் செய்யும் பாவ புண்ணிய செயல்களுக்கு, தனக்கு ஒரு நாள் பதில் சொல்லியே ஆக வேண்டும் என்பதை பேரிடர்களின் மூலம், நம்மை அவ்வப்போது  ஓங்கி அறைந்து, உணர்த்திச் செல்கிறது இயற்கை! நமக்குத் தான் ஆறறிவு உள்ளதே? […]

Share
Nov 212016
 
சிகரம் தொடு!

அது ஒரு அழகிய கிராமம். விவசாய நிலங்கள், சுற்றி மலைகள் என இயற்கை பொலிவுடன் இருந்தது. விவசாயத்தை மட்டுமே நம்பியிருந்த மக்களும்  கடுமையாக உழைத்து செழிப்பாக இருந்து வந்தனர். சோலையாக விளங்கிய கிராமம், ஒரு சமயத்தில் நீர் வரத்து குறையவே, பாலைவனமாக மாறத் தொடங்கியது. மூன்று வேலை சாப்பாட்டுடன் மகிழ்ச்சியாக இருந்த மக்களின் நிலை, ஓரிரு வேலை என சுருங்கியது. பஞ்சம் தலை விரித்து ஆடியதில், மக்கள் அக்கம் பக்கம் உள்ள ஊர்களுக்குச் சென்று வேலை செய்ய […]

Share
Oct 142016
 
சாதனையின் முதல் படி

கல்லூரியில் எங்களுடன் பொறியியல் படித்த நெருங்கிய நண்பருக்கு IITயில், டிசைன் பிரிவில் மேல் படிப்பு படிக்க ஆர்வம் வந்தது. டிசைனில் ஈடுபாடு இருந்தும், படங்கள் வரைவதில் அவருக்கு அத்தனை விருப்பம் இல்லை. ஆனாலும் டிசைன் பிரிவாயிற்றே, நேர்முகத் தேர்வின் போது ஏதேனும் படத்தை வரைய சொல்லி கேட்கலாம் என எண்ணி தன் வீட்டினுள் சுற்றி பார்த்திருக்கிறார். மேசை மீதுள்ள தொலைபேசி கண்ணில் படவே, அதையே வரைந்து பழகியுள்ளார். என்ன ஆச்சரியம்! நேர்முகத் தேர்வில் இவரை, தொலைபேசி படத்தை […]

Share
Sep 142016
 
சூப்பர் ஸ்டார்

சென்ற வாரம் பாலிவுட்டின் சூப்பர் ஸ்டார் திரு.அமிதாப்பச்சன் அவர்கள் தனது பேத்திகளுக்கு, பெண் சுதந்திரம் குறித்து எழுதிய கடிதம் சமூக தளத்தில் வைரலாக பரவியது. அவர் கடிதத்தின் சுருக்கம் இவ்வாறு இருந்தது. “எனது பேத்திகள் நவ்யா மற்றும் ஆராத்யாவிற்கு, நீங்கள் இருவரும் பெண்கள் என்பதற்காகவே, மக்கள் உங்கள் மீது அவர்களது கருத்துக்களை திணிப்பார்கள், உங்களுக்கு தேவையற்ற எல்லைக் கோடுகளையும் வரைமுறைகளையும் நிர்ணயிப்பார்கள். நீங்கள் எவ்வாறு உடை அணிய வேண்டும், எவ்வாறு பழக வேண்டும், யாரைப் பார்க்க வேண்டும், […]

Share
Aug 142016
 
தங்கப்பதக்கம்

தீபா கர்மாக்கர்! தற்போது பிரேசிலில் நடந்து வரும் ஒலிம்பிக் போட்டிகளில் Produnova Vault ஜிம்னாஸ்டிக் பிரிவில் இறுதிச் சுற்றுக்கு தகுதிபெற்று, இதுவரை எந்த இந்திய பெண்ணும் செய்யாத சாதனையை புரிந்துள்ளார். இதுவரை உலகில் இந்த சாதனையை செய்த ஐந்தாவது பெண் என்ற பெருமையையும் பெற்றுள்ளார். கரணம் தப்பினால் மரணம் என்பதை மெய்பிக்கும் வகையில் உள்ள இந்த Produnova Vault ஜிம்னாஸ்டிக் போட்டிகளில், சென்ற சனிக்கிழமை பிரான்ஸ் நாட்டின் வீரர் சமீரி அயிட் காலை இழந்த துயர சம்பவமும் […]

Share
Jul 142016
 
ரௌத்திரம் பழகு!!!

சமீபத்தில் தமிழ் நாட்டைச் சேர்ந்த பேராசிரியர் திரு.எத்திராஜன் ராதாகிருஷ்ணன் என்ற உயர்ந்த மனிதரை சந்திக்கும் வாய்ப்பு கிடைத்தது. திரு.ராதாகிருஷ்ணன் அவர்கள் கான்பூர் ஐஐடி (IIT) முப்பது வருடங்களுக்கும் மேல் பல பொறியியல் துறைகளில் பாடங்கள் எடுத்து வருபவர். அவரது பொறியியல் புத்தகங்களை சுமார் பதிமூன்று உலக மொழிகளில், மற்ற நாடுகள் மொழி பெயர்த்துள்ளனர். பொறியியல் மட்டுமன்றி தமிழ் மீதும், இலக்கியங்கள் மீதும் தீராத ஆர்வம் கொண்டுள்ள இவர், தமிழில் சில நல்ல நூல்களை எழுதி வெளியிட்டுள்ளார். பல […]

Share
Share
Share